شيۇڭ - ان جاڭا رايونى –
جوعارى دەڭگەيدەگى وسىزاماندانعان قالا بوي كوتەرۋدە
«حالىق گازەتىنىڭ» تىلشىلەرى ۋان شيۋبين، جاڭ جىفىڭ، جاڭ تىڭياڭ
2024.04.01 16:30 كەلۋ قاينارى : حالىق تورابى
كوكتەم كۇندەرىندە شيۇڭ - ان جاڭا رايونىنا بارىپ، دامۋ جاعدايىن ۇعىستىق.
جاڭا رايون كۇن سايىن جاڭارىپ كەلەدى.
3 – ايدىڭ 25 – كۇنى جاڭا رايونداعى تۇڭعىش پارتيا قۇرىلىسى بويىنشا بىرلەسىپ قۇرۋ فورماسىمەن جۇمىس جۇرگىزەتىن الەۋمەتتىك اۋماق اسحاناسى − گۇڭجۋاڭ الەۋمەتتىك اۋماعى اسحاناسى سىرتقا ەسىك اشتى؛
3 - ايدىڭ 26 - كۇنى جاڭا رايوندا جاڭادان قۇرىلعان تۇڭعىش شينحۋا كىتاپ دۇكەنى رۇڭدۇڭ رايونىندا تيجارات جۇرگىزدى؛
3 – ايدىڭ 27 – كۇنى جاڭا رايوننىڭ بوگەنايلىق قۇرىلىسى − جۇڭگو جۇڭحۋا سارايى نىسانىنىڭ نەگىزگى تۇلعالىق قۇرىلىمى ءساتتى ءبىتتى؛
...
باس شۋجي شي جينپيڭ 2023 - جىلى 5 - ايدا حىبەي شيۇڭ - ان جاڭا رايونىندا قىزمەت تەكسەرگەندە ءارى شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ دارىپتەدى: ”شيۇڭ - ان جاڭا رايونى كەڭ كولەمدە قۇرىلىس جۇرگىزۋ مەن بەيجيڭنىڭ استانالىق ەمەس فۋنكتسيالارىن سەيىلتۋدى مىندەتىنە الۋعا تەڭ ءمان بەرۋ كەزەڭىنە ءوتتى، قىزمەت ءتۇيىنى ساپالى قۇرىلىس جۇرگىزۋدى، جوعارى دەڭگەيدە باسقارۋدى، ساپالى سەيىلتىپ دامىتۋدى قاتار جۇرگىزۋگە ويىستى“.
مىڭ جىلدىق ۇلى جوسپار − مەملەكەتتىڭ ءىرى ءىسى. شيۇڭ - ان جاڭا رايونى قۇرىلعان 7 جىلدان بەرى جوقتان بار بولىپ، جوبادان ناقتى كورىنىس قالىپتاسۋعا دەيىن، ءتۇيىندى نىساندارعا جيىنى 670 ميلليارد يۋاننان استام قارجى قوسىلىپ، 4 مىڭنان استام عيمارات سالىنىپ، جوعارى دەڭگەيدەگى وسىزاماندانعان قالا بوي كوتەرۋدە.
تاياۋداعى ءبىر جىلدان بەرى حىبەي ولكەسى، شيۇڭ - ان جاڭا رايونى باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ساپالى قۇرىلىستىڭ، جوعارى دەڭگەيلى باسقارۋدىڭ، ساپالى سەيىلتىپ دامىتۋدىڭ“ جاڭا تاراۋىن قۇلشىنا جازدى.
ساپالى قۇرىلىس بولاشاقتاعى قالانىڭ سۇلباسىن اڭعارتىپ، وبرازىن ايگىلەدى
شيۇڭ - ان جاڭا رايونى ىسكە قوسىلعان رايونعا كىرگەندە، تۇڭعىش توپتا كوشىرىلەەن ورتالىق كاسىپورنى جۇڭگو حۋانىڭنىڭ باس شتابى عيماراتىن الىستان كورۋگە بولادى. ”“عيمارات نازىك قۇراستىرۋ سياقتى جالپى بەتتىك قۇرىلىس جۇرگىزۋ كەزەڭىنە ءوتتى، جىل سوڭىندا سالىنىپ بولۋ شارت - جاعدايى ازىرلەندى“ دەدى حۋانىڭ كاسىبى شەكتى سەرىكتەستىگى شيۇڭ - ان نىسان ءبولىمىنىڭ جاۋاپتىسى سۇن شاۋجيە.
