لي چياڭ 2024 - جىلعى بەيجيڭ حالىقارالىق اۆتوموبيل كورمەسىندە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
زەردەلى توراپپەن بىرلەسكەن جاڭا ەنەرگيالى اۆتوموبيلدى كۇش سالا دامىتىپ، اۆتوموبيل كاسىبىنىڭ جوعارى دەڭگەيگە كوتەرىلۋىن، زەردەلىلەنۋىن، جاسىلدانۋىن جەبەۋ كەرەك
2024.04.29 16:30 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 28 – كۇنى، بەيجيڭ (ءتىلشى زوۋ ۋەي). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ 4 - ايدىڭ 28 - كۇنى 2024 - جىلعى بەيجيڭ حالىقارالىق اۆتوموبيل كورمەسىندە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ اۆتوموبيل كاسىبىنىڭ جوعارى ساپالى دامۋىن ىلگەرىلەتۋ جونىندەگى ماڭىزدى نۇسقاۋىنىڭ رۋحىن ىشكەرىلەي تياناقتاندىرىپ، زەردەلى توراپپەن بىرلەسكەن جاڭا ەنەرگيالى اۆتوموبيلدى كۇش سالا دامىتىپ، عىلىم - تەحنيكادا جاڭالىق اشۋ ارقىلى كاسىپ سالاسىندا جاڭالىق اشۋعا جەتەكشىلىك ەتۋدە تاباندى بولىپ، ەسىك اشۋ سەلبەستىگىن تەرەڭدەتىپ، كەڭەيتىپ، اۆتوموبيل كاسىبىنىڭ جوعارى دەڭگەيگە كوتەرىلۋىن، زەردەلىلەنۋىن، جاسىلدانۋىن جەبەپ، بازار قاجەتىن اناعۇرلىم ويداعىداي قاناعاتتاندىرۋ جانە جاراتۋ كەرەك.
”جاڭا داۋىردەگى جاڭا اۆتوموبيلدى“ نەگىزگى تاقىرىپ ەتكەن 2024 - جىلعى بەيجيڭ حالىقارالىق اۆتوموبيل كورمەسى بەيجيڭ جۇڭگو حالىقارالىق كورمە ورتالىعىندا وتكىزىلدى. لي چياڭ كورمە سارايىنا كەلىپ، دۇڭفىڭ، بييادي، جىجي، جييۋە، باۋما، جيلي، شياۋمي، سايليسى، شياۋپىڭ سياقتى كوپتەگەن اۆتوموبيل ماركالارى كورمە رايونىن ەكسكۋرسيالاپ، كورمەگە قاتىناسقان اۆتوموبيل تۇرلەرى مەن تەحنيكا كورمەسىن كورىپ، قاتىستى كاسىپورىنداردىڭ جاۋاپتىلارىمەن پىكىر اۋىستىرىپ، زەرتتەۋ - اشۋ، ءوندىرۋ، ساتۋ سياقتى جاعدايلاردى ەگجەي - تەگجەيلى ۇعىستى.
لي چياڭ مىنالاردى ءبىلدىردى: اۆتوموبيل كورمەسىن كورىپ زور شابىت الدىم، ەلىمىزدىڭ زەردەلى توراپپەن بىرلەسكەن جاڭا ەنەرگيالى اۆتوموبيلىنىڭ دامۋ بەتالىسى كۇشتى، اسىرەسە، كەمەلدى كاسىپ جۇيەسىنە، باياندى جاڭالىق اشۋ ۇسىنىلىمىنا سۇيەنىپ، بازار باسەكەسى، ەسىك اشۋ سەلبەستىگى بارىسىندا وزىق ابزالدىلىق قالىپتاستىردى، ۇزدىكسىز قۇلشىنىپ، وسى ابزالدىقتى ساقتاپ، ويداعىداي دامىتۋ كەرەك. ول بىلاي دەپ اتاپ كورسەتتى: قازىرگى اۆتوموبيل ونىمدەرى وتكەندەگىگە مۇلدە ۇقسامايدى، جالاڭ قاتىناس قۇرالى ەمەس، قايتا ءتۇرلى تەحنيكالاردى جان - جاقتى قولداناتىن كۇردەلى جۇيە. زەردەلى توراپپەن بىرلەسكەن جاڭا ەنەرگيالى اۆتوموبيل مەحانيكا، ەلەكترون، ەسەپتەۋ، سەزىنۋ، كورۋ - ەستۋ، ەنەرگيا ساقتاۋ سياقتى كوپ ءتۇرلى تەحنيكانى ءبىر تۇلعالاندىرعان ”ۇلكەن تەرمينال“ بولىپ، اۆتوموبيل كاسىبىنىڭ تيپىن وزگەرتىپ، دارەجەسىن جوعارىلاتۋدىڭ باستى بەتالىسىنا اينالدى، توتەنشە كەڭ دامۋ بولاشاعىنا يە. قالىڭ اۆتوموبيل كاسىپورىندارىنىڭ جاڭالىق اشۋدى قوزعاۋشى كۇش، سۇرانىستى جەتەكشى، ساپانى نەگىز ەتىپ، شەشۋشى، وزەكتى تەحنيكالاردان قامال الۋدى جەدەلدەتىپ، كاسىپ تىزبەگىنىڭ سايكەسۋىن كۇشەيتىپ، زەردەلى جاساۋ دەڭگەيىن جوعارىلاتۋىن، سونىمەن بىرگە، بولجامپاز تەحنيكانى زەرتتەپ اشۋدى، ورنالاستىرۋدى كۇشەيتىپ، اۆتوموبيل كاسىبىنىڭ ساپاسىن، دارەجەسىن ۇزدىكسىز جوعارىلاتۋدى ىلگەرىلەتىپ، دۇنيە ءجۇزىنىڭ جاسىل، تومەن كومىرتەكتى تيپكە بۇرىلىس جاساۋىنا بەلسەندى ۇلەس قوسۋىن ءۇمىت ەتەمىن.
