جىلقىدا بولاتىن بىرنەشە ءتۇرلى اۋرۋدى قاراپايىم ەمدەۋ ادىستەرى
جەڭىس كەرىمقان ۇلى
2018.12.03 16:46 كەلۋ قاينارى : شينجياڭ گازەتى
ءبىرىنشى، جىلقى قۇم قاتاسىن ەمدەۋ: جىلقى قۇم قاتاسى كوبىندە كوكتەم - كۇز ماۋسىمدارىندا، اسىرەسە، قۋاڭشىلىق جىلدارى قاعىر جايلىمدا جايىلعان جىلقىلاردا كوپ كەزدەسەدى. نەگىزىنەن ءشوبى قىسقا ءارى شالاڭ جايلىمدارداعى ءشوپ تامىرلارىن جەۋ، تاياز لاس سۋلاردى ءىشۋ نەمەسە بوران - شاشىننان كەيىنگى قۇم - توپىراقپەن لاستانعان قاسات قالدىق قارمەن سۋسىنداۋ بارىسىندا جۇتىلعان قۇم تۇيىرشىكتەرى بىرتىندەپ قارىنعا شوگىپ، ۋاقىت ۇزارا كەلە وسى اۋرۋدى تۋدىرادى.
(1) اۋرۋ بەلگىسى: جىلقىنىڭ ءىشى وتەدى، جەم - شوپكە تابەتى تارتپايدى، تىنىشسىزدانادى، جاتقىشتايدى، تەزەگى تۇتقىر قاتتى بولادى. اۋزى كوكشىل سارعىشتانادى، ءىشى كەبەدى، اس قورىتۋى بۇزىلادى.
(2) ەمدەۋ ءادىسى: ① اۋىرعاندى باسىپ تىنىشتاندىرۋ ءۇشىن، %5تىك حلورلى گيدراتتى سپيريتتەن 400 ميلليليتر، %5تىك كليكوزادان 1000 ميلليليتردى ارالاستىرىپ، ءبىر جولدا ۆەنادان ۋكول ەتىپ قويۋ كەرەك. ② %3تىك پيلوكارپيتتەن 4 ميلليليتردى تەرى استىنا ۋكول ەتىپ قويىپ، ىشەك ارەكەتىن كۇشەيتۋ قاجەت.③ وسىمدىك مايىنان 1000 ميلليليتر، ديپتەرەكستەن 30 − 15 گرامدى ارالاستىرىپ ىشكىزەدى. بۇل ءدارىنىڭ قۇم قاتاعان بولعان جىلقىعا ءونىمى اسا كورنەكتى، الايدا مولشەرىن تىم اسىرىپ جىبەرىپ، جىلقىنى ۋلاۋدان قاتاڭ ساقتانۋ كەرەك. ④ ىشەك جولىنىڭ قابىنۋىن قايتارۋ ءۇشىن، بۇلشىق ەتتەن انتيبيوتيك دارىلەردى ۋكول ەتىپ قۇيۋ قاجەت.
ەكىنشى، جىلقىنىڭ تالاق ىندەتىن ەمدەۋ: جىلقىداعى تالاق ىندەتىن «كوك باۋىردىڭ كەيىندەۋى» دەپ تە اتايدى. ول ءىشى اۋىرۋدى نەگىزگى كنەتيكالىق بەينە ەتكەن ءىشى قاتتى اۋىراتىن قايتالامالى سيپاتتى ىندەت.
(1) اۋرۋ بەلگىسى: جىلقى ازىقتانۋدان قالادى، ءىشى قاتتى اۋىرادى، تىقىرشيدى، تىنىشسىزدانادى، بۇيىرىنە جالتاقتايدى، جاتىپ اۋناقشيدى، ورنىنان تۇراردا شوڭقيىپ ءبىراز تۇرادى، ءىشى ونشا ۇلكەن سەزىلمەيدى. ىندەتكە شالدىققان جىلقىنىڭ كەۋدەسى، موينى، الدىڭعى اياعىنىڭ ىشكى جاقتارىنان تەر شىعادى، كوز دانەكەر قابىعى قىزارىپ قانتالايدى. ىندەتتىڭ العاشقى مەزگىلىندە تەزەكتەۋ رەتى ءبىرشاما كوپ بولادى، ءبىراق ءار رەتتە بىرنەشە ءتۇيىر عانا قۇمالاق تاستايدى، سوڭىندا ازايادى. كوك باۋىر تۇسىن باسقاندا اۋىرسىنىپ تىقىرشيىدى.
