ديڭ شۋەشياڭ بەيجيڭ، حىبەيدە تەكسەرۋ - زەرتتەۋ جۇرگىزگەندە ءارى اڭگىمە ءماجىلىسىن باسقارىپ اشقاندا بىلاي دەپ دارىپتەدى
زايوم تاراتۋ نىساندارىن اتقارۋ مەن قارجىنى پايدالانۋدى باقىلاۋ - باسقارۋدى مىقتى يگەرىپ، حالىق تىلەگى ينجەنەرياسىن، ساپالى ينجەنەريانى، پاكتىك ينجەنەرياسىن كۇش سالا قالىپتاستىرۋ كەرەك
2024.04.01 16:26 كەلۋ قاينارى : حالىق تورابى
شينحۋا اگەنتتىگى، 3 - ايدىڭ 31 – كۇنى، بەيجيڭ (ءتىلشى چي جۇڭشي). ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 3 - ايدىڭ 30 – كۇنىنەن 31 – كۇنىنە دەيىن بەيجيڭ فاڭشاندا، حىبەي جوجوۋدا تەكسەرۋ - زەرتتەۋ جۇرگىزدى ءارى جوجوۋدا اڭگىمە ءماجىلىسىن باسقارىپ اشتى. ديڭ شۋەشياڭ مىنالاردى دارىپتەدى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، زايوم تاراتۋ نىساندارىنىڭ اتقارىلۋىن تىڭعىلىقتى، ءتارتىپتى ىلگەرىلەتىپ، قارجىنىڭ پايدالانىلۋىن باقىلاۋ - باسقارۋدى كۇشەيتىپ، ءتۇرلى ينجەنەريالاردى حالىق تىلەگى ينجەنەرياسىنا، ساپالى ينجەنەرياعا، پاكتىك ينجەنەرياسىنا اينالدىرۋعا كۇش سالۋ كەرەك.
3 – ايدىڭ 30 – كۇنى تۇستەن كەيىن ديڭ شۋەشياڭ بەيجيڭ فاڭشان داشى وزەنى ارناسىن قالپىنا كەلتىرۋ ينجەنەريا قۇرىلىسىنىڭ جۇمىس باسىنا كەلىپ، زايوم قارجىسىن كوبەيتىپ تاراتىپ، سۋ بۇلدىرگەن سۋ يگىلىگى ينجەنەرياسىن قايتا قۇرۋ اياق الىسىن ۇعىسىپ، وزەن تاعانىن ارشۋ، جاعالىق بەتكەيدى قالپىنا كەلتىرۋ سياقتى قۇرىلىس جاعدايىن كوزدەن كەشىردى ءارى قۇرىلىس جۇرگىزۋشىلەرمەن پىكىر اۋىستىردى؛ مەملەكەت تاس جولىنىڭ 108 - لەنياسىنداعى جولدى قالپىنا كەلتىرۋ ينجەنەرياسى قۇرىلىس مايدانىنا بارىپ، سۋ بۇلدىرگەن قاتىناس نەگىزدىك قۇرىلعىلارىن قايتا قۇرۋ جاعدايىن ۇعىسىپ، قۇرىلىس ساپاسىن مەڭگەرۋ جانە باقىلاۋ - باسقارۋ جاعدايى جونىندەگى مالىمەتتى تىڭدادى. ديڭ شۋەشياڭ بىلاي دەپ اتاپ كورسەتتى: كەلەلى نەگىزدىك قۇرىلعى ينجەنەريا قۇرىلىسى − عاسىرلىق ۇلى جوسپار، ساپانى ءبىرىنشى ورىنعا قويۋدا تاباندى بولىپ، قالپىنا كەلتىرۋ، قايتا قۇرۋ مەن فۋنكتسيانى جوعارىلاتۋعا تەڭ ءمان بەرىپ، ۋاقىتتىڭ سىنىنان وتۋگە شىنايى كەپىلدىك ەتىپ، استانانىڭ تاسقىننان ساقتانۋ حاۋىپسىزدىگىن اناعۇرلىم ويداعىداي قامتاماسىز ەتۋ كەرەك.
