جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن ءبىر توپ تىرەكتى دارىندىلاردى جەتىلدىرەيىك (باس شۋجيدىڭ حالىققا ىنتا - ىقىلاسى)
«حالىق گازەتىنىڭ» تىلشىلەرى جاۋ ىنا، ۋ دان
2024.05.14 17:27 كەلۋ قاينارى : حالىق تورابى
بيىل 3 - ايدىڭ 18 - كۇنى تۇستەن كەيىن كوكتەم جاڭبىرى تولاسسىز جاۋىپ تۇردى، باس شۋجي شي جينپيڭ حۋناندا قىزمەت تەكسەرگەن ءبىرىنشى بەكەتتە حۋنان 1 - پەداگوگيكا شۋەيۋانىنا (چىڭنان كىتاپحاناسىنىڭ مەكتەپ رايونى) كەلدى. باس شۋجي شي جينپيڭ بىلاي دەپ باسا دارىپتەدى: ”قازىر دۇنيە ءجۇزى 100 جىلدا بولماعان زور وزگەرىس جاعدايىندا تۇر، ەلىمىز جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، زامانىمىزداعى جاس وقۋشىلار ءوز رولىن ساۋلەلەندىرۋدىڭ دەر شاعىندا تۇر. وسى كەزدە ءبىز وقۋ - اعارتۋدى ويداعىداي باسقارىپ، وقۋشىلاردى ويداعىداي تاربيەلەپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ءۇشىن ءبىر توپ تىرەكتى دارىندىلاردى جەتىلدىرۋگە ءتىپتى دە مىندەتتىمىز“.
ىقىلاستى ءتالىم، ىقىلاستى تاپسىرما باستان - اياق جالعاسىپ كەلەدى.
شاڭحايدا قىزمەت ىستەگەن كەزىندە، شي جينپيڭ جولداس شارۋا جۇمىسكەرلەردىڭ پەرزەنتتەرى مەكتەبىندەگى بالالارعا امانداسا باردى. 2010 - جىلى بالالار ورتالىقتا قىزمەت ىستەپ جاتقان شي جينپيڭ جولداسقا حات جازىپ، ۇيرەنۋ، تۇرمىس جاعدايىنان مالىمەت بەردى. شي جينپيڭ جولداس ارنايى جاۋاپ حات جازىپ، بالالاردى ”ورەندەر جىگەرلى بولسا، مەملەكەتتەن ءۇمىت كۇتۋگە بولادى“ دەپ شابىتتاندىردى.
”ادام ومىرىندەگى ەڭ ماڭىزدى مۇرات − وتانمەن جانە حالىقپەن بايلانىستى بولۋ“، 2015 - جىلى ”1 - ماۋسىم“ حالىقارالىق بالالار مەرەكەسى قارساڭىندا، باس شۋجي شي جينپيڭ جۇڭگو پيونەرلەر وتريادى مەملەكەتتىك 7 - قۇرىلتايىنىڭ بارلىق ۋاكىلىمەن ىقىلاسپەن كەزدەسكەندە، ”قىزىل گالستۋككە“ ءومىردىڭ العا باسۋ بەتالىسىن ايقىنداپ بەردى.
”جاستار مەن ورەندەردى شىن مانىندە ’ءتورت سەنىمگە‘ يە بالالار ەتىپ جەتىلدىرىپ شىعۋ كەرەك“. 2023 - جىلعى مەملەكەتتىك ەكى ءماجىلىس كەزىندە باس شۋجي شي جينپيڭ جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقاندا وقۋ - اعارتۋ قىزمەتكەرلەرىن وسىلاي شابىتتاندىردى.
ادام تاربيەلەۋ ۇزاق جىلدار بويى ەڭبەكتەنۋدى قاجەت ەتەدى. 2023 – جىلى 4- ايدىڭ 4 – كۇنى، بەيجيڭ قالاسىنىڭ ماڭىنداعى بايتاق دالادا كوكتەم جاڭبىرى جاۋىپ تۇر. باس شۋجي شي جينپيڭ جاڭبىرلىق كيىپ، كۇرەكتى الىپ اعاش ەگۋ ورنىنا قاراي ءجۇردى. باس شۋجي شي جينپيڭ ءبىر جاعىنان ەڭبەك ىستەپ، ەندى ءبىر جاعىنان بالالارعا اعاش ەگۋ ءادىسىن ۇيرەتتى ءارى بالالارمەن ۇيرەنۋ، تۇرمىس جاعدايى جونىندە اڭگىمەلەستى. باس شۋجي شي جينپيڭ بىلاي دەپ باسا دارىپتەدى: بالا تاربيەسى اعاش ەگۋمەن ۇقساس، باستابىندا تىك وتىرعىزۋ كەرەك، ويتپەگەندە قيسىق بولىپ وسەدى.
