وڭتۇستىك پەن سولتۇستىكتەگى شانتاڭ قىستاقتارى پارتيا قۇرىلىسى ارقىلى دامۋدى جەبەدى (وڭىرلىك سايكەستى دامۋعا بايلانىستى شاعىن تۇيىندەرگە نازار)
«حالىق گازەتىنىڭ» تىلشىلەرى حۋ انچي، ليۋ جۇنگو
2024.04.29 16:33 كەلۋ قاينارى : حالىق تورابى
ءبىر وزەننىڭ ەكى جاعالاۋىنا ەكى شانتاڭ قىستاعى ورنالاسقان. سولتۇستىگى شاڭحاي جينشان رايونى لاڭشيا قالاشىعى شانتاڭ قىستاعى، وڭتۇستىگى جىجياڭ ولكەسى پيڭحۋ قالاسى گۋاڭچىن قالاشىعى شانتاڭ قىستاعى.
ءبىر كوپىر ەكى ولكەنى تۇتاستىرۋدا. ەگەر ەكى قىستاقتىڭ اراسىنداعى نەشە ءجۇز جىلدىق تاريحى بار شانتاڭ كوپىرىنە بارساڭىز، تەك 20 نەشە قادام عانا ءجۇرىپ، شانتاڭ وزەنىنەن ءوتىپ، شاڭحايدان جىجياڭعا وتەسىز.
بۇرىن ەكى قىستاقتىڭ دامۋىندا پارىق بار بولاتىن، قازىر ەكى قىستاق قول ۇستاسا العا باستى.
بيىل 4 - ايدىڭ ءبىر كۇنى جۋ مىرزا شاڭحاي جينشان رايونىنان ءوز كولىگىمەن كوپىردىڭ وڭتۇستىگىندەگى شانتاڭ قىستاعىنا كەلدى. ول بىلاي دەدى: وتباسىمداعىلارمەن بىرگە وسى جاقتاعى كونە كوشەگە كەلدىم، ”بۇل ارانىڭ دامۋى وتە جاقسى، ادام لەگى دە كوبەيدى“.
كوپىردە ساياحاتشىلار قايشالىسادى، كوپتەگەن ادام ”وڭتۇستىك شانتاڭدا تاماقتانىپ، قونالقىدا سولتۇستىك شانتاڭعا بارادى“.
2017 - جىلى ەكى قىستاق پارتيا ۇيىمى قول ۇستاسىپ، پارتيا قۇرىلىسى ارقىلى سايكەستى دامۋعا جەتەكشىلىك ەتتى. بۇل ىزدەنىس ”كورشىلەس پارتيا قۇرىلىسى“ دەپ اتالدى.
جىجياڭ ولكەسى پيڭحۋ قالاسى شانتاڭ قىستاعى پارتيا باس ياچەيكاسىنىڭ شۋجيى جين جياندۇڭ بىلاي دەدى: باستابىندا ەكى قىستاق پارتيا ۇيىمى اي سايىن قىزمەت كەڭەسىن وتكىزىپ، نەگىزگى تاقىرىپتىق پارتيا كۇنىن ورىستەتتى؛ كەيىن كەلە مازمۇنى ۇزدىكسىز بايىپ، ءار ايدا ”كونە كوشەدەگى پارتيا ساباعىن“، ”ورىندىقتاعى كەشكى اڭگىمەنى“ بىرلەسىپ ورىستەتۋدى، نازاريا ۇيرەنىپ، بۇقارانىڭ قاجەتىن ۇعىسىپ، ەرىكتى قىزمەت وتەۋمەن قامداۋدى قامتىدى.
”سوڭعى جىلدارى 2 قىستاق نەگىزگى ساتى پارتيا ۇيىمى شۋجيلەرىنىڭ، پارتيا ىستەرى كادرلارىنىڭ اۋىس - كۇيىسىن، ۇيرەنۋىن بەلسەنە ىلگەرىلەتتى“ دەدى شاڭحاي جينشان رايونى شانتاڭ قىستاعى پارتيا ياچەيكاسىنىڭ شۋجيى لۇي چۇنفاڭ.
”ىرگەلەس پارتيا قۇرىلىسىنا“ سۇيەنىپ، ەكى قىستاق كاسىپ سالاسىن بىرگە توعىستىرۋدى، قىزمەت وتەۋدەن بىرگە يگىلىكتەنۋدى، اۋىل - قىستاقتى بىرگە جونگە سالۋدى ىلگەرىلەتىپ، 2018 - جىلدان باستاپ ”ايلى كەشتەگى شانتاڭ“ اۋىل شارۋاشىلىعى، مادەنيەت - ساياحات بىرلەستىگىن بىرگە قۇرىپ، توعىسۋ مەحانيزمى بارعان سايىن ءساتتى بولىپ، سايكەسە دامۋى بارعان سايىن جاقساردى.
2023 - جىلى ەكى قىستاق 3 - جاق سەرىكتەستىگىن بىرگە ەنگىزىپ، ايلى كەش شانتاڭ كورىنىس رايونىن ءبىر تۇلعالاندىرىپ ىسكە قوستى. شانتاڭ كوپىرىنىڭ وڭتۇستىگى مەن سولتۇستىگى ءتىپتى دە كوركەم، ءتىپتى دە دۋماندى بولدى.
