رىن بيشى جولداس دۇنيەگە كەلگەنىنىڭ 120 جىلدىعىن ەسكە ءتۇسىرۋ اڭگىمە ءماجىلىسى بەيجيڭدە وتكىزىلدى
ساي چي قاتىناستى ءارى ءسوز سويلەدى
2024.04.29 16:31 كەلۋ قاينارى : حالىق تورابى
«حالىق گازەتى»، 4 - ايدىڭ 28 - كۇنى، بەيجيڭ (ءتىلشى جاۋ بيڭ). رىن بيشى جولداس دۇنيەگە كەلگەنىنىڭ 120 جىلدىعىن ەسكە ءتۇسىرۋ اڭگىمە ءماجىلىسى 4 - ايدىڭ 28 - كۇنى بەيجيڭدەگى حالىق سارايىندا وتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي اڭگىمە ماجىلىسىنە قاتىناستى ءارى ءسوز سويلەدى. ماجىلىستەن بۇرىن ساي چي قاتارلى باسشى جولداستار رىن بيشى جولداستىڭ تۋىس - تۋعانىمەن كەزدەستى.
رىن بيشى جولداس − ۇلى ماركسيزمشى، كورنەكتى پرولەتاريات توڭكەرىسشىسى، ساياساتشى، ۇيىمداستىرۋشى، جۇڭگو كوممۋنيستىك پارتياسى مەن جۇڭگو حالىق ازاتتىق ارمياسىنىڭ كورنەكتى باسشىسى، ماۋ زىدۇڭ جولداستى ۇيىتقى ەتكەن جۇڭگو كوممۋنيستىك پارتياسىنىڭ ءبىرىنشى ۇرپاق ورتالىق باسشىلىق كوللەكتيۆىنىڭ ماڭىزدى مۇشەسى.
ساي چي سوزىندە رىن بيشى جولداستىڭ ءومىر بايانى مەن كورنەكتى ۇلەسىن ەسكە الدى. ول بىلاي دەدى: رىن بيشى جولداس جاس كەزىندە وتاندى، حالىقتى قۇتقارۋ سىندى توڭكەرىستىك مۇرات ورناتىپ، توڭكەرىستىك كۇرەستىڭ ەڭ الدىڭعى شەبىندە باستان - اياق تۇرىپ، جۇڭحۋا ۇلتىنىڭ تاۋەلسىزدىگى مەن جۇڭگو حالقىنىڭ ازاتتىق ىستەرى ءۇشىن ءومىر بويى كۇرەس جۇرگىزىپ، ءومىر بويى ۇلەس قوستى. رىن بيشى جولداس − جاڭا دەموكراتيالىق توڭكەرىس داۋىرىندەگى پارتيانىڭ نەگىزگى باسشىلارىنىڭ ءبىرى، ونىڭ توڭكەرىستىك ءومىرى جۇڭگو كوممۋنيستىك پارتياسىنىڭ قۇرىلۋىمەن، دامۋىمەن، زورايۋىمەن، جۇڭگونىڭ جاڭا دەموكراتيالىق توڭكەرىسى جەڭىسىنىڭ بارلىق تاريحىمەن تىعىز بايلانىستى.
ساي چي مىنالاردى اتاپ كورسەتتى: رىن بيشى جولداس نازاريالىق ىزدەنىستى باتىلدىقپەن ىلگەرىلەتىپ، ماركسيزمنىڭ جۇڭگوشالانۋىنا قاتىستى ماسەلەلەر جونىندە تەرەڭ پايىمداۋ جاسادى؛ پارتيا قۇرىلىسىنا ايرىقشا ءمان بەرىپ، پارتيانىڭ باسشىلىعىن قورعاۋ جانە كۇشەيتۋ جونىندە كوپتەگەن دۇرىس كوزقاراستاردى العا قويدى؛ ساياسي كورەگەندىككە باي، ەكونوميكالىق قۇرىلىس قىزمەتىنە باسشىلىق ەتۋ جانە ونى ورىستەتۋ جونىندە كورەگەندىكپەن وي جۇگىرتتى؛ جاڭا باسشىلىق ءتاسىلىن جانە قىزمەت ستيلىن جەتىلدىرۋگە ءمان بەرىپ، پارتيانىڭ الەۋمەتتىك لۋشيانىن بايىتۋ جانە دامىتۋ ءۇشىن قاجىماي - تالماي قۇلشىندى. رىن بيشى جولداستىڭ ومىرلىك كۇرەس بارىسىندا كورسەتكەن وسكەلەڭ رۋحاني ءمورالى بۇكىل پارتياعا شۇعىلالى ۇلگى ورناتتى، كوپشىلىك ونى وبرازدى تۇردە ”اتان رۋحى“ دەپ اتادى، وسى رۋح نەشە ۇرپاق جۇڭگو كوممۋنيستەرىن نارلەندىردى جانە شابىتتاندىردى.
ساي چي مىنالاردى اتاپ كورسەتتى: جاڭا جورىقتا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ 20 - قۇرىلتايىنىڭ رۋحىن جاپپاي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ داڭقتى ءداستۇرى مەن تاڭداۋلى ستيلىن بارىنشا ساۋلەلەندىرىپ، سەنىمدى بەكەمدەپ، ءورىس اشا العا ىلگەرىلەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزۋىمىز كەرەك (ءسوزدىڭ تولىق مازمۇنىن «حالىق گازەتىنىڭ» 3 – بەتىنەن وقي الاسىزدار).
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق ۇيىمداستىرۋ ءبولىمىنىڭ باستىعى لي گانجيە اڭگىمە ءماجىلىسىن باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ اڭگىمە ماجىلىسىنە قاتىناستى.
اڭگىمە ماجىلىسىندە ورتالىق پارتيا تاريحى جانە قۇجات زەرتتەۋ ورنىنىڭ باستىعى چۇي چيڭشان، حۋنان ولكەلىك پارتكومنىڭ شۋجيى شىن شياۋميڭ ىلگەرىندى - كەيىندى ءسوز سويلەدى. قاتىستى تاراۋلارداعى جاۋاپتى جولداستار مەن كادرلاردىڭ ۋاكىلدەرى، رىن بيشى جولداستىڭ تۋىس - تۋعاندارى مەن اۋىلداستارىنىڭ ۋاكىلدەرى اڭگىمە ماجىلىسىنە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