3 - ايدىڭ 31 - كۇنى تۇستەن بۇرىن ديڭ شۋەشياڭ حىبەي باۋديڭنىڭ سولتۇستىگىندەگى ماحى وزەنىنىڭ جوجوۋ بولىگىندەگى شۇعىل جاعدايعا توتەپ بەرۋ، تاسقىننان ساقتانۋ، جونگە سالۋ ينجەنەرياسى قۇرىلىس الاڭىنا كەلىپ، ينجەنەريانىڭ قايتا سالىنۋ اياق الىسىن ۇعىسىپ، توسپا بەتكەيلەرىن قورعاۋ جۇمىس جاعدايىن كوزدەن كەشىردى؛ تيانچياۋ الەۋمەتتىك اۋماعى شۋاڭتا ورتا مەكتەبىنىڭ شاعىن اۋماعىنا بارىپ، اپاتتان بۇلىنگەن نەگىزدىك قۇرىلعىلاردى قالپىنا كەلتىرۋ، قايتا قۇرۋ، كونە شاعىن اۋماقتاعى تۇرعىنداردىڭ حالىق تۇرمىسىن جاقسارتۋ سياقتى جاعدايلاردى ۇعىستى ءارى وتباسىلاردى ارالاپ، تۇرعىندارمەن پىكىر اۋىستىردى. ديڭ شۋەشياڭ مىنالاردى دارىپتەدى: نىسان قۇرىلىسىنىڭ اياق الىسىن ۇيلەسىمدى يگەرىپ، ءتۇيىندى قالپىنا كەلتىرۋ، قايتا قۇرۋ ينجەنەريالارىنىڭ بيىل تاسقىن مەزگىلىنەن بۇرىن ىسكە قوسىلۋىنا كەپىلدىك ەتۋ كەرەك. بۇقارانى باستان - اياق كوڭىلدەگى ەڭ جوعارى ورىنعا قويىپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن ورىستەتۋمەن ۇشتاستىرىپ، بۇقارانىڭ تۇرعىن ءۇي، تۇرمىس شارت - جاعدايىن ۇزدىكسىز جاقسارتۋ كەرەك.
3 – ايدىڭ 31 – كۇنى تۇستەن كەيىن اشىلعان اڭگىمە ماجىلىسىندە ديڭ شۋەشياڭ مىنالاردى ءبىلدىردى: ءبىر تريلليون يۋان زايوم تاراتىپ، اپاتتان كەيىنگى قالپىنا كەلتىرۋ، قايتا قۇرۋدى قولداۋ، اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتۋ − شي جينپيڭ جولداستى ۇيىتقى ەتكەن پارتيا ورتالىق كوميتەتى جاساعان كەلەلى شەشىم، ورنالاستىرۋ. نىسان قۇرىلىسىنىڭ اتقارىلۋىن جوعارى ساپامەن ىلگەرىلەتىپ، قارجى مەن فاكتورلاردى قامتاماسىز ەتۋدى كۇشەيتىپ، اناعۇرلىم كوپ ناقتى قىزمەت مولشەرىن تەز ارادا قالىپتاستىرۋ كەرەك. زايوم قارجىسىن كوبەيتىپ تاراتۋدى قازىنا - بۇعالتىرلىق باقىلاۋدىڭ ءتۇيىنى ەتىپ، جالپى بارىستىق باقىلاپ - باسقارۋدى كۇشەيتىپ، جالعان مالىمدەپ، الداپ الۋدان، قارجىنى ىسىراپ ەتۋدەن، يەمدەنىپ الۋدان، باسقاعا جۇمساۋدان قاتاڭ ساقتانىپ، ءار جولعى قارجىنى ويداعىداي باسقارىپ، ويداعىداي پايدالانىپ، ۇرىمتال جەرگە جۇمساۋعا، ونىمدىلىككە قول جەتكىزۋگە كەپىلدىك ەتۋ كەرەك. ناق مايداندا قۋزاۋ - جەتەكشىلىك ەتۋدى مۇقيات ورىستەتىپ، نىسانداردى باقىلاۋ - باسقارۋدىڭ باياندى مەحانيزمىن ورناتىپ جانە كەمەلدەندىرىپ، قۇرىلىس ولشەمى مەن تەحنيكالىق ولشەمدى قاتاڭ اتقارىپ، حالىق تىلەگى ينجەنەرياسىن شىن مانىندە ساپالى ينجەنەريا ەتىپ قۇرىپ شىعۋ كەرەك. قىزمەت مەحانيزمىن ۇزدىكسىز كەمەلدەندىرىپ، ءار جاقتىڭ جاۋاپكەرلىگىن ناقتىلاندىرىپ، ءتۇرلى قىزمەتتەردى ناقتى، ەگجەي - تەگجەيلى، تىڭعىلىقتى ىستەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋگە، ەكونوميكانىڭ، قوعامنىڭ ساپالى دامۋىن ىلگەرىلەتۋگە اناعۇرلىم زور ۇلەس قوسۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
