الدىڭعى 4 ايدا جۇڭگو - ەۆروپا كەزەكشى پويەزىنىڭ قاتىناۋ مولشەرى سايكەس مەزگىلدەگىدەن %10 ارتتى (جاڭا ساندى مالىمەت، جاڭا ءتۇيىن)

2024.05.14 17:31 كەلۋ قاينارى : حالىق تورابى

　　«حالىق گازەتى»، 5 - ايدىڭ 13 - كۇنى، بەيجيڭ (ءتىلشى لي شينپيڭ). ءتىلشىنىڭ 5 - ايدىڭ 13 - كۇنى جۇڭگو مەملەكەتتىك تەمىر جول توبى شەكتى سەرىكتەستىگىنەن (تومەندە قىسقاشا ”مەملەكەتتىك تەمىر جول توبى“ دەلىنەدى) ۇعىسۋىنشا، بيىل 1 - ايدان 4 - ايعا دەيىن جۇڭگو - ەۆروپا كەزەكشى پويەزى جيىنى 6184 كەزەك قاتىناپ، 675 مىڭ ولشەمدى ساندىق زات جونەلتىلىپ، سايكەس مەزگىلدەگىدەن جەكە - جەكە %10، %11 ارتقان. بيىل 4 - ايدىڭ سوڭىنا دەيىن جۇڭگو - ەۆروپا كەزەكشى پويەزدەرى جيىنى 89 مىڭنان اسىپ، ەۆروپاداعى 25 مەملەكەتتىڭ 223 قالاسىنا تۇتاسقان.

　　ارنا قۋاتى ۇزدىكسىز كەڭەيدى. مەملەكەتتىك تەمىر جول توبى جۇڭگو - ەۆروپا كەزەكشى پويەزىنىڭ شي - ان، چۇڭچيڭ، ي - ۋ قالالارىنان گرۋزيانىڭ بوتي قالاسىنا، تۇركيانىڭ ستامبول قالاسىنا دەيىنگى وڭتۇستىك ارناداعى تاسىمال سىناعىن ۇزدىكسىز ورىستەتىپ، شينجياڭ ۇيعۇر اۆتونوميالى رايونىنىڭ ءۇرىمجى قالاسىنان يتاليانىڭ سالەرنو قالاسىندا دەيىنگى كاسپي تەڭىزىن، قارا تەڭىزدى اتتاعان جۇڭگو - ەۆروپا كەزەكشى پويەزىن ءساتتى قاتىناتىپ، جۇڭگو - ەۆروپا كەزەكتى پويەزىنىڭ وڭتۇستىك ارناسىنداعى تاسىمالدى ۇيىمداستىرۋى كۇن سايىن كەمەلدەندى. 1 - ايدان 4 - ايعا دەيىن وڭتۇستىك ارنادا جيىنى 12 جۇڭگو - ەۆروپا كەزەكشى پويەزى قاتىناپ، بىلتىرعى سول تۇستاعىدان %71 ارتتى.

　　تاسىمال ونىمدىلىگى ۇزدىكسىز كۇشەيدى. مەملەكەتتىك تەمىر جول توبى توڭىرەكتەگى ەلدەردىڭ تەمىر جول تاراۋلارىمەن سەلبەستىكتى كۇشەيتىپ، جۇڭگو - ەۆروپا كەزەكشى پويەزدەرىنىڭ تاسىمال ونىمدىلىگىن جوعارىلاتىپ، تاسىمال وزىندىك قۇنىن ۇنەمدەدى. كەدەن، شەكارالىق تەكسەرۋ سياقتى تاراۋلارمەن تىلدەسۋدى، سايكەسۋدى كۇشەيتىپ، تەمىر جولدىڭ كەدەننەن تەز ءوتۋ ۇلگىسىن بەلسەنە ىلگەرىلەتىپ، شەكارا سىرتىنداعى تەمىر جول كاسىپورىندارىنىڭ اۆتوكولىك قابىلداۋ جانە اۋىستىرىپ تيەۋ تەبىنىن ارتتىرۋىن سايكەستىرىپ، شەكارا وتكەلىنىڭ تاسىمال ونىمدىلىگى مەن كەدەننەن ءوتۋدى قولايلىلاندىرۋ دەڭگەيىن جوعارىلاتىپ، باتىس (الاتاۋ ساعاسى، قورعاس)، ورتا (ىرليانحوت)، شىعىس ارنا (مانجۋريا، سۇيفىنحى، تۇڭجياڭنىڭ سولتۇستىگى) وتكەلدەرىنىڭ قاتىناۋ سانى سايكەس مەزگىلدەگىدەن جەكە - جەكە %11، %14، %7 ارتتى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved