وقۋ – اعارتۋ مينيسترلىگى: بارلىق وقىتۋشىلار مەن وقۋشىلارعا باعىتتامالى تۇردە پسيحولوگيالىق جاقتاعى سالاماتتىق جونىندە ءتالىم – تاربيە ورىستەتىلەدى
2024.05.14 16:48 كەلۋ قاينارى : حالىق تورابى
ءتىلشىنىڭ 5 – ايدىڭ 13 – كۇنى وقۋ – اعارتۋ مينيسترلىگىنەن ۇعىسۋىنشا، «مەملەكەت بويىنشا تۇڭعىش رەت وقۋشىلارعا پسيحولوگيالىق جاقتاعى سالاماتتىق تۋرالى ۇگىت جۇرگىزۋ جانە ءتالىم – تاربيە بەرۋ ايى قيمىلىن ورىستەتۋ جونىندەگى ۇقتىرۋدى» جۋىردا باسىپ تاراتىپ، بيىل 5 – ايدا تۇڭعىش رەت ۇگىت جۇرگىزۋ جانە ءتالىم – تاربيە بەرۋ ايى قيمىلىن ورىستەتۋدى، بەس ءتۇرلى ءتالىم – تاربيەنى قاتار ورىستەتۋدى جاپپاي تياناقتاندىرۋ ارقىلى پسيحولوگيالىق جاقتاعى سالاماتتىق تانىمىن ىلگەرىلەتۋدى، بارلىق وقىتۋشى – وقۋشىلارعا باعىتتامالى تۇردە پسيحولوگيالىق جاقتاعى سالاماتتىق جونىندەگى ءتالىم – تاربيەنى ورىستەتۋدى ماقۇلداعان.
ۇقتىرۋدا مىنالار تالاپ ەتىلگەن: جەر – جەردەگى وقۋ – اعارتۋدى اكىمشىلىك جاقتان باسقارۋ تاراۋلارى مەن مەكتەپتەر بالالار باقشالارىنىڭ سابيلەردىڭ پسيحولوگيالىق جاقتان جەتىلۋ قاجەتىنە نازار اۋدارىپ، سابيلەردىڭ ىنتالى كوڭىل – كۇيدى ساقتاۋىنا شارت – جاعداي جاراتۋىنا جەتەكشىلىك ەتۋى كەرەك. ورتا، باستاۋىش مەكتەپتەردىڭ وقۋشىلاردىڭ بەلسەندى دە ءۇمىتتى، سالاماتتى دا تالپىنعىش پسيحولوگيالىق ساپاسىن جەتىلدىرۋگە ءمان بەرۋىنە جەتەكشىلىك ەتۋ كەرەك. ورتا دارەجەلى كاسىپتىك مەكتەپتەر مەن جوعارى مەكتەپتەر وقۋشىلاردىڭ پسيحولوگيالىق جاقتان سايكەسۋ قابىلەتىن جوعارىلاتۋىنا، وقۋشىلاردىڭ دەربەس ءارى تالپىنعىش، كاسىپكە شوگەل ءارى ۇيىرسەك پسيحولوگيالىق ساپاسىن جەتىلدىرۋىنە، پسيحولوگيالىق جاقتا تاماشا سالاماتتى كۇيىن ساقتاي الاتىن بولۋىنا، كاسىپكە اناعۇرلىم ويداعىداي سايكەسە الاتىن بولۋىنا، قوعامعا ۇيلەسە الاتىن بولۋىنا ءمان بەرۋىنە جەتەكشىلىك ەتۋى كەرەك. اتا – اناسى سىرت جەرگە كەتكەن بالالاردىڭ، سىرت جەردەن كوشىپ كەلگەن بالالاردىڭ پسيحولوگيالىق جاقتاعى سالاماتتىق جاعدايىنا ءمان بەرىپ، قاجەتتى بولعاندا پسيحولوگيالىق جاقتا جول كورسەتۋ جانە كومەك بەرۋ قاجەت.
ۇقتىرۋعا ساي، جەر – جەردەگى وقۋ – اعارتۋدى اكىمشىلىك جاقتان باسقارۋ تاراۋلارى مەن مەكتەپتەر وقىتۋشىلاردى تاربيەلەۋدى كۇشەيتۋى، ءارقايسى پاننەن ساباق بەرەتىن وقىتۋشىلاردىڭ پسيحولوگيالىق جاقتاعى بىلىمدەردى ۇيرەنۋىنە جانە يگەرۋىنە كومەكتەسۋى، پاندەردى وقىتۋ بارىسىندا وقۋشىلاردىڭ پسيحولوگيالىق جاقتاعى سالاماتتىعىن قورعاۋعا ءمان بەرۋى، وقۋشىلاردىڭ فيزولوگيالىق، پسيحولوگيالىق جاقتارىندا سالامات بولۋىن، جان – جاقتى جەتىلۋىن ىلگەرىلەتۋى كەرەك. (ءتىلشى ۋاڭ پىڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
