شي جينپيڭ تانزانيانىڭ زۇڭتۇڭى حاسانمەن جۇڭگو مەن تانزانيانىڭ ديپلوماتيالىق قارىم - قاتىناس ورناتقانىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2024.04.28 16:17 كەلۋ قاينارى : حالىق تورابى
شينحۋا اگەنتتىگى،4 - ايدىڭ 26 - كۇنى، بەيجيڭ. 4 - ايدىڭ 26 - كۇنى مەملەكەت ءتوراعاسى شي جينپيڭ تانزانيانىڭ زۇڭتۇڭى حاسانمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن تانزانيانىڭ ءداستۇرلى دوستىعىن ەكى ەلدىڭ اعا بۋىن باسشىلارى ورناتقان. ديپلوماتيالىق قارىم - قاتىناس ورناتقان 60 جىلدان بەرى جۇڭگو - تانزانيا قارىم - قاتىناسى حالىقارالىق اۋمالى - توكپەلى وزگەرىستەردىڭ سىنىنان ءوتىپ، ۋاقىت وتكەن سايىن بەكەمدەلە ءتۇستى. سوڭعى جىلدارى ەكى ەلدىڭ ساياسي سەنىمدىلىگى ۇزدىكسىز بەكەمدەلىپ، ءار سالاداعى سەلبەستىگىندە سۇبەلى تابىستارعا قول جەتىپ، تۇستىك ەلدەر سەلبەستىگىنىڭ ۇلگىسىنە اينالدى. جاڭا تاريحي باستامادا مەن زۇڭتۇڭ حانىممەن بىرگە قۇلشىنىپ، جۇڭگو مەن تانزانيانىڭ ءداستۇرلى دوستىعىن جالعاستىرىپ، جۇڭگو مەن تانزانيانىڭ دامۋ، گۇلدەنۋ ورتاق ارمانىن جانە ”ءبىر بەلدەۋ، ءبىر جولدى“ بىرگە قۇرۋدىڭ ايبىندى كارتيناسىن رەالدىققا اينالدىرىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قۇرۋعا اناعۇرلىم زور ۇلەس قوسۋدى قالايمىن.
حاسان مىنانى ءبىلدىردى: تانزانيا مەن جۇڭگو ديپلوماتيالىق قاتىناس ورناتقان 60 جىلدان بەرى ەكى ەلدىڭ ىنتىماعى، دوستىعى جانە شىنايى سەلبەستىگى ۇزدىكسىز تەرەڭدەدى، ەكى جاق يەلىك ۇقىق پەن تەرريتوريا تۇتاستىعىنا ءوزارا قۇرمەت ەتىپ، ەكى جاقتى، كوپ جاقتى ىستەردە ءبىرىن - ءبىرى قولدادى. تانزانيا جاق جۇڭگونىڭ ءداۋىر بولگىش ەكونوميكالىق، قوعامدىق دامۋ جەتىستىكتەرىن جۇزەگە اسىرعانىنا سۇيىنەدى، جۇڭگونىڭ دامۋ سالاسىندا كورسەتكەن قولداۋىنا شىن جۇرەكتەن العىس ايتادى، ”ءبىر بەلدەۋ، ءبىر جولدى“ بىرگە قۇرۋ باستاماسى، دۇنيە جۇزىلىك دامۋ باستاماسى سياقتى كەلەلى باستامالاردى تاباندىلىقپەن قولداپ، تانزانيا مەن جۇڭگونىڭ جاپپاي ستراتەگيالىق سەلبەستىك سەرىكتەستىك قارىم - قاتىناسىن كۇشەيتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