جاسىل ءتۇس − شيۇڭ - ان جاڭا رايونىنىڭ نەگىزى، قورشاعان ورتانى قورعاۋ ۇستانىمى عيمارات قۇرىلىسىنىڭ، اينالىمىنىڭ تۇتاس بارىسىنا سىڭىرىلگەن. ”ءبىز باس شتاپ باقشا رايونىنا ۋنيۆەرسال ەنەرگيا جۇيەسىن سايكەستىرىپ قۇرىپ، جەر جىلۋى ناسوسى سياقتى تەحنيكالاردان پايدالانىپ، تازا، جوعارى ءونىمدى جىلۋمەن قامداۋدى، سۋىتۋدى جۇزەگە اسىردىق. عيماراتتىڭ توبەسىنە جانە تىك بەتىنە فوتوۆولتتىق بولشەك جاتقىزىلىپ، جاسىل ەلەكتر ەنەرگياسىمەن قامدايدى“ دەدى حۋانىڭ شيۇڭ - ان بولىمشە سەرىكتەستىگى جالپىلىق ءبولىمىنىڭ جاۋاپتىسى ليۋ شاۋحۋا. بيىل 1 - ايدا بۇل نىسان حىبەي ولكەلىك تۇرعىن ءۇي جانە قالا - اۋىل قۇرىلىسى مەڭگەرمەسى جاعىنان ەرەكشە تومەن ەنەرگيا سارىپ ەتەتىن قۇرىلىستان ۇلگى كورسەتۋ نىسانى بولىپ باعالاندى.
كوكتەمدە گۇلدەر اشىلىپ، توڭىرەك جاسىل جەلەك جامىلدى. يۇيرۇڭ باقشاسى سياقتى ءبىر توپ ساپالى جاسىل القاپ، باقشالار اقىسىز اشىلىپ، جاستىق كوكتەمگە اياق باسقان كوپتەگەن قالا تۇرعىنىن قارسى الدى. شيۇڭ - ان جاڭا رايونى ”الدىمەن جاسىلداندىرۋ، ونان سوڭ قالا قۇرۋ“ جاڭا ۇستانىمىن ۇستانىپ، قالا قۇرىلىسى باستالۋدان بۇرىن مىڭ جىلدىق كوركەم ورمان ءوسىردى. قازىرگە دەيىن جيىنى 478 مىڭ مۋ جەرگە ورمان ءوسىرىلىپ، ورمانمەن كومكەرىلۋ شاماسى جاڭا رايون قۇرىلۋدان بۇرىنعى %11 تەن %34.9 كە جوعارىلادى.
داشۋە كىتاپحاناسىنان شىعىس، باتىس ءوس سىزىعىنا دەيىن، ونان قالا ارالىق بەكەت پەن مەملەكەتتىك ساۋدا ورتالىعى اۋماعىنا دەيىن، جوعارى ولشەم، جوعارى ساپا الەۋمەتتىك نەگىزدىك قۇرىلعى، جول قاتىناسى، كاسىپ سالاسى باقشا رايونى جانە تۇرعىندار شاعىن رايونى قۇرىلىسىنىڭ ءارقايسى بۋىنىنا سىڭىرىلگەن.