جىلى سوزدەردە جاس وسپىرىمدەرگە كوڭىل ءبولۋ، قامقورلىق جاساۋ، ونان دا ماڭىزدىسى، ۇلكەن پارتيانىڭ، ۇلكەن ەل كوسەمىنىڭ جۇڭحۋا ۇلتىنىڭ باياندى دامۋى جونىندەگى تەرەڭ تولعانىسى قامتىلىپ جاتتى.
وقۋ - اعارتۋ − مەملەكەتتىڭ زور ءىسى، پارتيانىڭ زور ءىسى. فۋجياندا قىزمەت ىستەگەن كەزدە شي جينپيڭ جولداس: ”وقۋ - اعارتۋدى شىن مانىندە اتويشى ورىنعا قويۋ كەرەك“ دەپ باسا دارىپتەگەن بولاتىن.
1989 - جىلى جازدىڭ ءبىر كۇنى، سول كەزدە فۋجيان ولكەسى نيڭدىفۋ انبانجۇڭ شىزۋ ۇلتتىق اۋىلى دالين قىستاعى پارتيا ياچەيكاسىنىڭ شۋجيى جۇڭ تۇڭدي اتىزدا ەڭبەك ىستەپ جاتقان ەدى، الىستان ءۇش بەيتانىس ادامنىڭ قىستاققا قاراي كەلە جاتقانىن كوردى. ورتاسىندا قارا تەرگە مالشىنعان جاس جىگىت ءجۇر. كاسىپتەستەرىنىڭ تانىستىرۋىنشا، ول ايماقتىق پارتكومنىڭ شۋجيى شي جينپيڭ جولداس ەكەن، قىستاققا كەلىپ احۋال ۇعىسىپ ءجۇرىپتى.
قىستاقتاعى باستاۋىش مەكتەپتە ءبىر عانا ەسكى تام ءۇي بار ەكەنىن، بالالاردىڭ كيىم - كەشەگىنىڭ توزىعى جەتكەنىن كورگەن شي جينپيڭ جولداستىڭ كوڭىلى جاي تابا المادى. كوپ وتپەي شي جينپيڭ جولداس دالين قىستاعىنا 60 مىڭ يۋان قارجى بەكىتىپ، جول جاساتىپ، ساباقحانا سالدىردى...
”مەن كوپتەگەن اۋىل - قىستاققا باردىم، كوپتەگەن ەسكى مەكتەپ ۇيلەرىن كورىپ، بايىز تاپپادىم“. 1990 - جىلى 2 - ايدا شي جينپيڭ جولداس «ءبىز وقۋ - اعارتۋدى قالاي جاقسى باسقارۋىمىز كەرەك» دەگەن ماقالاسىندا بىلاي دەپ جازدى: ”وقۋ - اعارتۋ ماسەلەسىندە ’كۇتىپ تۇرۋعا‘ استە جول بەرىلمەيدى“.
سول سياقتى كۇتىپ تۇرۋعا بولمايتىنى، ”5 مىڭ جىلدىق جۇڭحۋانىڭ ءداستۇرلى مادەنيەتىنەن تاڭداۋلى نارسەلەردى قابىلداۋعا شەبەر بولۋ، سونىمەن بىرگە باتىس وركەنيەتىنىڭ جەتىستىكتەرىنەن دە بەزبەۋ“ ارقىلى جاستار مەن ورەندەردىڭ جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن كۇشەيتۋ كەرەك.
2014 - جىلى اۋمىن داشۋەسى حىڭچين مەكتەپ رايونىندا باس شۋجي شي جينپيڭ وقۋشىلارمەن بىرگە ۇستەلدىڭ جانىندا وتىرىپ، تاڭداۋلى ءداستۇرلى مادەنيەتتى ساۋلەلەندىرۋ جونىندە اسەر ءبولىسىپ، ءوز باسىنان ونەگە كورسەتتى: مەن جاس ءوسپىرىم كەزىمدە جۇڭحۋا مادەنيەتىنىڭ كلاسسيكالىق شىعارمالارىن وقۋدى ەرەكشە ۇناتاتىنمىن، از – ازدان جالىقپاي ۇيرەندىم. كۇنى بۇگىنگە دەيىن قولىم بوساي قالسا - اق كىتاپ وقيمىن، ءار جولى كىتاپ وقۋدىڭ پايداسىن سەزىنەمىن. جۇڭحۋا مادەنيەتىنىڭ تاريحى ۇزاق، مازمۇنى تەرەڭ، بەينە ءبىر اسىل قازىنا سياقتى، ونىڭ سىرىن اشساق، ءومىر بويى يگىلىگىن كورەمىز.
