تۇرعىن ءۇي جانە قالا - اۋىل قۇرىلىسى مينيسترلىگى: قامتاماسىزداندىرۋ سيپاتتى تۇرعىن ۇيگە قاتىستى ساياسات شىعارماعان قالالار تياناقتاندىرۋدى جەدەل ىلگەرىلەتۋ كەرەك
2024.04.12 15:30 كەلۋ قاينارى : حالىق تورابى
تۇرعىن ءۇي جانە قالا - اۋىل قۇرىلىسى مينيسترلىگى 4 – ايدىڭ 11 – كۇنى مىناداي ساندى مالىمەت جاريالادى: قازىرگە دەيىن بۇكىل ەل بويىنشا 65 قالا 2024 - جىلعى قامتاماسىزداندىرۋ سيپاتتى تۇرعىن ءۇي قۇرىلىسى جوسپارى مەن نىسانىن جولدادى. مۇندا شي - ان بيىل 15 مىڭ قامتاماسىزداندىرۋ سيپاتتى تۇرعىن ءۇي سالۋدى جوسپارلادى؛ شىنجىندا 13 نىسان باستالىپ، جيىنى 10 مىڭ قامتاماسىزدىق تۇرعىن ءۇي قۇرىلىسى جۇرگىزىلدى؛ حاڭجوۋ قالاسى بيىل قۇرعان قامتاماسىزداندىرۋ سيپاتتى 12 تۇرعىن ءۇي نىسانىنىڭ ۇشەۋى جۇمىس باستادى، قالعان 9 نىسان 6 - ايدىڭ سوڭىنان بۇرىن قۇرىلىس باستايدى.
تۇرعىن ءۇي جانە قالا - اۋىل قۇرىلىسى مينيسترلىگى بىلاي دەدى: جەر ـ جەر قامتاماسىزداندىرۋ سيپاتتى تۇرعىن ءۇي قۇرىلىسىنىڭ تياناقتانۋىن شىنايى ىلگەرىلەتىپ، ونىمدىلىككە قول جەتكىزۋ كەرەك. قازىر كوپتەگەن قالالار قامتاماسىزداندىرۋ وبيەكتىسىنىڭ ولشەمىن ايقىنداۋ، قۇرىلىستى قاجەتتىلىككە قاراي بەلگىلەۋ، كەزەك كۇتۋ قويماسى قۇرىلىسى، جەردەن پايدالانۋدى قامتاماسىزداندىرۋ، قارجىنى باقىلاۋ - باسقارۋ، نورمامەن ساتۋ باعاسى، قۇرىلىس پەن ءبولىستى باسقارۋ قىزمەت مەحانيزمى سياقتى جاقتاردا كەيبىر تاماشا تاجىريبەلەر مەن ادىستەردى قالىپتاستىردى. اتقارۋ پىكىرى مەن سايكەستى ساياساتتى ءالى شىعارماعان قالالار تولىق ۇيرەنىپ، ۇلگى الىپ، ساياساتتىڭ شىعارىلۋىن جەدەل ىلگەرىلەتىپ، قامتاماسىزداندىرۋ سيپاتتى تۇرعىن ءۇي ساياساتى جۇيەسىن تەز ارادا قالىپتاستىرۋ كەرەك.
تالاپ بويىنشا، جەر - جەر نىساننىڭ الدىڭعى مەرزىمدىك قىزمەتىن تىڭعىلىقتى ىستەپ، دايىن جەرمەن قامداۋدى جۇزەگە اسىرىپ، پلان جوباسىن كەمەلدەندىرىپ، تەز ارادا جۇمىس باستاۋ شارت - جاعدايىنا جەتۋ كەرەك. قۇرىلىس باستاعان بولسا، قۇرىلىس جۇرگىزۋدى ۇيىمداستىرۋدى، باسقارۋدى مىقتى يگەرىپ، قۇرىلىس ساپاسى مەن قۇرىلىس جۇرگىزۋدىڭ حاۋىپسىزدىگىنە كەپىلدىك ەتىپ، قوسىلىم تەبىنىن ارتتىرىپ، قۇرىلىس قارقىنىن تەزدەتۋ كەرەك. مۇنان تىس، جاسىل، تومەن كومىر قىشقىل گازدى، زەردەلى، حاۋىپسىز بولۋ ولشەمى بويىنشا، جەر – جەر ءۇي ۇلگىسىن جوبالاۋدى، سايكەستى قۇرىلعىلار قۇرىلىسىن، الەۋمەتتىك قىزمەت وتەۋمەن قامداۋدى ويداعىداي ىستەپ، قامتاماسىزداندىرۋ سيپاتتى تۇرعىن ءۇيدى ”جاقسى ءۇي“ ەتىپ سالۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