شيۇڭ - ان دەنە تاربيە ورتالىعى − جاڭا رايونداعى كولەمى ەڭ ۇلكەن الەۋمەتتىك دەنە تاربيە قۇرىلعىسى، دەنە تاربيە الاڭى مۇنىڭ ىشىندەگى قۇرىلىس كولەمى ەڭ ۇلكەن جەكە تۇلعالى قۇرىلىس. ”ادەتتەگى الاڭ - سارايلارعا ۇقسامايتىنى، دەنە تاربيە الاڭىنىڭ نەگىزگى تۇلعاسى بولات قۇرىلىمدى قۇراستىرمالى قۇرىلىس، اناعۇرلىم جوعارى ساپاعا كەپىلدىك ەتۋ ءۇشىن، بولات قۇرىلىمدى دانەكەرلەۋ ساڭلاۋى 2 ميلليمەتر ىشىندە تىزگىندەلىپ، ساپاسى ادەتتەگى ولشەمنەن ءبىر ەسە جوعارىلاتىلدى“ دەدى بەيجيڭ قالا قۇرىلىسى توبى شيۇڭ - ان دەنە تاربيە ورتالىعى نىسان قۇرىلىسىنىڭ جاۋاپتىسى ياۋ ۋىنبو.
”ءبىز ’شيۇڭ - ان ساپاسى‘ ينجەنەرياسىنىڭ ولشەم جۇيەسىن قۇلشىنا قۇرىپ، جالپىلىق ولشەم، نىسان ولشەمى، ارناۋلى تەحنيكالىق ولشەم سىندى 3 ساتىنى ايقىندادىق، بۇل قالا - اۋىل جوباسى، قۇرىلىس ينجەنەرياسى سياقتى 9 سالانى قامتيدى“. شيۇڭ - ان جاڭا رايونى قۇرىلىس جانە قاتىناس باسقارۋ مەكەمەسىنىڭ جاۋاپتىسى ياڭ سۇڭ بىلاي دەدى: ”تاعى حاۋىپسىز، ءتوزىمدى، جاسىل، تومەن كومىر قىشقىل گازدى، جوعارى ءونىمدى، قولايلى، ەكولوگيالى – زەردەلى بولۋ، جاڭالىق اشۋ ارقىلى جەتەكشىلىك ەتۋ سىندى ’شيۇڭ - ان ساپاسى‘ بويىنشا قۇرۋ نىساناسىن ايقىنداپ، ءبىر مىڭ 713 ءتۇرلى ساندىق كورسەتكىشتى تۇراقتاندىردىق، مۇنىڭ 274 ءتۇرى مەملەكەتتىك ولشەمنەن جوعارى، 270 ءتۇرى مەملەكەتتىك ولشەمدەگى اقتاڭداقتى تولتىردى“.
جاڭالىق اشۋ ۇستانىمى ارقىلى ساپالى قۇرىلىستى ىلگەرىلەتتى. شيۇڭ - ان جاڭا رايونى الدىمەن جەر استى، سوڭىنان جەر ءۇستى، سيفرلى قالا مەن رەال قالانى قاتار جوبالاۋدا، بىرگە قۇرۋدا تاباندى بولىپ، جەر استى، جەر ءۇستى، بۇلتتىق جۇيەدەگى ”ءۇش قالانى“ بىرگە قۇرىپ، بىرگە كوركەيتتى. قازىر جالپى ۇزىندىعى 97.3 كيلومەتر كەلەتىن امبەباپ قۇبىر ءدالىزى سالىنىپ، رۇڭدۇڭ، رۇڭشي اۋماقتارىنىڭ امبەباپ قۇبىر ءدالىزى پايدالانۋعا بەرىلدى، ”قالانىڭ ۇلكەن ميى“ شيۇڭ - ان قالا ەسەپتەۋ ورتالىعىنىڭ اينالىمى ورنىقتى بولدى.
ساپالى سالىنعان بولاشاق قالانىڭ سۇلباسى قالىپتاسىپ، وبرازى ايگىلەنۋدە. قازىرگە دەيىن شيۇڭ - ان جاڭا رايونى 383 ءتۇيىندى نىساندى اتقارىپ، جالپى قۇرىلىس كولەمى 43 ميلليون 700 مىڭ شارشى مەتر بولدى. قالا سىرتقى اينالماسىنىڭ جول جۇلگەسى، ىشكى تىرەكتى جول تورابى، ەكولوگيالىق ءدالىز، سۋ جۇيەسىنەن قۇرالعان قالا قۇرىلىسىنىڭ ”ءتورت ۇلكەن جۇيەسى“ نەگىزىنەن قالىپتاستى.
