قازىنا مينيسترلىگى مىندەتتى وقۋ - اعارتۋ قاراجاتىن قامتاماسىزداندىرۋ ورەسىن بەكەمدەدى جانە جوعارىلاتتى
2024.05.08 14:51 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 7 – كۇنى بەيجيڭنەن بەرگەن حابارى. قازىنا مينيسترلىگى جۋىردا 158 ميلليارد 200 ميلليون يۋان قارجى ءتۇسىردى، الدىڭعى جىلداعىدان 2 ميلليارد 300 ميلليون يۋان ارتتىرىپ، جەرگىلىكتى ورىنداردىڭ قالا مەن اۋىلدىڭ بىرلىككە كەلگەن، اۋىل ـ قىستاقتى ءتۇيىن ەتەتىن مىندەتتى وقۋ ـ اعارتۋ قاراجاتىن قامتاماسىزداندىرۋ مەحانيزمىن ونان ارى بەكەمدەۋىنە جانە كەمەلدەندىرۋىنە جەتەكشىلىك ەتتى جانە قولداۋ كورسەتتى.
بۇل ءتىلشىنىڭ 5 – ايدىڭ 7 - كۇنى قازىنا مينيسترلىگىنەن ۇعىسقان حابارى.
تانىستىرۋعا قاراعاندا تۇسىرىلگەن قارجىنى ءۇش جاقتان پايدالانۋعا كۇش سالىنادى ەكەن: ءبىرىنشى، وتباسىندا ەكونوميكالىق قيىنشىلىعى بار وقۋشىلاردىڭ تۇرمىستىق قوسىمشا قاراجات ولشەمى جوعارىلاتىلادى. 2024 - جىلى كوكتەمگى وقۋ ماۋسىمىنان باستاپ وتباسىندا ەكونوميكالىق قيىنشىلىعى بار، جاتاقتا جاتىپ وقيتىن وقۋشىلاردىڭ تۇرمىس كومەك قاراجاتىنىڭ مەملەكەت نەگىزدىك ولشەمىن جوعارىلاتىپ، جىلىنا باستاۋىش مەكتەپ وقۋشىلارىنا 1000 يۋاننان 1250 يۋانعا جوعارىلاتادى، ورتالاۋ مەكتەپ وقۋشىلارىنا 1250 يۋاننان 1500 يۋانعا جوعارىلاتادى؛ وتباسىندا ەكونوميكالىق قيىنشىلىعى بار، جاتاقتا جاتىپ وقىمايتىن وقۋشىلارعا بەرىلەتىن تۇرمىستىق قوسىمشا قاراجات ولشەمى جالعاستى جاتاقتا جاتىپ وقيتىن وقۋشىلاردىڭ تۇرمىس كومەك قاراجاتىنىڭ مەملەكەت نەگىزدىك ولشەمىنىڭ %50 ى بويىنشا بەرىلەدى. مەجەمەن بۇكىل ەل بويىنشا 20 ميلليوننان استام وقۋشى تۇرمىستىق كومەك قاراجاتقا يە بولادى.
ەكىنشى، اۋىل - قىستاق مەكتەپتەرىنىڭ مەكتەپ ۇيلەرىن جوندەۋ، قايتا سالۋعا كومەك قاراجات بەرۋ تەبىنىن ارتتىرادى. 2024 - جىلدان باستاپ اۋىل - قىستاق مەكتەپتەرىنىڭ مەكتەپ ۇيلەرىنىڭ بىرلىك جەر اۋدانى قوسىمشا قاراجاتىن ەسەپتەۋ ولشەمىن جوعارىلاتتى، شىعىس، ورتا بولەكتەگى رايوندار ءار شارشى مەترىنە 800 يۋاننان 1100 يۋانعا، باتىس بولەكتەگى رايوندار ءار شارشى مەترىنە 900 يۋاننان 1200 يۋانعا جوعارىلاتتى ءارى ءۇستىرتتى، سۋىق، تەڭىز دەڭگەيىنەن بيىك رايونداردىڭ ەسەپتەۋ ولشەمىن لايىقتى جوعارىلاتىپ، اۋىل - قىستاق مەكتەپتەرىنىڭ مەكتەپ ۇيلەرىن جوندەۋ، جاڭالاۋدا جەر سىلكىنىسىنە ءتۇزىمدى بولۋ، بەكەمدەۋ قاجەتىن اناعۇرلىم ويداعىداي قاناعاتتاندىرادى.
ءۇشىنشى، ولقىلىقتاردى، ءالسىز تۇستاردى جەدەل تولىقتاۋدى قولدايدى. قوسىمشا قاراجاتتىڭ ورنىنا سيلىق بەرۋ ءتاسىلى ارقىلى جەرگىلىكتى ورىنداردىڭ اۋىل - قىستاق وقىتۋشىلارىنىڭ تۇرمىستىق قوسىمشا قاراجات ساياساتىن ويداعىداي تياناقتاندىرۋىنا قولداۋ كورسەتىپ، اۋىل - قىستاق جاتاقتى مەكتەپتەرىنىڭ وقىتۋ شارت – جاعدايى قاتارلىلاردى جەدەل جاقسارتادى.
قازىنا مينيسترلىگى بىلاي دەدى: كەلەسى قادامدا جاڭا جاعداي، جاڭا تالاپقا ساي، ساياساتتىق شارالاردى يكەمدى رەتتەپ جانە كەمەلدەندىرىپ، قوسىلىم تەبىنىن ۇزدىكسىز ارتتىرىپ، جەرگىلىكتى ورىنداردىڭ مىندەتتى وقۋ – اعارتۋدىڭ ساپالى، بىركەلكى دامۋىن جانە قالا مەن اۋىلدىڭ ءبىر تۇلعالانۋىن جەدەل ىلگەرىلەتۋىنە قولداۋ كورسەتەمىز جانە جەتەكشىلىك ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