لي چياڭ بىلاي دەپ باسا دارىپتەدى: قازىر جۇڭگو مەن دۇنيە جۇزىندەگى جاڭا ەنەرگيالى اۆتوموبيل بازارى ءۇرتىس ارتىپ، وراسان زور قاجەتسىنۋ كەڭىستىگىن قالىپتاستىردى. زەردەلى توراپپەن بىرلەسكەن جاڭا ەنەرگيالى اۆتوموبيل بەلگىلى دارەجەدە دۇنيە جۇزىلىك كاسىپ سەلبەستىگىنىڭ تۋىندىسى، بولاشاقتاعى دامۋ ءار جاقتىڭ ابزالدىلىعىن ساۋلەلەندىرىپ، جۇمىس ءبولىسى سەلبەستىگىن كۇشەيتۋىن ءتىپتى دە قاجەت ەتەدى. جۇڭگو بۇكىل ەل بويىنشا بىرلىككە كەلگەن ءىرى بازار قۇرىلىسىن ونان ارى ىلگەرىلەتىپ، جوعارى دەڭگەيدەگى سىرتقا ەسىك اشۋدى كەڭەيتىپ، بازارعا كىرۋ رۇقساتىن ۇزدىكسىز كەڭەيتىپ، ساۋداعا قارجى قوسۋدىڭ ەركىندەنۋىن، قولايلىلانۋىن ىلگەرىلەتىپ، ىشكى - سىرتقى قارجى قوسقان كاسىپورىندارعا بىردەي مامىلە جاساپ، جۇڭگو مەن شەتەلدىڭ اۆتوموبيل كاسىپورىندارىنىڭ كاپيتال، تەحنيكا، باسقارۋ، دارىندىلار سياقتى جاقتاردا اناعۇرلىم كەڭ كولەمدى اۋىس - كۇيىس سەلبەستىگىن ورىستەتىپ، جۇڭگو بازارىنىڭ ورايىنان بىرگە يگىلىكتەنۋىن جەبەيدى، عىلىم - تەحنيكا توڭكەرىسى مەن كاسىپ وزگەرىسى بارىسىندا بىرگە دامىپ، ءوزارا پايدا جەتكىزىپ، تەڭ يگىلىككە كەنەلەدى.
لي چياڭ بىلاي دەپ اتاپ كورسەتتى: قازىر ەلىمىز جاڭا كەزەكتى زور كولەمدە جابدىق جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ قيمىلىن ورىستەتۋدە. اۆتوموبيل كاسىبىنىڭ قارجى قوسۋدى كەڭەيتۋ، تۇتىنۋدى جەبەۋ جاعىنداعى جەتەكشىلىك رولىن اناعۇرلىم ويداعىداي ساۋلەلەندىرىپ، اناعۇرلىم كوپ ساپالى اۆتوموبيل ونىمدەرىنىڭ تۇرعىنداردىڭ تۇرمىسىنا پايدالانىلۋىنا مۇمكىندىك جاساۋ كەرەك. ساتىپ الۋدى، پايدالانۋدى قولداۋ ساياساتىن ويداعىداي تياناقتاندىرىپ، زاريادتاۋ نەگىزدىك قۇرىلعى توراپ جۇيەسىن جەدەل ورناتىپ، كوپ ءتۇرلى شارانى قاتار قولدانىپ، تۇتىنۋ ورتاسىن ساپالىلاندىرىپ، تۇتىنۋ ىنتاسىن تاسقىنداتىپ، اۆتوموبيل سياقتى كوپ قولدى تاۋارلاردىڭ تۇتىنۋ كومەسكى كۇشىن اناعۇرلىم زور دارەجەدە اشۋ كەرەك.
ۋ جىڭلۇڭ تەكسەرىپ – زەرتتەۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