2018 - جىلى بەيجيڭ داشۋەسىندە باس شۋجي شي جينپيڭ وقۋشىلارمەن بىرگە كىتاپ وقۋدان العان اسەرىن اڭگىمەلەدى: ”كىتاپ وقۋ بارىسىندا ۇزدىكسىز قايتا قاداعالاۋ ارقىلى تەرىسكە شىعارۋدى تەرىسكە شىعارۋ، كونەنى ەسكە الىپ، جاڭانى ءبىلۋ دارەجەسىنە جەتىپ، بىرتە - بىرتە ماركسيزم − شىنىمەن اقيقات، جۇڭگو كوممۋنيستىك پارتياسىنىڭ باسشىلىعى − شىنىمەن حالىقتىڭ تالعامى، تاريحتىڭ تالعامى، ءبىز جۇرگەن سوتسياليزم جولى − شىنىمەن باسىپ وتۋگە ءتيىستى جول ەكەنىن اڭعاردىم. ءوزىمىز وي جۇگىرتۋ، تانۋ ارقىلى شىعارىلعان مۇنداي قورىتىندىدان اۋىتقىمايمىز“.
2022 - جىلى تايحاڭشان تاۋى قويناۋىنداعى بالالار دۇنيە جۇزىلىك ساحناعا شىقتى. بەيجيڭ قىسقى وليمپيادا سپورت جارىسىنىڭ اشىلۋ سالتىندا حىبەي ولكەسى فۋپيڭ اۋدانى مالانحۋا بالالار حور ۇيىرمەسىنەن كەلگەن 44 بالا گرەك تىلىندە وليمپيادا ءانىن شىرقادى. اسەم ءان اۋەنى دۇنيە جۇزىنە جۇڭگو جاس وسپىرىمدەرىنىڭ شۇعىلالى سەنىمىن سەزىندىردى. ورەندەر قۇدىرەتتەنسە، مەملەكەت قۇدىرەتتەنەدى، ورەندەر العا باسسا، مەملەكەت العا باسادى.
2021 - جىلى 7 - ايدىڭ 1 - كۇنى تۇستەن بۇرىن جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسى بەيجيڭدەگى تيان - انمىن الاڭىندا سالتاناتپەن وتكىزىلدى.
تيان - انمىن الاڭىندا جالىندى دا جىگەرلى جاستار مەن ورەندەر كەۋدەلەرىنە جارقىراعان وداق زناگى مەن جايناعان قىزىل گالستۋك تاعىپ تۇر. بەيجيڭدەگى ءارقايسى جوعارى مەكتەپتەردەن جانە ورتا، باستاۋش مەكتەپتەردەن كەلگەن كوممۋنيستىك جاستار وداعى مۇشەلەرى جانە پيونيەرلەر ۋاكىلدەرى پارتيانىڭ 100 جاسقا كىرگەن تۋىلعان كۇنىنە تەرەڭ تىلەك ءبىلدىردى. ”پارتيا، الاڭسىز بولىڭىز، مەملەكەتتى قۇدىرەتتەندىرۋدە ءبىز بارمىز“ دەگەن ايبىندى سەرت تيان - انمىن الاڭىن جاڭعىرتىپ، اسقاق سەنىممەن جاستىق كوكتەمنىڭ كۇش - قۋاتىن تاسقىنداتتى.
”بولاشاق جاستارعا ءتان، ءۇمىت جاستارعا ءتان“. باس شۋجي شي جينپيڭ قۇتتىقتاۋ جينالىسىندا ماڭىزدى ءسوز سويلەپ بىلاي دەپ اتاپ كورسەتتى: "جاڭا داۋىردەگى جۇڭگو جاستارى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى ءوز مىندەتى ەتىپ، جۇڭگولىق بولۋ جىگەرىن، جالىنىن، سەنىمىن كۇشەيتىپ، ءداۋىردىڭ ءۇمىتىن اقتاۋى، ەسىل شاقتاردىڭ ءۇمىتىن اقتاۋى، پارتيا مەن حالىقتىڭ ىقىلاستى ءۇمىتىن اقتاۋى كەرەك!“
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