باسقارۋ جوعارى دەڭگەيلى بولىپ، جاڭا داۋىردە كاسىپكە، قونىستانۋعا قولايلى ”حالىق قالاسى“ ءتارتىپتى قۇرىلدى
شيۇڭ - ان جاڭا رايونى قۇرىلعان 7 جىلدان بەرى رۇڭدۇڭ، رۇڭشي، شيۇڭدۇڭ سياقتى جاڭادان سالىنعان اۋماقتاردا شامامەن 120 مىڭ بۇقارا جاڭا ۇيگە كوشىپ كىردى.
جاڭا قالا، جاڭا الەۋمەتتىك اۋماق قالانى جونگە سالۋدىڭ وسىزاماندانۋىن قالاي قاتار ىلگەرىلەتەدى؟
شيۇڭ - ان جاڭا رايونى تۋ باستا - اق تىڭعىلىقتى ىستەۋگە كۇش سالىپ، نەگىزگى الەۋمەتتىك قىزمەت وتەۋدى بىركەلكىلەندىرۋدى بەلسەنە ىلگەرىلەتىپ، جاڭا داۋىردە كاسىپكە، قونىستانۋعا قولايلى ”حالىق قالاسىن“ قۇردى.
شيۇڭ - ان جاڭا رايونى شيۇڭ - ان قالا ەسەپتەۋ ورتالىعى مەن زات ينتەرنەتى تۇعىرى، بەينەجازبا ءبىر توراپ تۇعىرى، قالا ينفورماتسيا مودەلى تۇعىرى، بلوك ساندى مالىمەت تۇعىرى سياقتىلاردى تىرەك ەتكەن ”قالا ۇلكەن ميى“ باسقارۋ جۇيەسىن ورناتىپ، قالانىڭ قىزمەت وتەۋىن، باسقارۋىن زەردەلىلەندىرۋ، جەكە قاسيەتكە يە ەتۋ، دالمە - ءدال بولۋ كۇن سايىن كورنەكتىلەندى.
شيۇڭ - ان جاڭا رايونىنداعى تۇڭعىش شوعىرلى قۇرىلعان رايون − رۇڭدۇڭ رايونىندا شامامەن 30 مىڭ جول الدىڭعى جابدىقتارى ورناتىلىپ، كەسكىن تۇسىرگىشكە 19 ءتۇرلى ۇنەمى كەزىگەتىن كورىنىستىڭ زەردەلىلەنۋ الگوريتمى ورناتىلدى، ءتۇرلى جاعدايلاردى زەردەلى پارىقتاپ جوعارىعا جولداۋعا بولادى. ”“قالانىڭ كوز – قۇلاعى نىعايىپ، باسقارۋى اناعۇرلىم دالمە - ءدال بولدى“. رۇڭدۇڭ قالا اينالىمىن باسقارۋ ورتالىعى مەڭگەرۋشىسىنىڭ ورىنباسارى ۋاڭ كۇن بىلاي دەپ تانىستىردى: كامەرا ماسەلەنى بايقاعاندا ينفورماتسيانى اۆتوماتتى جولدايدى، ورتالىق شاعىن اۋماق قوجالىق سەرىكتەستىگىنە جولدايدى، قاتىستى ادامدار دەرەۋ ءبىر جاقتى ەتىپ، سۋرەتكە ءتۇسىرىپ اڭىس قايتارادى، ورتالىق كامەرا ارقىلى تەكسەرىپ وتكىزىپ الىپ، ءبىر جاقتى ەتۋدىڭ تۇيىق ساقيناسىن قالىپتاستىرادى.
