الدىڭعى 2 ايدا شينجياڭدا قىزمەت وتەۋ تۇرىندەگى ينتەرنەتتە بولشەك ساتۋ سوماسى سايكەس مەزگىلدەگىدەن %20.3 ارتتى
2024.03.21 16:27 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى حي حۇڭۋي 3 ـ ايدىڭ 19 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، الدىڭعى 2 ايدا شينجياڭنىڭ ينتەرنەتتەگى ساۋدا سوماسى 50 ميلليارد 804 ميلليون يۋانعا جەتىپ، سايكەس مەزگىلدەگىدەن %7.96ارتقان. مۇنىڭ ىشىندە ينتەرنەتتەگى بولشەك ساتۋ سوماسى 12 ميلليارد 210 ميلليون يۋان بولىپ، سايكەس مەزگىلدەگىدەن %13.82 ارتقان. ينتەرنەتتەگى بولشەك ساتۋ سوماسىندا ناقتى زاتتاردىڭ ينتەرنەتتەگى بولشەك ساتىلۋ سوماسى 7 ميلليارد 972 ميلليون يۋان بولىپ، سايكەس مەزگىلدەگىدەن %10.64 ارتقان؛ قىزمەت وتەۋ تۇرىندەگى ينتەرنەتتە بولشەك ساتۋ سوماسى 4 ميلليارد 237 ميلليون يۋان بولىپ، سايكەس مەزگىلدەگىدەن %20.31 ارتىپ، تۇتىنۋعا قىزمەت وتەۋ كومەسكى كۇشى جەدەل جارىققا شىعىپ، ماڭىزدى ”جاڭا قامداۋدىڭ“ ارتۋ مولشەرىنە اينالدى.
بيىل جىل باسىنان بەرى، اۆتونوميالى رايوندىق ساۋدا ىستەرى مەڭگەرمەسى ”2024 تۇتىنۋدى جەبەۋ جىلى“ نەگىزگى تاقىرىبىن ارقاۋ ەتىپ، كوكتەم مەرەكەسى، ”جەلىدەگى مەرەكەلىك زات مەرەكەسى“ سىندى تۇتىنۋ قىزۋ تۇيىندەرىنە تولىق سۇيەنىپ، جەر ـ جەردىڭ ەرەكشە بايلىق قاسيەتى مەن باسىمدىعىن تياناق ەتىپ، جاڭاشا تۇتىنۋدى جەتىلدىرىپ، زورايتىپ، ينتەرنەت جەلىسىندە جانە ينتەرنەت جەلىسىنەن تىسقارىدا سايكەسە قيمىلداپ، ۇندەس بولىپ، تۇتىنۋ سۇرانىسىن كۇش سالا كەڭەيتتى.
جەلىلىك اس ـ سۋ، جەلىلىك ساياحات جانە تۇرمىستىق قىزمەت وتەۋ سالالارىنىڭ بەينەسى كورنەكتى بولىپ، تۇتىنۋ ورلەۋى ۇزدىكسىز ارتتى. الدىڭعى 2 ايدا جەلىلىك اس ـ سۋ، جەلىلىك ساياحات جانە تۇرمىستىق قىزمەت وتەۋ قىزمەت وتەۋ كاسىبىندە الدىڭعى 3 ورىندى يەلەپ، ينتەرنەتتەگى بولشەك ساتىلۋ سوماسى جەكە ـ جەكە 2 ميلليارد 567 ميلليون يۋان، 821 ميلليون يۋان جانە 540 ميلليون يۋان بولدى. اسىرەسە، 2 ـ ايداعى ەرەكشە ۇزاق دەمالىس شينجياڭنىڭ اس ـ سۋ، كوڭىل اشۋ، سەيىل ـ سەرۋەن، قىزمەت وتەۋ سياقتى تۇتىنۋ قىزۋ ورلەۋىنە دەم بەرىپ، قىزمەت وتەۋ تۇرىندەگى ينتەرنەتتە بولشەك ساتۋ سوماسى 2 ميلليارد 674 ميلليون يۋانعا جەتىپ، سايكەس مەزگىلدەگىدەن %42.04 ارتتى.
