بيىل ەلىمىز بويىنشا ارناۋلى قىزمەت ورنى بويىنشا 37 مىڭ وقىتۋشى قابىلداۋ جوسپارلاندى
ەڭبەكاقى سيپاتىنداعى قوسىمشا قاراجات جالعاستى تاراتىلادى ءارى قوسىمشا قاراجات ولشەمى جوعارىلاتىلادى
2024.05.14 16:45 كەلۋ قاينارى : حالىق تورابى
حالىق گازەتىنىڭ ءتىلشىسى حۋاڭ چاۋ 5 – ايدىڭ 13 – كۇنى بەيجيڭنەن حابارلايدى. وقۋ – اعارتۋ مينيسترلىگىنىڭ كەڭسە مەڭگەرمەسى مەن قازىنا مينيسترلىگىنىڭ كەڭسە مەڭگەرمەسى «2024 – جىلى اۋىل – قىستاقتارداعى مىندەتتى وقۋ – اعارتۋ كەزەڭىندەگى مەكتەپتەردە وقىتۋشىلارعا ارناۋلى ورنالاستىرىلعان قىزمەت ورنى جوسپارىن اتقارۋ قىزمەتىن ويداعىداي ىستەۋ جونىندەگى ۇقتىرۋدى» بىرگە باسىپ تاراتتى، مەملەكەت بويىنشا ارناۋلى قىزمەت ورنى بويىنشا 37 مىڭ وقىتۋشى قابىلداۋدى جوسپارلادى. ورتالىق قازىنا ”ارناۋلى قىزمەت ورنى جوسپارى“ بويىنشا قابىلدانعان وقىتۋشىلارعا ەڭبەكاقى سيپاتىنداعى قوسىمشا قاراجاتتى جالعاستى تاراتادى، 2024 – جىلى 1 – ايدىڭ 1 – كۇنىنەن باستاپ، ارناۋلى قىزمەت ورنى بويىنشا قابىلدانعان وقىتۋشىلاردىڭ ەڭبەكاقى سيپاتىنداعى قوسىمشا قاراجاتىنىڭ ولشەمى جوعارىلاتىلادى، ورتا بولىكتەگى وڭىرلەردە جىلىنا ءار ادامعا ورتا ەسەپپەن 35 مىڭ 200 يۋاننان 38 مىڭ 800 يۋانعا جوعارىلاتىلادى، باتىس بولىكتەگى وڭىرلەردە 38 مىڭ 200 يۋاننان 41 مىڭ 800 يۋانعا جوعارىلاتىلادى.
2024 – جىلعى ”ارناۋلى قىزمەتى ورنى جوسپارى“ ءالى دە ورتا، باتىس بولىكتەگى ولكەلەرگە باعىتتالادى؛ جوعارى مەكتەپتەن وقۋ تاۋىسقانداردى اۋىل – قىستاقتاعى مەكتەپتەرگە بارىپ وقىتۋشى بولۋعا جەتەلەيدى ءارى شابىتتاندىرادى، ءمورال جانە زاڭمەن جونگە سالۋ، دەنە تاربيە جانە دەنساۋلىق، شەتەل ءتىلى، عىلىم، ەڭبەك، كوركەمونەر، ينفورماتسيا تەحنيكاسى، پسيحولوگيالىق سالاماتتىق، ەرەكشە وقۋ – اعارتۋ قاتارلى وقىتۋشى كەمشىل بولىپ وتىرعان پاندەر بويىنشا وقىتۋشى تولىقتايدى؛ شارتقا ۇيلەسەتىن اسكەري مىندەتتەن بوساعانداردىڭ ورتا، باستاۋىش مەكتەپتەرگە بارىپ وقىتۋشى بولۋىنا قولداۋ كورسەتەدى ءارى ولاردى شابىتتاندىرادى، اسكەري مىندەت وتەگەن مەرزىمى قاتارلى فاكتورلاردى جان – جاقتى ويلاستىرا وتىرىپ، اسكەري مىندەتتەن بوساعاندارعا سايكەستى جاس شەكتەمەسىن جوعارىلاتۋعا بولادى؛ ”قوس ۇزدىك“ قۇرىلىسىنداعى جوعارى مەكتەپتەردى ۋاكىل ەتكەن جوعارى ورەدەگى جوعارى مەكتەپتەردى اۋىل – قىستاقتاعى مەكتەپتەرگە جوعارى مەكتەپتەن وقۋ تاۋىسقان ۇزدىك ستۋدەنتتەردى جىبەرۋگە شابىتتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
