«شي جينپيڭ: ”ءبىر بەلدەۋ، ءبىر جول“ جونىندەنىڭ (2023 - جىلعى باسىلىمى)» اعىلشىنشا نۇسقاسى باسپادان شىعىپ تاراتىلدى
2024.04.29 16:29 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى اۋدارعان «شي جينپيڭ: ”ءبىر بەلدەۋ، ءبىر جول“ جونىندەنىڭ (2023 - جىلعى باسىلىمى)» اعىلشىنشا نۇسقاسى جۋىقتا ورتالىق قۇراستىرۋ - اۋدارۋ باسپاسىنان باسىلىپ شىعىپ، ەل ءىشى - سىرتىنا تاراتىلدى.
«شي جينپيڭ: ”ءبىر بەلدەۋ، ءبىر جول“ جونىندەنى (2023 - جىلعى باسىلىمى)» جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە قۇجات زەرتتەۋ ورنى رەداكسيالاعان، وعان باس شۋجي شي جينپيڭنىڭ 2013 - جىلى 9 - ايدان 2023 - جىلى 11 - ايعا دەيىنگى ارالىقتا ”ءبىر بەلدەۋ، ءبىر جولدى“ بىرگە قۇرۋ جونىندەگى 78 ماڭىزدى ماقالاسى ەنگىزىلگەن. تۇتاس كىتاپتا باس شۋجي شي جينپيڭنىڭ ”ءبىر بەلدەۋ، ءبىر جولدى“ بىرگە قۇرۋدىڭ جەتەكشى پرينسيبى، باي مازمۇنى، نىساناسى، جولى قاتارلىلار جونىندەگى تەرەڭ پايىمداۋى جۇيەلى بەينەلەنىپ، ”ءبىر بەلدەۋ، ءبىر جولدى“ بىرگە قۇرۋدىڭ جۇڭگو باستاماسىنان حالىقارالىق امالياتقا بەت الىپ، ۇستانىمنان ارەكەتكە، ارمان - تىلەكتەن رەالدىققا، جوبا - جوسپار جاساۋدىڭ ”ۇلكەن نوبايىنان“ ۇقىپتى، ەگجەي - تەگجەيلى ىستەلگەن ”نازىك سۋرەتكە“ اينالۋىنداعى، ناقتى، قوماقتى تابىستارعا قول جەتكىزىپ، قارسى الىنعان حالىقارالىق الەۋمەتتىك ونىمگە جانە حالىقارالىق سەلبەستىك تۇعىرىنا اينالۋىنداعى دامۋ بارىسى جان – جاقتى بەينەلەندى.
بۇل كىتاپتىڭ اعىلشىن تىلىندەگى باسىلىمىنىڭ باسپادان شىعىپ تاراتىلۋى شەتەلدىك وقىرمانداردىڭ ”ءبىر بەلدەۋ، ءبىر جولدى“ بىرگە قۇرۋ ۇستانىمىن، شارالارىن، نىساناسىن جانە جەتىستىكتەرىن ىشكەرىلەي تۇسىنۋىنە سەپتىگىن تيگىزەدى، حالىقارالىق قوعامنىڭ تانىمدىق تۇسىنىگىن ونان ارى تەرەڭدەتىپ، ”ءبىر بەلدەۋ، ءبىر جول“ حالىقارالىق سەلبەستىگىن كۇشەيتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، ”ءبىر بەلدەۋ، ءبىر جول“ ارقىلى اناعۇرلىم كوپ مەملەكەت پەن حالىقتى يگىلىككە كەنەلتۋدە ماڭىزدى مانگە يە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
