وقۋ – اعارتۋ مينيسترلىگى مىندەتتى وقۋ – اعارتۋدىڭ جاريالى وقۋشى قابىلداۋ ارناۋلى قيمىلىن ورىستەتەدى
”جەڭ ۇشىنان جالعاسۋ“، ”ۇزدىكتەرىن تاڭداپ قابىلداۋ“ سياقتى ارەكەتتەردى باتىل جونگە سالادى
2024.04.12 15:17 كەلۋ قاينارى : حالىق تورابى
ءتىلشىنىڭ وقۋ ـ اعارتۋ مينيسترلىگىنەن ۇعىسۋىنشا، مىندەتتى وقۋ ـ اعارتۋ بويىنشا وقۋشى قابىلداۋدى باسقارۋ قىزمەتىن جاپپاي كۇشەيتۋ ءۇشىن، وقۋ ـ اعارتۋ مينيسترلىگى تاياۋدا مىندەتتى وقۋ ـ اعارتۋدىڭ جاريالى وقۋشى قابىلداۋ ارناۋلى قيمىلىن ورىستەتۋ (2024) جونىندەگى ۇقتىرۋدى باسىپ تاراتىپ، ”جەڭ ۇشىنان جالعاسۋ“، ”ۇزدىكتەرىن تاڭداپ قابىلداۋ“ سياقتى ارەكەتتەردى باتىل وڭاپ، وقۋشى قابىلداۋمەن بايلانىستىراتىن، قاتىستىراتىن اقى الۋ ارەكەتتەرىن قاتاڭ تەكسەرىپ ءبىر جاقتى ەتىپ، وقۋعا ءتۇسۋ ادىلدىگىنىڭ باياندى مەحانيزمىن اقاۋسىزداندىرادى.
ۇقتىرۋدا مىنالار دارىپتەلدى: جەر – جەردەگى وقۋ – اعارتۋ اكىمشىلىك تاراۋلارى وقۋشى قابىلداۋدىڭ ءتۇيىندى بۋىندارىنا باعىتتاي وتىرىپ، ٴوز وڭىرىندەگى مىندەتتى وقۋ – اعارتۋ ساتىسىنداعى مەكتەپتەرگە جاپپاي تەكسەرۋ جۇرگىزىپ، ءتۇرلى بەلگىلەمەگە قايشى ارەكەتتەردى باتىل تۇزەتۋى كەرەك. ماڭىزدى ءتۇيىن مىنالاردى قامتيدى: ورتا - باستاۋش مەكتەپتەر قوعامدىق تاربيەلەۋ ورگاندارى ءوزى ۇيىمداستىرعان ءتۇرلى مادەنيەت ساباقتارىنىڭ ەمتيحان ناتيجەسى، تاربيەلەۋ كۋالىگى سونداي – اق ءپان جارىسى ناتيجەسى، دارەجەسى قاتارلىلاردى وقۋشى قابىلداۋدا پايدالانۋ ماتەريالى نەمەسە نەگىزى ەتكەن - ەتپەگەندىگىن؛ اقشا الۋدى نەمەسە ءتۇرى وزگەرگەن اقشا الۋدى وقۋعا قابىلداۋمەن بايلانىستىرىپ، ”وقۋ كومەك اقشاسى“، ”بىرگە قۇرۋ اقىسى“ قاتارلىلارمەن بايلانىستىرعان - بايلانىستىرماعاندىعىن؛ ورتا - باستاۋىش مەكتەپتەر ٴتۇيىندى كلاستار، تەز نەمەسە باياۋ كلاستاردى اشىپ، ۇزدىك وقۋشىلاردى تاڭداپ قابىلداۋدى ىستەگەن – ىستەمەگەندىگىن؛ حالىق باسقارۋىنداعى مىندەتتى وقۋ - اعارتۋ مەكتەپتەرىنىڭ بەلگىلەمەگە قايشى فورمامەن رايون اتتاپ وقۋشى قابىلداعان - قابىلداماعاندىعىن، ۋاقىتشا وقۋ، تىركەلۋ سياقتى فورمامەن بەلگىلەمەگە قايشى وقۋشى قابىلداۋ، سونداي – اق بەتالدى اقى الۋ جاعدايى بار – جوقتىعىن تەكسەرەدى.
ۇقتىرۋدا مىنالار تالاپ ەتىلدى: جەر – جەردەگى وقۋ – اعارتۋ اكىمشىلىك تاراۋلارى ينفورماتسيانى جاريا ۇستاۋدى ىرىقتىلىقپەن كۇشەيتىپ، وقۋشى قابىلداۋ، وقۋعا ءتۇسۋ قىزمەتىنىڭ جاريالىلىعىن ارتتىرۋى كەرەك. وقۋ – اعارتۋ مينيسترلىگى دەر كەزىندە ارناۋلى ارەكەت جونىندە تەكسەرۋ – زەرتتەۋ جۇرگىزىپ، بۇكىل ەل كولەمىندە ولكە اتتاپ ءوزارا تەكسەرۋ جۇرگىزىپ، بەلگىلەمەگە قايشى ارەكەتتەر مەن تەكسەرىپ ءبىر جاقتى ەتۋ جاعدايىن حابارلاندىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
