جۇڭگو مەن گرۋزيانىڭ ءوزارا ۆيزاسىز كەلىسىمى 5 – ايدىڭ 28 – كۇنىنەن باستاپ كۇشكە يە بولادى
2024.04.30 14:43 كەلۋ قاينارى : حالىق تورابى
شينحۋا اگەنتتىگىنىڭ 4 – ايدىڭ 29 – كۇنى ماسكەۋدەن بەرگەن حابارى. تبيليسيدىڭ حابارى: جۇڭگونىڭ گرۋزيادا تۇراتىن باس ەلشىحاناسىنىڭ 4 – ايدىڭ 29 – كۇنگى حابارىنا قاراعاندا، جۇڭگو مەن گرۋزيانىڭ ادەتتەگى پاسپورتى بار ادامدارىنىڭ ءوزارا ۆيزاسىز بارىپ – كەلۋ كەلىسىمى 5 – ايدىڭ 28 – كۇنىنەن باستاپ كۇشكە يە بولادى.
جۇڭگونىڭ گرۋزيادا تۇراتىن باس ەلشىسى جوۋ چيان 4 – ايدىڭ 29 - كۇنى گرۋزيانىڭ ورىنباسار سىرتقى ىستەر مينيسترى حەۆديشيشۆيليگە حات تاپسىرۋ ارقىلى جۇڭگونىڭ «جۇڭگو مەن گرۋزيانىڭ ادەتتەگى پاسپورتى بارلاردىڭ ۆيزاسىن ءوزارا كەشىرىم ەتۋ جونىندەگى كەلىسىمىن» ەل ىشىندە تەكسەرىپ بەكىتۋ راسمياتىن ورىنداعاندىعىن تۇراقتاندىردى.
جوۋ چيان بىلاي دەدى: حات اۋىستىرۋ راسمياتىنىڭ ورىندالۋىنا بايلانىستى، جۇڭگو مەن گرۋزيا ءوزارا ادەتتەگى پاسپورتى بارلاردىڭ ۆيزاسىن كەشىرىم ەتۋ كەلىسىمى 5 – ايدىڭ 28 – كۇنىنەن باستاپ رەسمي كۇشكە يە بولادى. ول بىلاي دەدى: بۇل ‐ جۇڭگو مەن گرۋزيانىڭ ستراتەگيالىق سەرىكتەستىك قاتىناسىنىڭ تاعى ءبىر تابىسى، ەكى ەل ادامدارىنىڭ بارىس ـ كەلىسىنە اناعۇرلىم قولايلىلىق تۋدىرىپ، جۇڭگو مەن گرۋزيانىڭ ەكونوميكا، ساۋدا، مادەنيەت، ساياحات سياقتى سەلبەستىكتەرىن جەبەيدى.
حەۆديشيشۆيلي بىلاي دەدى: ۆيزاسىز كەلىسىم ەكى ەل حالقىنىڭ ءوزارا ءتۇسىنىسۋىن كۇشەيتىپ، گرۋزيا مەن جۇڭگونىڭ ستراتەگيالىق سەرىكتەستىك قاتىناسىنىڭ ۇزدىكسىز دامۋىن ىلگەرىلەتەدى. وسى كەلىسىم بويىنشا جۇڭحۋا حالىق رەسپۋبليكاسىنىڭ كۇشكە يە ادەتتەگى پاسپورتى نەمەسە گرۋزيانىڭ كۇشكە يە ادەتتەگى پاسپورتى ارقىلى شارت جاساسقان ەندى ءبىر جاقتىڭ شەكارادان كىرۋى، شەكارادان شىعۋى نەمەسە شەكاردان ءوتۋى ءبىر رەتتە 30 كۇننەن اسپاسا، ءار 180 كۇندەگى جالپى ايالداعان كۇنى 90 كۇننەن اسپاسا ۆيزا اشتىرۋىنىڭ قاجەتى جوق.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
