شي جينپيڭ جاڭا ءداۋىر جاستارىنا ءۇمىت ارتىپ، بىلاي دەپ باسا دارىپتەدى
جۇڭگو ۇلگىسىندەگى وسىزامانداندىرۋ ءۇشىن كەۋدە كەرە جاۋاپكەرشىلىك ارقالايتىن جاستىق تاراۋىن قۇلشىنا جازۋ كەرەك
بۇكىل ەلدەگى قالىڭ جاستاردىڭ مەرەكەسىن قۇتتىقتادى جانە ولارعا شىنايـى سالەم جولدادى
2024.05.06 16:30 كەلۋ قاينارى : شينجياڭ گازەتى
شينحۋا اگەنتتىگىنىڭ 5 ـ ايدىڭ 3 ـ كۇنى بەيجيڭنەن بەرگەن حابارى. 4 ـ مامىر جاستار مەرەكەسى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ جاستاردىڭ مەرەكەسىن قۇتتىقتادى جانە ولارعا شىنايى سالەم جولدادى.
شي جينپيڭ بىلاي دەپ اتاپ كورسەتتى: جاڭا داۋىردەگى جاڭا جورىقتا بۇكىل ەلدەگى ءار ۇلت جاستارى پارتيا مەن حالىقتىڭ ۇندەۋىنە ءۇن قوسىپ، عىلىم ـ تەحنيكادا جاڭالىق اشۋ، اۋىل ـ قىستاقتى گۇلدەندىرۋ، جاسىل دامۋ، قوعامدىق قىزمەت وتەۋ، وتاندى قورعاپ شەكارانى كۇزەتۋ سياقتى ءار سالا، ءار جاقتا باتىلدىقپەن اتويشى جانە جالىندى كۇش بولىپ، وزىنە سەنۋ، ءوزىن الۋەتتەندىرۋ، قايسار، ىسكەر بولۋ سىندى رۋحاني بەت ـ بەينەنى ايگىلەدى. پارتيا ورتالىق كوميتەتى قالىڭ جاستارعا تولىق سەنەدى، زور ءۇمىت ارتادى!
شي جينپيڭ بىلاي دەپ باسا دارىپتەدى: بيىل جاڭا جۇڭگو قۇرىلعاندىعىنىڭ 75 جىلدىعى، 4 ـ مامىر قوزعالىسىنىڭ 105 جىلدىعى. قالىڭ جاستار 4 ـ مامىر رۋحىنا مۇراگەرلىك ەتىپ جانە ونى ساۋلەلەندىرىپ، بۇلجىماي پارتيانىڭ سوزىنە قۇلاق اسىپ، پارتياعا ىلەسىپ، ارمانشىل، باتىل جاۋاپكەرشىلىك ارقالايتىن، جاپا ـ ماشاقاتقا شىدامدى، كۇرەس جۇرگىزۋگە پەيىل جاڭا ءداۋىردىڭ جاقسى جاستارى بولۋعا تالپىنىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ۇلى ءىسىن ىلگەرىلەتۋ بارىسىندا جاستىق ىسكەرلىگىن ايگىلەپ، جاستىق كەلبەتىن كورسەتىپ، جاستىق كۇش ـ قۋاتىن ارناپ، جۇڭگو ۇلگىسىندەگى وسىزامانداندىرۋ ءۇشىن كەۋدە كەرە جاۋاپكەرشىلىك ارقالايتىن جاستىق تاراۋىن قۇلشىنا جازۋى كەرەك.
شي جينپيڭ بىلاي دەپ اتاپ كورسەتتى: ءار دارەجەلى پارتيا ۇيىمى جاستاردى پارتيا باسقارۋ قىزمەت پرينسيبىنە تاباندى بولىپ، جاستار قىزمەتىنە باسشىلىقتى كۇشەيتىپ، جاستاردىڭ ەسەيىپ ـ ەرجەتۋىنە كوڭىل ءبولىپ، قالىڭ جاستاردىڭ ەڭبەك ءسىڭىرىپ، ەسە قوسۋىنا قولداۋ كورسەتۋى كەرەك. كوممۋنيستىك جاستار وداعى جاڭا داۋىردەگى جاڭا جورىقتا پارتيا جۇكتەگەن بورىش ـ مىندەتتى ارقالاپ، تاڭداۋلى ءداستۇردى جالعاستىرىپ، ساۋلەلەندىرىپ، قالىڭ جاستاردى پارتيا مەن حالىق ىستەرى ءۇشىن قاجىماي ـ تالماي كۇرەس جۇرگىزۋگە ىنتىماقتاستىرۋى، ۇيىستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
