ەگىستىك جەردى يەمدەنۋ مەن تولىقتاۋدىڭ تەپە - تەڭدىگى تۇزىمىنە قالاي رەفورما جاساۋ جانە ونى كەمەلدەندىرۋ كەرەك (ساياساتتىق سۇراۋ – جاۋاپ . اۋىل - قىستاقتى جاپپاي گۇلدەندىرۋدى ىلگەرىلەتۋ)
«حالىق گازەتىنىڭ» ءتىلشىسى چاڭ چين
2024.04.12 15:44 كەلۋ قاينارى : حالىق تورابى
باس شۋجي شي جينپيڭ بىلاي دەپ دارىپتەدى: ”مەملەكەتتىڭ استىق حاۋىپسىزدىگىن قامتاماسىز ەتۋدى كورنەكتى ورىنعا قويىپ، ەگىستىك جەر سىندى جان تامىردى ساقتاۋ كەرەك“. بيىلعى «ۇكىمەت قىزمەتىنەن باياندامادا» ”ەگىستىك جەردىڭ قىزىل سىزىعىن قاتاڭ ساقتاپ، ەگىستىك جەردى يەمدەنۋ مەن تولىقتاۋدىڭ تەپە - تەڭدىگى ءتۇزىمىن كەمەلدەندىرۋ“ ورتاعا قويىلدى.
”تاياۋ جىلداردان بەرى جاراتىلىستىق بايلىق مينيسترلىگى قاتىستى تاراۋلارمەن بىرگە زاڭ - ءتۇزىمدى كەمەلدەندىرىپ، ماڭگىلىك نەگىزگى ەگىنجايلاردى بەلگىلەپ، پايدالانۋ جولىن باسقارۋدى قاتايتىپ، باقىلاۋ - تەكسەرۋدى، زاڭ اتقارۋدى كۇشەيتىپ، باعالاۋدى، باقىلاۋ - باسقارۋدى قاتايتىپ، ەگىستىك جەردى قورعاۋدىڭ ەڭ قاتاڭ ءتۇزىمىنىڭ تياناقتانىپ، ناتيجە بەرۋىن بار كۇشپەن ىلگەرىلەتتى. ءبىرقىدىرۋ شارامەن ەگىستىك جەردىڭ جالپى مولشەرى ءۇرتىس 3 جىل ارتتى“. جاراتىلىستىق بايلىق مينيسترلىگى ەگىستىك جەردى قورعاۋدى باقىلاۋ تارماق مەكەمەسى باستىعىنىڭ ورىنباسارى ياڭ جۋحۇي بىلاي دەدى: ەگىستىك جەردى يەمدەنۋ مەن تولىقتاۋدىڭ تەپە –تەڭدىگى ساياساتى اۋىل شارۋاشىلىعىنا جاتپايتىن قۇرىلىستاردىڭ ەگىستىك جەردى يەمدەنۋ زيانىن ايتارلىقتاي تولىقتاۋدا، ەگىستىك جەردى قورعاۋدىڭ قىزىل سىزىعىن ساقتاۋدا ورنىن وگەيسىتۋگە بولمايتىن رول اتقاردى.
