مەملەكەتتىك كوشى – قوندى باسقارۋ مەڭگەرمەسى: 5 – ايدىڭ 6 – كۇنىنەن باستاپ، حالىققا قولايلىلىق جاراتىپ، كاسىپورىندارعا تيىمدىلىك جەتكىزۋگە ساياتىن شەكارادان كىرىپ – شىعۋدى باسقارۋ جاعىنداعى التى ءتۇرلى ساياساتتىق شارا اتقارىلادى
2024.04.29 16:28 كەلۋ قاينارى : حالىق تورابى
4 – ايدىڭ 28 – كۇنى، مەملەكەتتىك كوشى – قوندى باسقارۋ مەڭگەرمەسى اقپار جاريالاۋ ءماجىلىسىن اشتى. مەملەكەتتىك كوشى – قوندى باسقارۋ مەڭگەرمەسى ازاماتتاردىڭ شەكارادان كىرىپ – شىعۋىن باسقارۋ مەكەمەسىنىڭ ورىنباسار باستىعى شيۇڭ شۋرىننىڭ ماجىلىستە ايتۋىنشا، مەملەكەتتىك كوشى – قوندى باسقارۋ مەڭگەرمەسى 5 – ايدىڭ 6 – كۇنىنەن باستاپ حالىققا قولايلىلىق جاراتىپ، كاسىپورىندارعا تيىمدىلىك جەتكىزۋگە ساياتىن شەكارادان كىرىپ – شىعۋدى باسقارۋ جاعىنداعى التى ءتۇرلى ساياساتتىق شارانى اتقارۋدى ۇيعارعان.
بۇل التى ءتۇرلى شارا مىنالاردى قامتيدى: بىرىنشىدەن، بەيجيڭ قاتارلى 20 نەشە قالادا شەكارادان كىرىپ – شىعۋعا قاجەتتى قۇجاتتاردى اۋىستىرىپ تاراتۋدى، تولىقتاپ تاراتۋدى ”بۇكىلدەي ينتەرنەت ارقىلى ءبىتىرۋدى“ تۇيىندە سىناق ەتۋدى ورىستەتەدى. بەيجيڭ، تيانجين، شىنياڭ، حاربين، شاڭحاي، نانجيڭ، حاڭجوۋ، نيڭبو، حىفەي، شيامىن، جينان، چيڭداۋ، جىڭجوۋ، گۋاڭجوۋ، شىنجىن، جۋحاي، چۇڭچيڭ، چىڭدۋ، كۇنميڭ، شي – ان قاتارلى 20 قالاداعى 16 جاستان جوعارعى نوپوستاعى تۇرعىندار اراسىنداعى تىزىمدەلىپ ەستەلىككە الدىرىلعان مەملەكەت قىزمەتكەرلەرى مەن اسكەري مىندەت وتەۋشىلەردەن باسقالاردىڭ بۇرىن ءوتىنىش ەتىپ العان جاي پاسپورتى، شياڭگاڭ مەن اۋمىنعا بارىپ – كەلۋ جولحاتى، تايۋانعا بارىپ – كەلۋ جولحاتى ءالى دە كۇشكە يە مەرزىمدە بولسا، ەگەر كۋالىك بۇلىنگەن، جوعالعان نەمەسە ۇرلانعان، پاسپورتتىڭ ۆيزا اشۋ بەتى پايدالانىلىپ بولعان نەمەسە كۇشكە يە مەرزىمىنىڭ قالعان ۋاقىتى 6 ايعا تولمايتىن ت.ب جاعدايلار تۋىلسا، مەملەكەتتىك كوشى – قوندى باسقارۋ مەڭگەرمەسىنىڭ اكىمشىلىك ىستەر جاعىندا قىزمەت وتەۋ تەكشەسىندە ينتەرنەت ارقىلى ۇقساس قۇجاتتى اۋىستىرىپ الۋعا نەمەسە تولىقتاپ الۋعا ءوتىنىش بەرۋگە بولادى، ”ءبىر رەت تە بارماي- اق ءىس ءبىتىرۋدى“ ىسكە اسىرادى. ءوتىنىش ەتۋ شارتىنا ساي كەلگەندەردىڭ كۋالىگىن قوعام حاۋىپسىزدىگى ورگاندارىنىڭ شەكارادان كىرىپ – شىعۋدى باسقاراتىن قۇرىلىمدارى 7 قىزمەت كۇنى ىشىندە تەكسەرىپ بەكىتەدى ءارى كۋالىكتى تاراتادى.
ەكىنشىدەن، شياڭگاڭ مەن اۋمىنعا ساۋدا ىستەرىمەن باراتىن ۆيزانى اشۋدا ”زەردەلى جەدەل ءبىتىرۋ“، ”مەملەكەت بويىنشا ءبىرتۇتاس ءبىتىرۋ“ اتقارىلادى؛ ۇشىنشىدەن، بەيجيڭ، شاڭحاي قاتارلى جەرلەردە التى تۇردەگى ادامداردىڭ شياڭگاڭ مەن اۋمىنعا دارىندى رەتىندە بارۋعا بولاتىن ۆيزانى اشتىرۋعا ءوتىنىش بەرۋىنە بولادى؛ تورتىنشىدەن، شياڭگاڭ مەن اۋمىنعا ساۋدا ىستەرىمەن باراتىندارعا ۆيزا اشقاندا شياڭگاڭ مەن اۋمىندا ايالداۋعا بولاتىن ۋاقىت مەرزىمىن ۇزارتادى؛ بەسىنشىدەن، اۋمىنعا ءبىر جىلدا كوپ رەت بارۋعا بولاتىن ”باسقا“ تۇردەگى ۆيزانى اشتىرۋعا بولادى؛ التىنشىدان، ”حىڭچين – اۋمىن ساياحات ۇيىرمەسىنە“ قاتىناسقانداردىڭ حىڭچين مەن اۋمىنعا كوپ رەت بارىپ – كەلۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