باسقارۋ زەيىندەنىپ، قىزمەت وتەۋ ىقىلاستى بولدى. ۋاڭ كۇن بىلاي دەدى: الەۋمەتتىك اۋماقتا كەيبىر جالعىز تۇراتىن قارتتار تۇرمىس كەشىرۋدە، قالا اينالىمىن باسقارۋ، قىزمەت وتەۋ ورتالىعى ماقۇلدىق العاننان كەيىن، تەكشە جۇيەسى قارتتاردىڭ ەرتە - كەش سۋ ىستەتۋ جاعدايىنا اۆتوماتتى نازار اۋدارادى، سۋ ىستەتۋ ينفورماتسياسى بايقالسا بولعانى ساقتىق دابىلىن قاعىپ، ينفورماتسيانى الەۋمەتتىك اۋماق قىزمەتكەرلەرىنە جەتكىزىپ، قارتتارمەن دەر كەزىندە بايلانىس جاساپ انىقتايدى. قازىر رۇڭدۇڭ اۋماعىندا 200 دەن استام جالعىز تۇراتىن قارت زەردەلى ”بۇلتتىق قورعاۋعا“ يە بولدى.
نەگىزگى ساتىنى جونگە سالۋ مەحانيزمى ۇزدىكسىز جاڭالانىپ، بۇقارانىڭ رازىلىق دارەجەسى ورنىقتى جوعارىلادى. ءبىر ءبولىم تۇرعىندار جاڭا ۇيگە كوشىپ كىرگەندە كەيبىر ۇيلەسپەيتىن جاعدايلارعا جولىقتى، ديڭ - ان الەۋمەتتىك اۋماعى پارتيا باس ياچەيكاسىنىڭ شۋجيى گو جۇنيۋان قىزمەتكەرلەردى باستاپ كەڭ كولەمدە ارالاپ جاعداي ۇعىسىپ، تۇرعىنداردىڭ پىكىرىن جيناعاننان كەيىن، كوپتەگەن تاراۋدىڭ جاۋاپتىلارىن شاقىرىپ بىرىككەن ءماجىلىس اشىپ شەشىپ، ”ءبىر ءزارۋ ماسەلەگە بىرلەستىرىپ توتەپ بەرۋ“ قىزمەت ءادىسىن قالىپتاستىردى. رۇڭدۇڭ رايونى ”ءبىر ءزارۋ ماسەلەگە بىرلەستىرىپ توتەپ بەرۋ“ قىزمەت مەحانيزمىن كەمەلدەندىرىپ جانە جالپىلاستىرىپ، 2023 - جىلدان بەرى تۇرعىنداردىڭ 406 قاتىستى سۇرانىس - تىلەگىن شەشتى. كوپ ءتۇرلى ساياسات تياناقتانىپ، شيۇڭ - ان جاڭا رايونى بىرتىندەپ قالا باسقارۋ تۇزىلىسىنە ويىستى. موتورلى كولىك ءنومىرى ”حىبەي X “ تياناقتانىپ، جاڭا رايوندا ”ارناۋلى“ اۆتوموبيل ءنومىرى بار بولدى. حىبەي شيۇڭ - ان جاڭا رايونىنىڭ اكىمشىلىك رايوندارعا ءبولۋ شارتتى ءنومىرى 133100 ناپوس باسقارۋ قىزمەتىنە رەسمي قولدانىلدى، رۇڭدۇڭ اۋماعىنىڭ تۇرعىنى جاڭ لەي تۋعان قىزىنا ناپوس داپتەرىن ءبىتىرىپ الدى، بۇل − جاڭا رايوننىڭ تۇڭعىش توپتاعى ”حىبەي شيۇڭ - ان جاڭا رايونى“ دەگەن جازۋ باسىلعان ناپوس بەتى، ءبىرىنشى توپتاعى باستالۋ ءنومىرى 133100 بولىپ كەلگەن ازاماتتىق كۋالىك ءنومىرى.
جاڭادان سالىنعان الەۋمەتتىك اۋماق اسحاناسى، قارتتاردى كۇتىمدەۋ ايالداماسى، دەنساۋلىق ساقتاۋعا قىزمەت وتەۋ ورتالىعى، ءتۇرلى مەكتەپتەر مەن ەرەن بازارلار سياقتى حالىققا قولايلى قىزمەت وتەۋدىڭ بارلىعى 15 مينۋتتىق تۇرمىس شەڭبەرىنە ورنالاسىپ، تۇرعىنداردىڭ كاسىپكە، قونىستانۋعا قولايلى بولۋ باقىت سەزىمىن ايگىلەدى.
