«شي جينپيڭ: ”ءبىر بەلدەۋ، ءبىر جول“ جونىندەنىڭ» اراب تىلىندەگى باسىلىمىن تانىستىرۋ ءماجىلىسى ابۋدابيدە وتكىزىلدى
2024.04.30 15:55 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 29 – كۇنى، ابۋدابي، (ءتىلشى سۋ شياۋپو). «شي جينپيڭ: ”ءبىر بەلدەۋ، ءبىر جول“ جونىندەنىڭ» اراب تىلىندەگى باسىلىمىن تانىستىرۋ ءماجىلىسى 4 - ايدىڭ 29 - كۇنى اراب بىرىككەن امىرلىگىنىڭ استاناسى ابۋدابيدە وتكىزىلدى، جۇڭگو مەن اراب بىرىككەن امىرلىگىنىڭ ءار سالا ۋاكىلدەرىنەن 100دەن استام ادام ماجىلىسكە قاتىناستى.
اراب بىرىككەن امىرلىگى ابۋدابي اراب ءتىلى ورتالىعىنىڭ مەڭگەرۋشىسى الي بين تاميم ارناۋ سوزىندە مىنانى ءبىلدىردى: ”ءبىر بەلدەۋ، ءبىر جول“ − 21 - عاسىرداعى ەڭ ۇلى باستامالاردىڭ ءبىرى، كەڭ پەيىلدىلىك پەن تەڭ يگىلىككە كەنەلۋ سىندى قۇن كوزقاراسى جۇلگەسىندە، «شي جينپيڭ: ”ءبىر بەلدەۋ، ءبىر جول“ جونىندە» قازىرگى زامانعى جىبەك جولىنداعى ماياك ىسپەتتى، تۇرلىشە وركەنيەت اراسىنداعى تىلدەسۋدى جەبەپ، اراب ەلدەرى مەن جۇڭگو حالقىنىڭ بايلانىسىن قويۋلاتتى، مۇنىڭ ىشىندە ادامزاتتىڭ ءبىلىم جانە مادەنيەت اۋىس - كۇيىسىنىڭ قازىناسى قامتىلىپ، ەكى ەل اراسىنداعى دوستىق پەن گۇلدەنۋگە ۇزدىكسىز دەم بەرەدى.
اراب بىرىككەن امىرلىگى اۋقىم زەرتتەۋ ورتالىعىنىڭ مەڭگەرۋشىسى مۇحاممەد الي ارناۋ سوزىندە مىنانى ءبىلدىردى: ”ءبىر بەلدەۋ، ءبىر جول“ باستاماسى − ءتوراعا شي جينپيڭ العا قويعان ەڭ ماڭىزدى دۇنيە جۇزىلىك باستامالاردىڭ ءبىرى. «شي جينپيڭ: ”ءبىر بەلدەۋ، ءبىر جول“ جونىندە» كىتابى وسكەلەڭ نازاريالىق جانە امالياتتىق سيپاتقا يە. اراب بىرىككەن امىرلىگى دۇنيە ءجۇزى ساۋداسىن تۇتاستىراتىن ماڭىزدى بۋىن رەتىندە، ”ءبىر بەلدەۋ، ءبىر جولدىڭ“ توعىسۋ تۇيىنىنە ورنالاسقان، ”ءبىر بەلدەۋ، ءبىر جولدى“ بىرگە قۇرۋ جاعىندا باستان - اياق ماڭىزدى رول اتقارىپ كەلەدى.
جۇڭگو شەتەل تىلدەرى مەكەمەسىنىڭ باستىعى دۋ جانيۋان ارناۋ سوزىندە مىنانى ءبىلدىردى: «شي جينپيڭ: ”ءبىر بەلدەۋ، ءبىر جول“ جونىندەنىڭ» اراب تىلىندەگى نۇسقاسىنا ءتوراعا شي جينپيڭنىڭ ”ءبىر بەلدەۋ، ءبىر جول“ قۇرىلىسى جونىندەگى ماڭىزدى ماقالالارى ەنگىزىلىپ، وسى كەلەلى باستامانىڭ دامۋ جەلىسى، باي مازمۇنى جانە امالياتتىق جولى جاندى دا ەگجەي - تەگجەيلى ەستەلىككە الىنىپ، اراب وقىرماندارىنىڭ ”ءبىر بەلدەۋ، ءبىر جول“ باستاماسىن تۇسىنۋىنە جانە تانۋىنا بەدەلدى وقۋلىق ازىرلەدى.
تانىستىرۋ ءماجىلىسىن جۇڭگو شەتەل ءتىلى مەكەمەسى، جۇڭگونىڭ اراب بىرىككەن امىرلىگىندە تۇراتىن باس ەلشىحاناسى ۇيىمداستىردى، اراب بىرىككەن امىرلىگىنىڭ ابۋدابي اراب ءتىلى ورتالىعى سەلبەسىپ وتكىزدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
