- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۋاڭ يۇڭميڭ التايدا «ورتا، شاعىن كاسىپورىنداردى جەبەۋ زاڭىنىڭ» تياناقتانۋ احۋالىنا تەكسەرۋ جۇرگىزدى
2014.04.24 10:19
15 ـ ساۋىردە، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ۋاڭ يۇڭميڭ باستاعان زاڭ اتقارۋ، تەكسەرۋ گرۋپپاسى اڭگىمە ءماجىلىسىن وتكىزۋ جانە ناق مايداندا تەكسەرىپ ـ زەرتتەۋ جۇرگىزۋ فورماسىندا التاي ايماعىنىڭ «اۆتونوميالى رايوننىڭ ‹ورتا، شاعىن كاسىپورىنداردى جەبەۋ زاڭىن›اتقارۋ ءادىسى» احۋالىنا زاڭ اتقارۋ تەكسەرۋىن جۇرگىزدى.
حالىق قۇرىلتايى ايماقتىق قىزمەت كوميتەتى پارتگرۋپپاسىنىڭ شۋجيى داي جيانشين اڭگىمە ءماجىلىسىن باسقاردى. اڭگىمە ماجىلىسىندە اكىمشىلىك مەكەمەسىنىڭ ورىنباسار ءۋاليى ۋي يان ايماعىمىزدىڭ جاقىنعى جىلداردان بەرگى ەكونوميكا، قوعام دامۋ احۋالىن، اسىرەسە، «اۆتونوميالى رايوننىڭ ‹ورتا، شاعىن كاسىپورىنداردى جەبەۋ زاڭىن› اتقارۋ ءادىسى» احۋالىنان مالىمەت جاسادى. جاقىنعى جىلداردان بەرى، ايماعىمىز دامۋ ورتاسىن ۇزدىكسىز ساپالاندىرىپ، قازىنا، باجى جاعىنان قولداۋ كورسەتۋدى كۇشەيتىپ، قىزمەت وتەۋدى جاقسارتىپ، باسقارۋ دەڭگەيىن جوعارىلاتىپ، ۇيىمدىق باسشىلىقتى كۇشەيتىپ، ورتا، شاعىن كاسىپورىنداردى قولداۋ جانە باسقارۋ تەبىنىن ارتتىردى؛ ءار جىلى 5 ميلليون يۋاننان استام ارناۋلى قارجى ورنالاستىرىپ، ونى ورتا، شاعىن كاسىپورىنداردىڭ قۇرىلىمعا تەڭشەۋ جۇرگىزۋ، تەحنيكادا جاڭالىق جاراتۋ، قارجىنى اينالىمعا سالۋعا كەپىل بولۋ، دارىندىلاردى تاربيەلەۋ جانە ايگىلى ماركا جاراتۋ قاتارلىلارعا جۇمسادى.
ۋاڭ يۇڭميڭ التاي ايماعىنىڭ «اۆتونوميالى رايوننىڭ ‹ورتا، شاعىن كاسىپورىنداردى جەبەۋ زاڭىن›اتقارۋ ءادىسىن» تياناقتاندىرۋ احۋالىن تولىق تۇراقتاندىرا كەلىپ بىلاي دەدى: «ورتا، شاعىن كاسىپورىندار حالىق شارۋاشىلىعىن دامىتۋدا ماڭىزدى مانگە يە، اسىرەسە، كاسىپتەندىرۋدى كەڭەيتۋ، كاسىپ جاراتۋ، جەرلىك قازىنا كىرىسى قاتارلى جاقتاردا ماڭىزدى رول اتقارادى. ورتا، شاعىن كاسىپورىنداردىڭ اقاۋسىز دامۋىنا قولداۋ كورسەتۋدە ۇكىمەت ورتا جاراتۋى، كاسىپورىن ساپانى جوعارىلاتۋى، سەنىمدى قارىز تاراۋلارى باسقارۋدا جاڭالىق جاراتۋى كەرەك».
اڭگىمە ماجىلىسىنە قاتىناسقان ايماقتىق ەكونوميكا جانە ينفورماتسيالاندىرۋ قىزمەت كوميتەتى، دامۋ جانە رەفورمالاۋ كوميتەتى، قازىنا مەكەمەسى قاتارلى قاتىستى تاراۋلاردىڭ جاۋاپتىلارى ورتا، شاعىن كاسىپورىنداردىڭ قارجىنى اينالىمعا سالۋى قيىن بولۋ، كاسىپورىندا تەحنيكالىق دارىندىلار تاپشى بولۋ قاتارلى ماسەلەلەر جونىندە تالقى ورىستەتىپ، ءسوز سويلەدى. ىلە ـ شالا زاڭ اتقارۋ، تەكسەرۋ گرۋپپاسى التاي قالاسىنىڭ بالاپان باستىرىپ شىعارۋ بازاسى سىندى كاسىپورىنداردى ناق مايداندا كوزدەن كەشىرىپ، ءارقايسى كاسپورىننىڭ ساياساتتى تياناقتاندىرۋ بارىسىندا تاپ بولعان ماسەلەلەرى مەن ءىس جۇزىندىك قاجەتىن ۇعىستى.
ۇعىسۋعا قاراعاندا،«اۆتونوميالى رايوننىڭ ‹ورتا، شاعىن كاسىپورىنداردى جەبەۋ زاڭىن› اتقارۋ ءادىسى» 2006 ـ جىلى 1 ـ جەلتوقساندا رەسمي اتقارىلعان، بۇكىل رايونىمىزداعى ورتا، شاعىن كاسىپورىنداردىڭ دامۋىنا قولداۋ كورسەتۋ جانە جەبەۋدەگى تۇڭعىش جەرلىك سيپاتتى ارناۋلى زاڭ ـ ەرەجە. 2013 ـ جىلعا دەيىن التاي ايماعىندا جيىنى 2616 ورتا، شاعىن كاسىپورىن 10 ميلليارد 820 ميلليون يۋان قارجىنى تىزىمگە الدىرىپ، 32 مىڭ ادامدى كاسىپتەندىرگەن. 2013 ـ جىلدىڭ وزىندە بۇكىل ايماعىمىزداعى ورتا، شاعىن كاسىپورىنداردىڭ باجى كىرىسىنىڭ جەرلىك قازىناعا قوسقان ۇلەسى %62.8 كە جەتۋمەن بىرگە، 10 مىڭ 800 ادامدى (رەت) كاسىپتەندىرىپ، جاڭادان كاسىپتەنگەن ادام سانىنىڭ %24 ىن يەلەگەن.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
