- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز تۇرعىن ءۇي الەۋمەتتىك قورىنا بايلانىستىرىپ الاتىن قارىز سوماسىنىڭ مولشەرىن جالپى بەتتىك جوعارىلاتتى
قارىز اقشانىڭ ەڭ جوعارى دەڭگەيىن 200 مىڭ يۋانعا جوعارىلاتىپ، تۇرعىن ءۇي تۇتىنۋىن جەبەۋ ارقىلى ەكونوميكالىق باسەڭدەۋ قىسىمىنا توتەپ بەرەدى
2015.06.08 13:55 كەلۋ قاينارى : ءتاڭىرتاۋ تورابى
ءتىلشىمىزدىڭ اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋىنشا، قازىرگە دەيىن رايونىمىزداعى جەر - جەر تۇرعىن ءۇي الەۋمەتتىك قورىنا بايلانىستىرىپ الاتىن قارىز سوماسىنىڭ مولشەرىن 50 مىڭ يۋاننان 200 مىڭ يۋانعا دەيىن جالپى بەتتىك جوعارىلاتقان. بيىل جىل باسىنان بەرى، مەملەكەت تۇرعىن ءۇي تۇتىنۋعا قاتىستى ساياساتقا نەشە دۇركىن رەتتەۋ جۇرگىزىپ، تۇرعىن ءۇي الەۋمەتتىك قورى بويىنشا جەكەلەردىڭ تۇرعىن ءۇي ساتىپ الۋىنا قارىز اقشا بەرۋگە قىزمەت وتەۋ ءتۇرىن مولايتۋدى ايقىن ورتاعا قويدى. اۆتونوميالى رايون دا ەكونوميكالىق باسەڭدەۋ قىسىمىنا توتەپ بەرىپ، كوز الداعى ەكونوميكالىق قىزمەتتى ويداعىداي ىستەۋ جونىندە پىكىر شىعارىپ، اۆتونوميالى رايونىمىزدىڭ قورا - جاي بازارىنىڭ ورنىقتى، اقاۋسىز دامۋىن جەبەۋ ءۇشىن، تۇرعىن ءۇي الەۋمەتتىك قورى ساياساتىنان تولىق ءارى ۇتىمدى پايدالانۋدى تالاپ ەتتى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى «ءىس جۇرىندىك جاعدايعا نەگىزدەلىپ، تۇرلەر بويىنشا جەتەكشىلىك ەتۋ» پرينسيبىنە ساي، ءارقايسى ايماق، وبلىس، قالالاردىڭ جەرگىلىكتى ورىننىڭ تاۋار ءۇي باعاسى جانە ورتا ەسەپپەن كىسى باسىنا تۋرا كەلەتىن تۇرعىن ءۇي اۋماعى قاتارلى فاكتورلاردى نەگىز ەتە وتىرىپ، قارىز سوماسى مولشەرىن لايىقتى جوعارىلاتۋىن، جەكەلەردىڭ تۇرعىن ءۇي الەۋمەتتىك قورىنان العان قارىز مولشەرى %85كە جەتپەگەن وڭىرلەردىڭ تۇرعىن ءۇي الەۋمەتتىك قورى قارىز سوماسىن 50 مىڭ يۋاننان 200 مىڭ يۋانعا دەيىن جوعارىلاتىپ، ىركىندى اقشانىڭ كومەسكى كۇشىن ساۋلەلەندىرۋدى، تۇرعىن ءۇي تۇتىنۋىن جەبەپ، جۇمىسشى - قىزمەتكەرلەردىڭ تۇرعىن ءۇي شارت - جاعدايىن جاقسارتۋدى تالاپ ەتتى.