كوپىردىڭ وڭتۇستىگىنەن جەرگىلىكتى قۋىرماش اسپۇزىلىن اشقان سۇڭ جيانۋي ءوزىنىڭ شارۋالار شاتتىعى ساياجايىن كەڭەيتىپ سالدى، ”قوناقتار ادامنىڭ كوپتىگىنەن كوپ وتىرا المايدى“ دەدى ول.
كوپىردىڭ سولتۇستىگىندەگى حالىقتىق تۇسەلحانا تيجاراتىمەن شۇعىلداناتىن جاڭ پينپين بىلاي دەدى: سوڭعى جىلدارى قىستاقتاعى حالىقتىق تۇسەلحانا 2 − 3 تەن كوبەيىپ 10 نەشەگە جەتتى، ”اپتا سوڭى، مەرەكە – مەيرام كەزدەرىندە ۇيلەر تۇگەلدەي تولىپ كەتەدى“.
”تۇرمىسىمىز بارعان سايىن جاقساردى“. پيڭحۋ قالاسى شانتاڭ قىستاعىنداعى 69 جاستاعى قىستاق تۇرعىنى جاڭ يۋەميڭ بىلاي دەدى: ايەلىم قىستاق كاسىپورنىندا تازالىق ىستەيدى، ەكەۋىمىزدىڭ جىل سايىنعى جەردى اينالىمعا سالۋ قاراجاتىمىز بار، كونە كوشە بويىنداعى ءۇيدىڭ ماي اقىسى، شاعىن دۇكەننىڭ تيجارات كىرىسى سياقتىلاردى قوسقاندا تۇرمىسىمىز اجەپتاۋىر جاقسى.
كۇش بىرىكتىرىپ، ءبىرىن – ءبىرى تولىقتادى. ”ىرگەلەس پارتيا قۇرىلىسى“ 2 قىستاقتان شاڭحايداعى جينشان تاۋىنا، جىجياڭداعى جياشيڭگە دەيىن كەڭەيدى. 2019 - جىلى جينشان رايونى لاڭشيا قالاشىعى، لۇيجيە قالاشىعى، جاڭيان قالاشىعى جانە جياشيڭ پيڭحۋ قالاسى گۋاڭچىن قالاشىعى، شينساڭ قالاشىعى «چاڭجياڭ اتىراۋىنداعى ”باۋ - باقشالى 5 قالاشىق“ اۋىل - قىستاقتى گۇلدەندىرۋدە الدىمەن اتقارىلاتىن رايون 5 قالاشىق وداعىن بىرگە قۇرۋ كەلىسىمىنە» قول قويدى. 5 جىلدان بەرى 370 ءار تۇردەگى الدىمەن اتقارىلاتىن رايون قۇرىلىس نىسانى جاريالانىپ، جالپى 26 ميلليارد يۋاننان استام قارجى قوسىلدى.
چاڭجياڭ اتىراۋىن ءبىر تۇلعالاندىرىپ دامىتۋ ىشكەرىلەي ىلگەرىلەتىلىپ، ەكى قىستاق اراسىنداعى كوپىر اناعۇرلىم كوبەيدى –
2019 - جىلى كەڭەيتىپ سالىنعان، اۆتوموبيل قاتىناۋعا پايدالانىلاتىن شانتاڭ كوپىرىندە ”ءدالىز استىنداعى 2 - جول“ الەۋمەتتىك قاتىناسى ولكە، قالا اتتاپ جىجياڭنىڭ شانتاڭ قىستاعىنا جەتكىزىلدى، قىستاق تۇرعىندارى قىستاقتان الەۋمەتتىك قاتىناسقا وتىرىپ شاڭحاي جينشان تاۋىنا بارىپ ەمدەلىپ، ەمدەۋ قامسىزداندىرۋىنىڭ باسقا جەردە ەسەپ جابۋىنان يگىلىكتەنەتىن بولدى.
2021 - جىلى پايدالانۋعا بەرىلگەن ميڭيۋە كوپىرىنىڭ جاعالاۋىندا بەيزاتتىق مادەني مۇرالاردى تەكسەرۋ سارايى، ءتۇز اسحاناسى سياقتىلار جاڭادان سالىندى. زەرتتەۋ ـ ۇيرەنۋ ساياحاتى، جۇلدىزدى اسپان، اشىق لاگەر سياقتى جاڭا كاسىپ كۇيلەرى دامىپ، ساياحاتشىلاردىڭ مادەنيەت پەن ساياحاتتان يگىلىكتەنۋدىڭ تۇتىنۋىنىڭ جاڭا تالعامىنا اينالدى.
كوپىر ەكى شانتاڭدى تۇتاستىرىپ، پارتيا قۇرىلىسى دامۋدى جەبەدى. اۋىل ـ قىستاقتى جاپپاي گۇلدەندىرۋدى قول ۇستاسا ىلگەرىلەتىپ، بىرگە اۋقاتتانۋدى جەبەۋدىڭ سيمفونياسى وسى ارادا ورىندالۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