سەيىلتىپ دامۋدى ساپالى ورىنداپ، بەيجيڭنىڭ استاناعا جاتپايتىن فۋنكتسيالارىن سەيىلتۋدەگى ءتۇرلى مىندەتتەردىڭ تياناقتانۋىن ىلگەرىلەتتى
جۇمىسشىلار قايشالىسىپ، ماشينالار گۇرىلدەپ، تۇڭعىش توپتاعى بازارلانعان سەيىلتۋ نىسانىن جالعاستىرعان شيۇڭ - ان ينتەرنەت كاسىپ باقشاسىندا قاتار - قاتار عيمارات سالىنۋ الدىندا تۇر. جۇڭگو تەلەگراف زەردەلى قالا كاسىپ باقشاسىنىڭ 1 - مەرزىمدىك 8 - عيماراتى سالىنىپ بولدى، مەجەمەن بيىل 5 - ايدا ىسكە قوسىلادى.
سەيىلتۋ جاڭا كاسىپ سالاسىن الا كەلدى. جۇڭگو تەلەگرابى سيفرلى قالا كاسىپ سالاسى بولەگىن شيۇڭ - ان جاڭا رايونىنا كوشىرىپ، جۇڭگو تەلەگرابى سيفرلى قالا عىلىم - تەحنيكا شەكتى سەرىكتەستىگىن قۇردى. ”ساپالى سەيىلتۋ ارقىلى ساپالى دامۋعا دەم بەردىك، جاڭا رايون تۇتاس وڭىرلىك زەردەلى قالا قۇرۋدا، جاڭا تەحنيكانىڭ ەرەكشە قولدانىلۋ كەڭىستىگى بار“. سەرىكتەستىك زەرتتەۋ - اشۋ ءبولىمىنىڭ جاۋاپتىسى حۋ جۇنجۇن بىلاي دەپ تانىستىردى: سەرىكتەستىك زەردەلى قاتىناس جۇيەسىن اشتى، رۇڭدۇڭدا كولەمدەنگەن وڭىرلىك سيفرلى جول 153 كيلومەتر بولىپ، شوفەرسىز جۇرگىزۋ سياقتى قولدانىستار جونىندە ىزدەنىس جاسالدى.
شيۇڭ - ان جاڭا رايونىنىڭ كوتەرىمدىلىك قۋاتى مەن باۋراۋ قۋاتى كۇشەيۋدە. شيۇڭ - ان جاڭا رايونى جۇڭگۋانسۇن عىلىم - تەحنيكا باقشاسى قۇرىلىپ، جۇمىس باستاعان 7 ايدان بەرى قازىرگە دەيىن ”مىڭ كاسىپورىننىڭ شيۇڭ - ان ساپارى“ سياقتى قيمىلدار 30 نەشە رەت وتكىزىلىپ، 2 مىڭنان استام كاسىپورىنمەن ۇشتاسىپ، 70 جاڭاشىل كاسىپورىن عىلىم - تەحنيكا باقشاسىنا ىرگە تەپتى.
جوعارى، جاڭا كاسىپورىنداردىڭ شوعىرلى دامۋىنىڭ استارىندا شيۇڭ - ان جاڭا رايونىنىڭ عىلىم - تەحنيكا كاسىبىن جەتىلدىرۋگە قىزمەت وتەۋ تىزبەگىن جەدەل كەمەلدەندىرىپ، جاڭالىق اشۋ ەكولوگياسىن ساپالىلاندىرۋى جاتىر. 2023 - جىلى 11 - ايدا شيۇڭ - ان عىلىم - تەحنيكادا جاڭالىق اشۋ ورتالىعى ىسكە قوسىلدى، شيۇڭ - ان جاڭا رايونىنىڭ عىلىم - تەحنيكا جەتىستىكتەرىن كورسەتۋ ورتالىعى، عىلىم - تەحنيكا جەتىستىكتەرىن ساۋداعا سالۋ جانە كادەگە جاراتۋعا قىزمەت كورسەتۋ ورتالىعى، ءبىلىم مەنشىك ۇقىعىن قورعاۋ ورتالىعى ءبىر ۋاقىتتا ىسكە قوسىلدى. بۇل كۇندە جاڭا رايون 10 نەشە الەۋمەتتىك جاڭالىق اشۋ تۇعىرىن قۇردى.