تانىستىرۋعا قاراعاندا، ەلىمىزدە ادام باسىنا تۋرا كەلەتىن ەگىستىك جەر از، ەگىستىك جەردىڭ ساپاسى جالپى جاقتان جوعارى ەمەس، ەگىستىك جەردىڭ زاپاس بايلىعى جەتكىلىكسىز. قازىر ەگىستىك جەردى يەمدەنۋ مەن قورعاۋدىڭ قايشىلىعى، قىسىمى ءالى دە كورنەكتى، ەگىستىك جەردىڭ جالپى مولشەرىن ازايتۋدان ارتتىرۋعا بۇرىلىس جاساۋ نەگىزى ءالى بەرىك ەمەس، اۋىل شارۋاشىلىعىنا جاتپايتىن ءتۇرلى قۇرىلىستار مەن اۋىل شارۋاشىلىق قۇرىلىمىن رەتكە سالۋ ارقىلى ەگىستىك جەردى يەمدەنۋ قاجەتى ءالى دە زور، كەيبىر جەرلەردىڭ ەگىستىك جەردى تولىقتاۋ جاۋاپكەرلىگى تياناقتانباي، ءتىپتى اۋىتقىپ بارادى. ”ەگىستىك جەردى يەمدەنۋ مەن تولىقتاۋدىڭ تەپە - تەڭدىگىنە، سونداي - اق ەگىستىك جەردى قورعاۋ بارىسىندا جارىققا شىققان جاڭا جاعدايلارعا، جاڭا ماسەلەلەرگە ايرىقشا ءمان بەرىپ، جۇيەلى رەفورما ارقىلى شەشۋدى ىلگەرىلەتۋ كەرەك“ دەدى ياڭ جۋحۇي.
بيىلعى ورتالىقتىڭ 1 – ءنومىرلى قۇجاتىندا ”ەگىستىك جەردى قورعاۋ ءتۇزىمىن قاتاڭ تياناقتاندىرۋ“، ”ەگىستىك جەردى يەمدەنۋ مەن تولىقتاۋدىڭ تەپە – تەڭدىگى تۇزىمىنە رەفورما جاساۋ جانە ونى كەمەلدەندىرۋ“ جونىندە ايقىن ورنالاستىرۋ تالابى ورتاعا قويىلدى. جاراتىلىستىق بايلىق مينيسترلىگى نازاردى ەگىستىك جەردى قورعاۋدىڭ قىزىل سىزىعىن بەرىك ساقتاۋعا، استىق حاۋىپسىزدىگىنىڭ نەگىزىن بەكەمدەۋگە شوعىرلاندىرىپ، بيىل ءتۇزىمدى كەمەلدەندىرۋگە باسا ءمان بەرىپ، باقىلاۋ - باسقارۋدى كۇشەيتىپ، يەمدەنۋ مەن تولىقتاۋدىڭ تەپە - تەڭدىگىن ساقتاۋ رەفورماسىنىڭ ساياسات جۇيەسىن اقاۋسىزداندىرىپ، ”مەملەكەت جالپى مولشەرىن باسقاراتىن، ولكە دارەجەلى ورىندار جالپى جاۋاپتى بولاتىن، قالا، اۋداندار تياناقتاندىرۋدى يگەرەتىن“ ەگىستىك جەردى يەمدەنۋ مەن تولىقتاۋدىڭ تەپە - تەڭدىگىن ساقتاۋدىڭ جاڭا مەحانيزمىن جاپپاي ورناتىپ، رەفورما ورنالاستىرۋلارىنىڭ تياناقتانىپ، ناتيجە بەرۋىن بار كۇشپەن ىلگەرىلەتەدى.
