شى تايفىڭ تيانجيندە تەكسەرۋ - زەرتتەۋ جۇرگىزگەندە بىلاي دەپ دارىپتەدى
بىرلىكساپ قىزمەتىن ويداعىداي ىستەۋ جاۋاپكەرلىگىن اناعۇرلىم كۇشەيتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن زەيىن - زەردەنى، كۇش - قۋاتتى اناعۇرلىم ويداعىداي شوعىرلاندىرۋ كەرەك
2024.04.12 15:52 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 11 – كۇنى، تيانجين. 4 - ايدىڭ 9 - كۇنىنەن 10 - كۇنىنە دەيىن ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ تيانجيندە تەكسەرۋ - زەرتتەۋ جۇرگىزگەندە بىلاي دەپ دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، بىرلىكساپ قىزمەتى جاۋاپكەرلىك ءتۇزىمىن اناعۇرلىم تياناقتاندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدى، تياناقتاندىرۋدى مىقتى يگەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن، زەيىن - زەردەنى، كۇش - قۋاتتى اناعۇرلىم ويداعىداي شوعىرلاندىرۋ كەرەك.
شى تايفىڭ حىبەي رايونىنا، حۇڭچياۋ رايونىنا، نانكاي رايونىنا، جيننان رايونىنا، دۇڭلي رايونىنا، بينحاي جاڭا رايونىنا، بەيبىتشىلىك رايونىنا بارىپ، وتانشىلدىق تاربيە بازاسى مەن تاريحي مادەنيەت كوشەلەرىن كوزدەن كەشىرىپ، تاريحي مادەنيەتتى جالعاستىرۋ، دامىتۋ، جاڭا قوعامدىق جىك قايراتكەرلەرىنىڭ بىرلىكساپ قىزمەتى جاعدايىن ۇعىستى؛ ەرەكشەلىككە يە ساۋدا شەڭبەرىنە جانە حالىقتىق جوعارى عىلىم - تەحنيكا كاسىپورىندارىنا بارىپ، حالىقتىق كاسىپورىنداردىڭ ءادىليالىق قىزمەت وتەۋ جانە جاڭا ساپالى وندىرگىش كۇشتەردى دامىتۋ جاعدايىنا تەكسەرۋ - زەرتتەۋ جۇرگىزدى؛ ۇلتتىق ءدامدى تاعامدار ەرەكشە كوشەلەرىن جانە ءدىني قيمىل ورىندارىن ارالاپ، جۇڭحۋا ۇلتى ورتاق تۇلعا تانىمىن بەرىك ورناتۋ جانە ەلىمىزدىڭ ءدىندى جۇڭگوشالاندىرۋ قىزمەتىن ىلگەرىلەتۋ جاعدايىن ۇعىستى؛ جوعارى مەكتەپتەرگە بارىپ، پارتيا سىرتىنداعى اكادەميك، ماماندارمەن جانە از ۇلت وقۋشىلارىمەن اڭگىمەلەسىپ، پىكىر اۋىستىرىپ، جوعارى مەكتەپتەردىڭ بىرلىكساپ قىزمەتى جاعدايى جونىندەگى تانىستىرۋدى تىڭدادى.
شى تايفىڭ مىنانى ءبىلدىردى: تاريحي مادەنيەت مۇرالارى بايلىعىنان ويداعىداي پايدالانىپ، يدەيالىق - ساياسي جەتەكشىلىكتى كۇشەيتىپ، بىرلىكساپ مۇشەلەرىن ”ەكىنى ۇشتاستىرۋ“ تۇرعىسىنان جۇڭگو جولى، نازارياسى، ءتۇزىمى جونىندەگى تۇسىنىكتى، يگەرۋدى تەرەڭدەتۋگە جەتەكتەپ، تاريحي سەنىم مەن ساياسي سانالىلىقتى ونان ارى كۇشەيتىپ، پارتيانىڭ سوزىنە بۇلجىماي قۇلاق اسىپ، پارتياعا ىلەسۋ كەرەك. ”ەكىدەن تيتتەي دە اۋىتقىماۋدا“ تاباندى بولىپ، ”ەكىنى سالاماتتىقتى“ جەبەپ، حالىقتىق شارۋاشىلىق قايراتكەرلەرىن پارتيا ورتالىق كوميتەتىنىڭ حالىقارالىق جانە ەل ءىشى جاعدايى جونىندەگى عىلمي تۇجىرىمىن دۇرىس يگەرۋگە جەتەكتەپ، حالىقتىق شارۋاشىلىقتىڭ دامۋىن زاڭمەن جونگە سالۋ ورتاسىن ساپالىلاندىرۋدى ىلگەرىلەتىپ، حالىقتىق كاسىپورىنداردىڭ دامۋ سەنىمىن سەرپىلتۋىن، سانالى تۇردە ساپالى دامۋ جولىمەن ءجۇرۋىن جەبەۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ نەگىزگى جەلىسى تالابىنىڭ ءتۇرلى مىندەتتەرىن تياناقتاندىرىپ، ەلىمىزدىڭ ءدىندى جۇڭگوشالاندىرۋىنىڭ تەرەڭدەۋىن، ناقتىلانۋىن ۇزدىكسىز ىلگەرىلەتىپ، ۇلت، ءدىن سالاسىنداعى قايراتكەرلەردى جانە دىنگە سەنەتىن بۇقارانى ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى شىنايى مويىنداۋعا جەتەكتەپ، ۇلتتار ىنتىماقتى، ءدىن جاراسىمدى تاماشا جاعدايدى بەكەمدەۋ كەرەك. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە مەملەكەتتىك ەكى ءماجىلىستىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، پارتيا سىرتىنداعى زيالىلار مەن جاڭا قوعامدىق جىكتەگى قايراتكەرلەردىڭ جاڭالىق اشۋ، جاسامپازدىق ومىرشەڭدىك كۇشىن تاسقىنداتىپ، ولاردى ابزال رولىن اناعۇرلىم ويداعىداي ساۋلەلەندىرۋگە جەتەكتەۋ كەرەك.
شى تايفىڭ مىنانى ءبىلدىردى: بىرلىكساپ مەملەكەتتىڭ حاۋىپسىزدىگى مەن قوعام ورنىقتىلىعىن قورعاۋ جاعىندا ماڭىزدى رول اتقارادى. ءار دارەجەلى بىرلىكساپ تاراۋلارى تومەنگى شەكتە ويلاۋدى بەرىك ورناتىپ، حاۋىپ - قاتەردەن، كومەسكى قاتەرلەردەن ساقتانۋ جانە ونى جويۋ قىزمەتىن اناعۇرلىم كورنەكتى ورىنعا قويىپ، حاۋىپ - قاتەرگە تۇجىرىم جاساۋدى كۇشەيتىپ، ماڭىزدى ۋاقىت كەزەڭىندەگى حاۋىپ - قاتەردەن ساقتانۋ جانە ونى تىزگىندەۋ قىزمەتىن ويداعىداي ىستەپ، ىركىندى حاۋىپ - قاتەردى كۇش سالا شەشىپ، حاۋىپ – قاتەردىڭ كوبەيۋىنەن ساقتانىپ، وڭىرلىك، جۇيەلىك حاۋىپ - قاتەر تۋىلماۋدىڭ تومەنگى شەگىن مىقتاپ ساقتاۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