ورتالىقتىڭ ءبىرقىدىرۋ قولداۋ ساياساتىنىڭ شيۇڭ - ان جاڭا رايونىندا بىرتىندەپ تياناقتانىپ، كۇشكە يە بولۋىنا بايلانىستى، جاڭا رايوننىڭ شارت – جاعداي جاراتىپ، كاسىپورىنداردى باۋراۋ، سەيىلتۋ يقۋاتى مەن ورتاسى كۇن سايىن كەمەلدەندى.
بەيجيڭ مەن شيۇڭ - انننىڭ ”ءبىر قالاداعى“ قىزمەت وتەۋى جەدەل تياناقتانىپ، 107 ءتۇرلى قىزمەت وتەۋ ءىسى بەيجيڭ مەن شيۇڭ – اندا بىردەي ءبىر جاقتى ەتىلۋىن جۇزەگە اسىردى. شيۇڭ - ان جاڭا رايونى جەردەن پايدالانۋ، تۇرعىن ءۇي، دارىندى سياقتى 10 جاقتاعى سايكەستى ساياساتتى بەلگىلەپ، وسىلاي كوشىرىلگەنەردىڭ نەگىزگى زەينەتكەرلىك قامسىزداندىرۋ مامىلەسىنىڭ، ەمدەۋ قامسىزداندىرۋ مامىلەسىنىڭ، تۇرعىن ءۇي الەۋمەتتىك قورى مامىلەسىنىڭ بەيجيڭنىڭ ۇقساس مەزگىلدەگى دەڭگەيىنەن تومەن بولماۋىنا كەپىلدىك ەتتى. قازىرگە دەيىن كوشىرىلگەن 150 مەكەمە - ورىننىڭ 7 مىڭ 25 جۇمىسشى - قىزمەتكەرى شيۇڭ - ان جاڭا رايونىندا تۇرعىن ءۇي الەۋمەتتىك قورىن تاپسىردى.
ءتۇيىندى نىساندار قۇرىلىسى پارمەندى ىلگەرىلەتىلىپ، سەيىلتۋ اياق الىسى ورنىقتى، ءتارتىپتى بولدى. قازىر جۇڭگو حۋانىڭ توبى سياقتى تۇڭعىش توپتاعى ورتالىق كاسىپورىندارىنىڭ باس شتابى جەدەل قۇرىلدى؛ بەيجيڭ عىلىم - تەحنيكا داشۋەسى سياقتى تۇڭعىش توپتە جوتكەلگەن 4 جوعارى مەكتەپتىڭ، بەيجيڭ داشۋەسى حالىق شيپاحاناسى سياقتى تۇڭعىش توپتا كوشىرىلگەن شيپاحانانىڭ شيۇڭ - ان رايونىنداعى قۇرىلىستارى ورنىقتى ىلگەرىلەتىلدى.
”جاڭا رايون جاڭا داۋىردەگى جاڭالىق اشۋ بيىگىن جانە شارۋاشىلىق قۇرۋدىڭ قۇتتى مەكەنىن كۇش سالا تۇلعالاپ، سەيىلتۋدى جالعاستىرۋ ءۇشىن عىلىم - تەحنيكادا جاڭالىق اشۋ تۇعىرىن ورناتىپ، ىشكى ومىرشەڭدىك قۋاتتى جەتىلدىرەدى“ دەدى شيۇڭ - ان جاڭا رايونى عىلىم باقشاسىن باسقارۋ كوميتەتى مەڭگەرۋشىسىنىڭ ورىنباسارى ما ياڭبياۋ.
سەيىلتۋ بارىسىندا دامىپ، دامۋ بارىسىندا جوعارىلاتىپ وتىردى. بەيجيڭنىڭ استاناعا جاتپايتىن فۋنكتسيالارىن شوعىرلى جالعاستىراتىن جاڭاشا قالا بىرتىندەپ كەمەلدەنۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