”وتباسىلارىنىڭ باس قوسۋى“، ”تۋىس ـ تۋعان، دوس ـ جاراندارىنا امانداسا بارۋ“ سياقتى تۇتىنۋ نەگىزگى تاقىرىبى ”سيفرلى تۇتىنۋ“ ەرەكشەلىگىن ايگىلەدى، سيفرلى تۇعىر، سيفرلى تولەۋ تۇرعىنداردىڭ زات ساتىپ الۋىنا جانە اس ـ سۋعا، قوناق ۇيگە تاپسىرىس بەرۋىنە اناعۇرلىم قولايلىلىق تۋدىردى. كوكتەم مەرەكەسى كەزىندە سەيىل ـ سەرۋەن ساياحاتى قىزۋ قارسى الىنىپ، شينجياڭنىڭ جەلىلىك ساياحاتىنىڭ ينتەرنەتتەگى بولشەك ساتىلۋ سوماسى 302 ميلليون يۋانعا جەتىپ، سايكەس مەزگىلدەگىدەن %55.76 ارتتى؛ قار ـ مۇز ساياحاتى دا تۇتىنۋشىلاردىڭ قارسى الۋىنا يە بولىپ، مادەنيەت ـ ساياحات تۇتىنۋىنىڭ كومەسكى كۇشى تاعى دا جارىققا شىعىپ، شينجياڭنىڭ جەلىلىك ساياحات تاپسىرىس مولشەرى سايكەس مەزگىلدەگىدەن %54.82 ارتتى.
تىكە تاراتۋ ەلەكتروندى ساۋداسى ”قامداۋ دارەجەسىن جوعارىلاتۋعا“ دەم بەرىپ، تۇرمىستىق قىزمەت وتەۋ كاسىپ كۇيى اناعۇرلىم ەگجەي ـ تەگجەيلىلەندى جانە قولايلىلاندى. ”تىكە تاراتۋ “+ مەن ”ەلىتە سەزىنۋ ۇلگىسى“ تىكە تاراتۋ ەلەكتروندى ساۋداسىنىڭ ٴتىپتى دە تەرەڭ توعىسۋىن جەبەپ، ”تىكە تاراتۋ + دەنە شىنىقتىرۋ“، ”تىكە تاراتۋ + دۇكەن ارالاۋ“، ”تىكە تاراتۋ + امبەباپ ونەر“، ”تىكە تاراتۋ + ويىن“ جانە ”تىكە تاراتۋ + وقۋ ـ اعارتۋ“ سياقتى جاڭادان گۇلدەنگەن مازمۇن فورمالارىن قالىپتاستىرىپ، تىكە تاراتۋ ەلەكتروندى ساۋداسىنىڭ كورىنىس اسەرىن بايىتتى. الدىڭعى 2 ايدا شينجياڭنىڭ تىكە تاراتۋ بويىنشا ساتۋ سوماسى 881 ميلليون يۋانعا، تىكە تاراتۋ بويىنشا ساتىلىم مولشەرى 19 ميلليون 950 مىڭنان استامعا جەتىپ، تىكە تاراتۋ 11 مىڭ رەتتەن اسىپ، تىكە تاراتۋدى كورگەندەر سانى 122 ميلليون ادامعا (رەت) جەتتى. تىكە تاراتۋ كاسىبىندە ازىق ـ تۇلىك جانە دەنساۋلىق قورعاۋ، القا ـ مونشاق جانە اشەكەي بۇيىمدار، اجارلاندىرۋ ـ كۇتىمدەۋ تۇرلەرى بويىنشا جەكە ـ جەكە 551 ميلليون يۋان، 103 ميلليون يۋان، 55 ميلليون يۋان ساتىلۋ سوماسى ورىندالىپ، الدىڭعى 3 ورىندى يەلەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