قازىر جەر - جەر تۇرعىن ءۇي الەۋمەتتىك قورىنىڭ قارىز سوماسى مولشەرىن جوعارىلاتۋ جونىندەگى ساياساتتارىن ىركەس - تىركەس العا قويدى. قۇمىل ايماعى قارىز سوماسىن 400 مىڭ يۋاننان 600 مىڭ يۋانعا، تارباعاتاي ايماعى 250 مىڭ يۋاننان 400 مىڭ يۋانعا، بايىنعولين موڭعۇل اۆتونوميالى وبلىسى 350 مىڭ يۋاننان 500 مىڭ يۋانعا، ءۇرىمجى قالاسى 400 مىڭ يۋاننان 500 مىڭ يۋانعا، بۇراتالا موڭعۇل اۆتونوميالى وبلىسى 350 مىڭ يۋاننان 450 مىڭ يۋانعا، حوتان ايماعى 250 مىڭ يۋاننان 350 مىڭ يۋانعا، اقسۋ ايماعى 300 مىڭ يۋاننان 400 مىڭ يۋانعا، قىزىلسۋ قىرعىز اۆتونوميالى وبلىسى 200 مىڭ يۋاننان 250 مىڭ يۋانعا، التاي ايماعى اسىلگى كەزدە ەكى بىردەي قىزمەتكەرگە بەرەتىن قارىز سومانىڭ ەڭ جوعارعى شەگىن 300 مىڭ يۋاننان 400 مىڭ يۋانعا، ءبىر قىزمەتكەرگە بەرەتىن قارىز سومانىڭ ەڭ جوعارعى شەگىن 250 مىڭ يۋاننان 300 مىڭ يۋانعا جوعارىلاتتى.
مۇنان تىس، سانجى حۇيزۋ اۆتونوميالى وبلىسى جەكەلەردىڭ تۇرعىن ءۇي الەۋمەتتىك قورىنان العان قارىز مولشەرى %91.04كە جەتكەندىكتەن، تۇرعىن ءۇي الەۋمەتتىك قورىنان 350 مىڭ يۋان قارىز اقشا بەرۋ ساياساتىن وزگەرتپەيدى؛ ىلە قازاق اۆتونوميالى وبلىسى بيىل اقپاننان باستاپ جەكەلەردىڭ تۇرعىن ءۇي الەۋمەتتىك قورىنان العان قارىز مولشەرى %85كە جەتكەندىكتەن، تۇرعىن ءۇي الەۋمەتتىك قورىنان 150 مىڭ يۋان قارىز اقشا بەرۋ ساياساتىن وزگەرتپەيدى؛ رايونىمىز بويىنشا تۇرعىن ءۇي الەۋمەتتىك قورىنىڭ قارىز سوماسى ەڭ جوعارى جەر سانالاتىن قارامايلى قالاسى تۇرعىن ءۇي الەۋمەتتىك قورىنان جەكەلەرگە ەڭ كوپ بولعاندا 700 مىڭ يۋان قارىز اقشا بەرۋ ساياساتىن وزگەرتپەيدى.
2014 - جىلدىڭ سوڭىنا دەيىن، رايونىمىزدا تۇرعىن ءۇي الەۋمەتتىك قورىنا اقشا تاپسىراتىن جۇمىسشى - قىزمەتكەرلەرىڭ سانى ءبىر ميلليون 691 مىڭ 500 ادامعا جەتتى، جەكەلەردىڭ تۇرعىن ءۇي الەۋمەتتىك قورىنان العان قارىز مولشەرى %63.94بولىپ، بۇكىل ەلدىكىنەن %4.06 تومەن. قارىز اقشا مولشەرىن جوعارىلاتۋ الداعى جەردە جۇمىسشى - قىزمەتكەرلەردىڭ تۇرعىن ءۇي ساتىپ الۋ قىسىمىن جەڭىلدەتىپ، تۇرعىن ءۇي زارۋلىگىن قامتاماسىزداندىرىپ، ورتاشا، تومەن كىرىستەگى وتباسىلاردىڭ تۇرعىن ءۇي شارت - جاعدايىن جاقسارتىپ، قورا - جاي بازارىن ورنىقتى، اقاۋسىز دامىتۋدا بەلسەندى رول اتقارادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
