- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن باسقارىپ اشىپ مىنالاردى باسا دارىپتەدى:
ادەتتەگى پاسپورتتى بەرۋ - باسقارۋ رەفورماسىن ۇزدىكسىز جەدەلدەتۋ ءتيىس
شينجياڭنىڭ ەڭ اشىق جەرگە اينالۋىنا شارت -جاعداي ازىرلەيىك
2015.08.24 14:39
17-تامىز تۇستەن كەيىن اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ماجىلىسىندە ادەتتەگى پاسپورتتى بەرۋ - باسقارۋ رەفورماسىنا قاتىستى ماسەلەلەر ىشكەرىلەي تالقىلاندى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءماجىلىستى باسقاردى ءارى ادەتتەگى پاسپورتتى بەرۋ - باسقارۋ رەفورماسىن ۇزدىكسىز جەدەلدەتىپ، زاڭ بويىنشا جۇمىس جۇرگىزۋگە تاباندى بولىپ، شينجياڭنىڭ ەڭ اشىق جەرگە اينالۋىنا شارت - جاعداي ازىرلەۋدى باسا دارىپتەدى.
جاڭا ساياساتقا ءار ۇلت بۇقاراسى ءدان ريزا
اۆتونوميالى رايوندىق پارتكوم ادەتتەگى پاسپورتتى بەرۋ - باسقارۋ قىزمەتىنە باسا ءمان بەرىپ كەلەدى، كوپ رەتكى ماجىلىستە وسى ماسەلە ارناۋلى قارالعان، جاڭ چۇنشيان كوپ مارتە نۇسقاۋ بەرىپ جانە بەكىتۋ جازىپ، قاتىستى جاقتاردان پاسپورتتى بەرۋگە، باسقارۋعا قاتىستى ماسەلەلەردى مۇقيات زەرتتەپ، پاسپورت باسقارۋ رەفورماسىن وي ەلەگىنەن وتكىزۋدى تالاپ ەتكەن بولاتىن. بيىل 25- مامىردا قىزىلسۋ قىرعىز اۆتونوميالى وبلىسى، شىحىزى قالاسى، قارامايلى قالاسى ادەتتەگى پاسپورتتى بەرۋ - باسقارۋ رەفورماسى جونىندەگى سىناق قىزمەتىن باستادى. 25 - شىلدەگە دەيىن، وسى اتالعان جەرلەردە 23 مىڭنان اسا ادام پاسپورت الۋعا ءوتىنىش تاپسىردى، بۇل كورسەتكىش سايكەس مەزگىلدەگىدەن 5 ەسە ارتىق.
اۆتونوميالى رايوندىق پارتكوم سىناق قىزمەتىنىڭ جاعدايى جونىندە كوپ رەت مالىمەت تىڭدادى، جاڭ چۇنشيان سىناق قىزمەتىنىڭ تاجىريبەلەرىن مۇقيات قورىتىندىلاپ، يدەيانى ازات ەتىپ، شەكارادان كىرۋ - شىعۋدى باسقارۋ رەفورماسىنىڭ اياق الىسىن جەدەلدەتىپ، ءار ۇلت جۇرتشىلىعىنىڭ شەكارادان كىرۋ - شىعۋعا بايلانىستى زاڭدى ۇقىق - مۇددەسىن قورعاۋدى باسا دارىپتەدى. سىناق قىزمەتىنىڭ تاجىريبەلەرى نەگىزىندە، ادەتتەگى پاسپورتتى بەرۋ - باسقارۋدىڭ ءبىر تۇتاس ساياساتى تامىز ايىندا بۇكىل شينجياڭ اۋماعىندا زاڭ بويىنشا جاپپاي اتقارىلا باستادى. قاتىستى تاراۋلار تەرەزەلەردى كوبەيتۋ، جۇمىس ۋاقىتىن ۇزارتۋ، «جاسىل ارنا» اشۋ، «ءبىر بەكەتتىك، ءبىر رەتتىك» قىزمەت كورسەتۋ مەحانيزمىن جولعا قويۋ سياقتى شارالار قولدانىپ، جۇرتشىلىقتىڭ ءوتىنىش بەرۋىنە قولايلى جاعداي تۋدىردى. ءار ۇلت جۇرتشىلىعى بۇعان ريزاشىلىق ءبىلدىردى.
