«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
حالىقتى بارىنەن جوعارى قويۋدا، ءسوز جوق، تاباندى بولۋ كەرەك
2024.04.01 16:24 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 31 - كۇنى، بەيجيڭ. 4 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 7 - سانىندا ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «حالىقتى بارىنەن جوعارى قويۋدا، ءسوز جوق، تاباندى بولۋ كەرەك» اتتى ماڭىزدى ماقالاسى جاريالانادى. بۇل باس شۋجي شي جينپيڭنىڭ 2012 - جىلى 11 - ايدان 2023 - جىلى 12 - ايعا دەيىنگى قاتىستى ماڭىزدى پايىمداۋلارىنىڭ ۇزىندىلەرىنەن قۇرالعان.
ماقالادا مىنالار دارىپتەلدى: حالىق − تاريحتى جاراتۋشى، حالىق − ناعىز قاھارمان. پارتيامىز حالىقتان كەلگەن، حالىققا تامىر تارتقان، حالىققا قىزمەت ەتەدى، پارتيانىڭ نەگىزى حالىقتا، قان تامىرى حالىقتا، كۇش - قۋاتى حالىقتا. حالىق − پارتيامىزدىڭ بيلىك جۇرگىزۋىنىڭ ەڭ ۇلكەن تىرەگى، رەسپۋبليكامىزدىڭ بەرىك نەگىزى، ءبىزدىڭ پارتيانى قۇدىرەتتەندىرىپ، مەملەكەتتى كوركەيتۋىمىزدىڭ ءتۇبىرلى تياناعى. حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز. جۇڭگو كوممۋنيستەرىنىڭ اۋەلگى ماقساتى مەن بورىشى − جۇڭگو حالقىنىڭ باقىتىن كوزدەۋ، جۇڭحۋا ۇلتىنىڭ گۇلدەنۋىن كوزدەۋ. وسى اۋەلگى ماقسات پەن بورىش − جۇڭگو كوممۋنيستەرىن ۇزدىكسىز العا باسۋعا جىگەرلەندىرەتىن ءتۇبىرلى قوزعاۋشى كۇش.
ماقالادا مىنالار اتاپ كورسەتىلدى: بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى. حالىقتىق مايدان − جۇڭگو كوممۋنيستىك پارتياسىنىڭ ءتۇبىرلى ساياسي مايدانى، ماركسيزمدىك ساياسي پارتيانىڭ باسقا ساياسي پارتيالاردان پارىقتالاتىن بەلگىسى. پارتيامىزدىڭ حالىقتىڭ مۇددەسىنەن باسقا وزىندىك ەرەكشە مۇددەسى جوق، پارتيانىڭ بارلىق قىزمەتى قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرۋ، قورعاۋ، دامىتۋ ءۇشىن. بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىندا تاباندى بولىپ، بۇقارالىق لۋشياندى دايەكتىلەندىرىپ، حالىقتىڭ نەگىزگى تۇلعالىق ورنى مەن جاسامپازدىق رۋحىنا قۇرمەت ەتىپ، حالىق بۇقاراسىمەن ەتەنە بايلانىستى باستان - اياق ساقتاپ، حالىقپەن جاپا - ماشاقاتتا بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، حالىقتىڭ تاماشا تۇرمىسقا دەگەن تالپىنىسىن ۇزدىكسىز رەالدىققا اينالدىرۋ كەرەك.
ماقالادا مىنالار اتاپ كورسەتىلدى: جاپپاي سوتسياليستىك وسىزاماندانعان قۇدىرەتتى ەل قۇرۋدا حالىق − شەشۋشى كۇش. جالپى حالىقتىڭ بىرگە ات سالىسۋىندا، بىرگە قۇرۋىندا، بىرگە يگىلىكتەنۋىندە تاباندى بولىپ، جالپى حالىققا تىعىز سۇيەنىپ، ءبىر جاعادان باس، ءبىر جەڭنەن قول شىعارىپ، ۇلى ىستەردى بىرگە ورىنداۋ كەرەك. جالپى بارىستىق حالىق دەموكراتياسىن بەلسەنە دامىتىپ، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، حالىقتىڭ وزىنە - ءوزى قوجا بولۋ ءتۇزىمى جۇيەسىن اقاۋسىزداندىرىپ، جالپى حالىقتىڭ بەلسەندىلىگىن، ىرىقتىلىعىن، جاسامپازدىعىن تولىق تاسقىنداتۋ كەرەك. حالىقتى وزەك ەتكەن دامۋ يدەياسىن دايەكتىلەندىرىپ، حالىق بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىن ويداعىداي شەشىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرىپ، جالپى حالىقتىڭ بىرگە اۋقاتتانۋىن ىلگەرىلەتۋدە اناعۇرلىم كورنەكتى ماندىك ىلگەرىلەۋشىلىككە ۇزدىكسىز قول جەتكىزۋ كەرەك. بۇكىل ەلدەگى ءار ۇلت حالقىنىڭ ۇلى ىنتىماعىن، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن ۇزدىكسىز بەكەمدەپ جانە دامىتىپ، بارلىق بەلسەندى فاكتورلاردى تولىق جۇمىلدىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ قۇدىرەتتى كۇش - قۋاتىن ۇيىستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
