- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ءتورت ەلگە شەكارا اتتاپ ساياحاتتاۋدى ىسكە اسىرماقشى
2015.06.09 14:00 كەلۋ قاينارى : حالىق تورابى
شينحۋا تورابى، 7 – ماۋسىم، ءۇرىمجى. ءتىلشىنىڭ جۋىردا التاي ايماقتىق ساياحات مەكەمەسىنەن ۇعىسۋىنشا، رەسەي، قازاقستان، موڭعۇليا قاتارلى ەلدەرمەن كورشىلەس جاتقان جاعراپيالىق ارتىقشىلىعىنان ۇتىمدى پايدالانۋ ءۇشىن، التاي ايماعى «ءتورت ەلگە» شەكارا اتتاپ ساياحاتتاۋدى ىسكە اسىرۋعا قۇلشىنۋدا.
التايدىڭ تابيعاتى كوركەم، شىعىسىندا موڭعۇليامەن، سولتۇستىگىندە رەسەيمەن، باتىسىندا قازاقستانمەن شەكتەسەدى، التايدا مەملەكەتتىك 1 – دارەجەلى قۇرىلىق وتكەلىنەن تورتەۋى بار، ەكولوگيالىق ورتاسى جاقسى ساقتالعان، ۇلتتىق سالت – ساناعا باي، قاتىناسى قولايلى، شەكارا اتتاعان جوعارى ساپالى ساياحاتتى وركەندەتۋگە شارت – جاعداي ازىرلەنگەن.
بۇل جوسپار ىسكە اسىپ جاتسا، جۇڭگو – قازاقستان 6 كۇندىك ساياحاتى، جۇڭگو – موڭعۇليا 5 كۇندىك ساياحاتى، التاي تاۋىن اينالا 12 كۇن ساياحاتتاۋ قاتارلى ساياحات تۇرلەرى ساياحاتشىلارعا شەتەلدىڭ كوركىنەن ءلاززاتتانۋعا مۇمكىندىك بەرەدى، جول بويىندا وزەن، اراسان، مۇراجاي، دەمالىس ورنى، ۇلتتىق سالت – سانا قاتارلى ءتۇرلى ساياحات بايلىقتارى بار، ساياحاتشىلاردىڭ جەرگىلىكتى ورىننىڭ مال شارۋاشىلىق، اۋىل شارۋاشىلىق قوسىمشا ونىمدەرىن دە ساتىپ الۋىنا بولادى.
«ءتورت ەلگە» شەكارا اتتاپ ساياحاتتاۋدا ءوزى كولىك جۇرگىزىپ ساياحاتتاۋ مەن ەرەكشە ساياحات سىندى ەكى ءتۇرلى ساياحات قامتىلادى. قازىر ءوزى كولىك جۇرگىزىپ ساياحاتتاۋ تەك جۇڭگو – قازاقستان، جۇڭگو – موڭعۇليا سىندى جالاڭ جەلىدە جۇزەگە اسىرىلعان، جۇڭگو مەن رەسەيدىڭ قاتىستى تاراۋلارى سەلبەستىككە قول جەتكىزسە، سوندا عانا «ءتورت ەلگە» شەكارا اتتاپ كولىك جۇرگىزىپ اينالما ساياحات جاساۋعا بولادى؛ شەكارا اتتاعان ەرەكشە ساياحاتقا شارت – جاعداي ازىرلەنگەن، رەسەيگە جۇڭگو اۆتوكولىگىمەن كىرۋ مۇمكىن بولماعان جاعدايدا، قازاقستان جاقتىڭ اۆتوكولىگىمەن رەسەيگە بارۋعا بولادى.
ۇعىسۋعا قاراعاندا، التاي ايماعى قازىر جۇڭگو التاي تاۋى ءوڭىرى حالىقارالىق ساياحات سەلبەستىك سىناق ءوڭىرىن قۇرۋعا ءوتىنش بەرىپ، شەكارادان كىرىپ – شىعۋ، كوپ كۇندىك ۆيزالىق جەڭىلدىك، سىرت جەردە ۆيزا الۋ، باجىسىز زات الۋ، قاتىناس قۇرىلىسى قاتارلى جاقتاردا ءتيىمدى ساياساتتارعا قول جەتكىزۋگە قۇلشىنۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