جاراتىلىستىق بايلىق مينيسترلىگى ءتۇرلى رەفورما شارالارىن ءتۇيىندى تۇردە ويداعىداي تياناقتاندىرادى: ەگىستىك جەردى يەمدەنۋ مەن تولىقتاۋدىڭ تەپە - تەڭدىگىن باسقارۋ كولەمىن رەتتەپ، اۋىل شارۋاشىلىعىنا جاتپايتىن قۇرىلىس، ورمان ءوسىرۋ، اعاش ەگۋ، جەمىس اعاشىن ەگۋ، شاي ەگۋ سياقتى ەگىستىك جەردى يەمدەنۋ ارەكەتتەرىن ءبىر تۇتاس يەمدەنۋ مەن تولىقتاۋدىڭ تەپە - تەڭدىگىن باسقارۋعا ەنگىزىپ، ”از تولىقتاۋدى“ ”كوپ تولىقتاۋعا“ وزگەرتۋ؛ سورتاڭ جەر سياقتى پايدالانىلماعان جەرلەردى، تومەن ءونىمدى بوس قالعان قۇرىلىستىق جەرلەردى، سونداي - اق ساپالى ەگىستىك جەرگە قالپىنا كەلتىرۋگە ۇيلەسەتىن باۋ - باقشا، ورماندى جەر، جايىلىم سياقتى باسقا دا اۋىل شارۋاشىلىعىنا پايدالانىلاتىن جەرلەردى ءبىر تۇتاس جوسپارلاپ، ەگىستىك جەردى تولىقتاۋدىڭ قاينارى ەتۋ كەرەك. ”تولىقتاما ارقىلى يەمدەنۋدى بەلگىلەۋد“ تاباندى بولىپ، ەگىستىك جەر جالپى مولشەرىنىڭ اۋقىمدىق تەپە - تەڭدىگىن جۇزەگە اسىرۋ العى شارتىندا، ولكە كولەمىندە ەگىستىك جەردەن ورنىقتى پايدالانۋدىڭ تازا ارتۋ مولشەرىن كەلەسى جىلعى اۋىل شارۋاشىلىعىنا جاتپايتىن قۇرىلىستاردا ەگىستىك جەردى يەمدەنۋگە رۇقسات ەتۋ كولەمىنىڭ جوعارى شەگى ەتۋ؛ ەگىستىك جەردى تولىقتاۋعا تولەم بەرۋ ارقىلى شابىتتاندىرۋدى كۇشەيتىپ، تولىقتاما ەگىستىك جەر قاراجاتىن نەگىزىنەن ەگىستىك جەردى قورعاۋ جانە ساپا قۇرىلىسىنا جۇمساپ، قاتىستى نەگىزگى تۇلعالاردىڭ ەگىستىك جەردى قورعاۋ بەلسەندىلىگىن جۇمىلدىرۋ كەرەك. ەگىستىك جەردىڭ ساپاسىن تەكسەرىپ وتكىزىپ الۋ ءتۇزىمىن اقاۋسىزداندىرىپ، اۋىل شارۋاشىلىعىن، اۋىل - قىستاقتى باسقارۋشى تاراۋلارمەن سايكەسىپ، ەگىستىك جەردىڭ ساپاسىن باسقارۋدى كۇشەيتىپ، ەگىستىك جەردىڭ ساپاسىن تەكسەرىپ وتكىزىپ الۋ ءادىسىن كەمەلدەندىرىپ، ساپانىڭ بۇلجىماس تەجەمىن كۇشەيتۋ كەرەك.
ياڭ جۋحۇي مىنالاردى ءبىلدىردى: كەلەسى قادامدا جاراتىلىستىق بايلىق مينيسترلىگى ءبىر ميلليارد 800 ميلليون مۋ ەگىستىك جەردى قورعاۋدىڭ قىزىل سىزىعىن ۇزدىكسىز مىقتاپ ساقتاۋدى نىسانا ەتىپ، سان مەن ساپاعا تەڭ ءمان بەرۋ، زاڭدى قاتاڭ اتقارۋ، جۇيەلى ىلگەرىلەتۋ، باياندى پايدالانۋ سياقتى كەلەلى تالاپتاردى كورنەكتى تۇردە ويداعىداي يگەرىپ، ”جالپى مولشەرىن ورنىقتىرۋ، ورنالاستىرۋدى ساپالىلاندىرۋ، جاۋاپكەرلىكتى ناقتىلاندىرۋ“ سىندى 3 مىندەتتى تياناقتاندىرىپ، ”تىڭنان ارتتىرۋدى قاتاڭ تىزگىندەۋ، ىركىندى قوردى جانداندىرۋ، زاڭدى قاتاڭ اتقارۋ“ سىندى 3 بۋىندى قاداعالاپ، ەگىستىك جەردى جونگە سالۋ جۇيەسىن ۇزدىكسىز اقاۋسىزداندىرىپ، ەگىستىك جەردى جونگە سالۋ قابىلەتىن جوعارىلاتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