جاي پاسپورتتى باسقارۋ رەفورماسى كەلەلى مانگە يە
اۆتونوميالى رايوننىڭ ادەتتەگى پاسپورتتى بەرۋ، باسقارۋ رەفورماسى قىزمەتىنىڭ جاعدايى جونىندەگى مالىمەتتى تىڭداعان سوڭ، جاڭ چۇنشيان مىنانى باسا دارىپتەدى: ادەتتەگى پاسپورتتى بەرۋ - باسقارۋ رەفورماسىن ۇزدىكسىز جەدەلدەتىپ، رايونىمىزدىڭ ادەتتەگى پاسپورتتى بەرۋ - باسقارۋ رەفورماسىن تولىق تانۋ كەلەلى مانگە يە. جەر - جەر، قاتىستى تاراۋلار ءار ۇلت بۇقاراسىنىڭ زاڭدى ۇقىق - مۇددەسىن قورعاۋ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ جالپى جاعدايى تۇرعىسىنان، ادەتتەگى پاسپورتتى باسقارۋ رەفورماسىن اناعۇرلىم كۇشەيتىپ، ادەتتەگى پاسپورتتى بەرۋ - باسقارۋدىڭ ءبىر تۇتاس ساياساتىن زاڭ بويىنشا جاپپاي اتقارۋ − شينجياڭنىڭ وسىزامانداندىرۋ قۇرىلىسىنىڭ تابيعي تالابى، «شينجياڭدى زاڭمەن جونگە سالۋ، ىنتىماقتاسا وتىرىپ شينجياڭنىڭ ورنىقتىلىعىن ساقتاۋ، شينجياڭدى ۇزاق ۋاقىت گۇلدەندىرۋ» سىندى شينجياڭدى جونگە سالۋ جالپى جوباسىن جاپپاي ىلگەرىلەتۋدىڭ ناقتى بەينەسى ەكەنىن تەرەڭ ءتۇسىنۋى كەرەك. ادەتتەگى پاسپورتتى بەرۋ - باسقارۋدىڭ ءبىر تۇتاس ساياساتىن اتقارۋ بۇقارانىڭ ارمان - تىلەگىنە ۇيلەسەدى، وزىنە سەنۋ، اشىق ويلى، كەشىرىمدىلىك سىندى تاماشا وبرازىن ايگىلەيدى، ءار ۇلتتىڭ بارابار زاڭدى ۇقىق - مۇددەسىنە قامتاماسىز ەتۋگە، شينجياڭنىڭ جىبەك جولى ەكونوميكالىق بەلدەۋ قۇرىلىسىنا، شينجياڭنىڭ سىرتقا ەسىك اشۋى مەن قارىم - قاتىناس، بارىس - كەلىسىن تەرەڭدەتۋگە ءتيىمدى.
شينجياڭنىڭ ەڭ اشىق جەرگە اينالۋىنا شارت - جاعداي ازىرلەيىك
جاڭ چۇنشيان بىلاي دەپ اتاپ كورسەتتى: رايونىمىزدىڭ ادەتتەگى پاسپورتتى بەرۋ - باسقارۋ رەفورماسىنداعى جاسامپازدىق شارالارىن ءداپ باسىپ يگەرۋ كەرەك. جەر - جەر، قاتىستى تاراۋلار زاڭ مەن ساياساتتىڭ اتقارىلۋىن قاتايتىپ، ادەتتەگى پاسپورتتى بەرۋ - باسقارۋ ساياساتىن تياناقتاندىرۋدى بۇقارامەن بايلانىس ورناتۋدىڭ، بۇقاراعا قىزمەت كورسەتۋدىڭ، ىنتىماقتاسا وتىرىپ بۇقاراعا قول جەتكىزۋدىڭ ءونىمدى دانەكەرى ەتۋى كەرەك، ادام قولىمەن شەكتەۋدى كوبەيتۋگە استە بولمايدى، پاسپورت جاساتۋ بارىسىندا جارىققا شىققان جەمىرلىك، المىرلىق، القىمداۋشىلىق، سۇرانشاقتىق سياقتى بۇرىس ستيلدەردى جانە تارتىپكە، زاڭعا قايشى ارەكەتتەردى باتىل تەكسەرىپ ءبىر جايلى ەتىپ، جاۋاپكەرشىلىگىن قاتاڭ قۋزاستىرۋ كەرەك.
جاڭ چۇنشيان مىنالاردى تالاپ ەتتى: زاڭ بويىنشا ىستەۋگە تاباندى بولىپ، بارىنە بىردەي قاراپ، شارت - جاعداي ازىرلەپ، شينجياڭنىڭ ەڭ اشىق جەرگە اينالۋىنا شارت - جاعداي ازىرلەۋ كەرەك. ونان ارى جاڭالىق ەنگىزىپ، ءىس ءبىتىرۋ ءتارتىبىن ساپالىلاندىرىپ، حالىققا قولايلى شارالاردى كۇشەيتىپ، ساياساتتى ۇگىتتەۋ سەرپىنىن ارتتىرىپ، جاريالىلىق سالىستىرماسىن جوعارىلاتىپ، تاماشا كاسىپتىك ساپا مەن قىزمەت ستيلى ارقىلى، ءتۇرلى رەفورما - شارالاردىڭ ناقتى تياناقتاندىرىلۋىن بارىنشا ىلگەرىلەتۋ كەرەك.
اۆتونوميالى رايوننىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ، لي ۋي، شاۋكەت يمىن، جۋ حايلۇن، باي جىجيە، ەركىنجان تۇراحۇن، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ما شۋەجۇن، ليۋ شينچي ماجىلىسكە قاتىناستى. «شينجياڭ گازەتىنەن»
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