(2) ەمدەۋ ءادىسى: جىلقىنىڭ بەينەسىنە قاراي ەمدەۋ، ىندەت باسەيگەندە ىندەتتىڭ ءتۇبىن ءۇزۋ تالابى بويىنشا الدىمەن تىنىشتاندىرۋ، ينەمەن ەمدەۋ، ونان سوڭ ءدارى ىشكىزۋ، كوكباۋىردى قۋاتتاندىرىپ، گازدى ايداۋ، كوك باۋىردى قورعاپ اسقازاندى جۇمسارتۋدى نەگىز ەتۋ، كۇتىمدى كۇشەيتۋ، جۇرەكتى قۋاتتاندىرىپ، سۇيىقتىقتى تولىقتاۋدى قوسىمشا ەتۋ، جۇڭگوشا، باتىسشا ەمدەۋدى ۇشتاستىرۋ پرينسيبىن اتقارۋ كەرەك. ① بۇلشىق ەتكە %30تىك انالگيننەن 30 − 20 ميلليليتيردى ۋكول ەتىپ قويادى. ② وتكىر بىزبەن سول جاق ارقا ورتا سىزىعىنان 12 سانتيمەتر ارالىعىندا، ەڭ سوڭعى 1 - جانە 2 - قابىرعاسىنان 4 − 5 سانتيمەتر تەرەڭدىكتە شانشىپ، ساعات ستەرەلكا باعىتى نەمەسە ساعات ستەرەلكاسىنا كەرى باعىت بويىنشا اينالادى. اۋىرعانى بىرتە - بىرتە باسەيەدى. ③ %20تىك وەنروي قىشقىل ناتري كوفانزنەن 10 − 20 ميلليليتردى بۇلشىق ەتكە ۋكول ەتەدى نەمەسە %5تىك حلورلى كالتسي ۋكولىنان 500 − 250 ميلليليتردى ۆەننا تامىردان قۇيسا بولادى.
ءۇشىنشى، جىلقىنىڭ اياعىنا جەم ءتۇسۋدى قاراپايىم ەمدەۋ: اياققا جەم ءتۇسۋ − جىلقى ۇزاق ۋاقىت ءداندى داقىلمەن ازىقتانۋدان جانە ارەكەتتىڭ از بولۋىنان، جەم بەرە سالىپ تولىق قورىتىلماي ءمىنۋ سياقتى سەبەپتەردەن پايدا بولادى. اۋىرۋعا شالدىققان جىلقىنىڭ اياق قانى قويۋلاپ ۇييدى، ءتىپتى تۇياق ءىشى قابىنادى.
ەمدەۋ ءادىسى: جىلقىنى سازدى نەمەسە سۋىق سۋعا بايلاپ ۇيىعان قان تاراتىلادى ءارى از وتتاتىپ، كوپ سۋارۋ ارقىلى اسقازان - ىشەك تازارتىلادى. اق جۋساننان 30 گرام، مانداريىن قابىعىنان 15 گرام، ماقسارىدان 25 گرام، كوك لوبى ۇرىعىنان 30 گرام، قىزىلميادان 30 گرامدى قوسىپ تالقانداپ، ۇستىنە قايناعان سۋ قۇيىپ، 100 گرام اق اراق قوسىپ، جىلمىشى كۇيىندە ىشكىزۋ كەرەك. سونىمەن قوسا قان تامىردان ۇستىنەن ۋكول ەتىلەدى.
ءتورتىنشى، جىلقىنىڭ ۋ ساسىردان ۋلانۋىن ەمدەۋ: ۋ ساسىر قىرىق قۇلاق تۇقىمداسىنا جاتاتىن كوپ جىلدىق ۋلى وسىمدىك، ونى جەگەن مالدار تۇگەل ۋلانادى. مالدىڭ كۇيى، جاسى، ت. ب ەرەكشەلىكتەرىنە قاراي ۋلانۋ دارەجەسى دە ۇقسامايدى، ۋلانۋى سوزىلمالى بولادى. جىلقىنىڭ ۋلانۋى تەز بايقالادى. كۇيىس قايتاراتىن مالداردىڭ ۋلانۋى باياۋ بولادى، ويتكەنى سيىر، قويلار ونى ءسۇيىپ جەمەيدى.
(1) اۋرۋ بەلگىسى: جىلقىنىڭ كورۋ كىلەگەي قابىقتارى ءسال قانتالايدى، ونىڭ ۇستىنە ءبىر ءتۇرلى بىلعانىشتى كورىنىس بايقالادى، اسىرەسە، كوز كىلەگەي قابىعىنىڭ بىلعانىشى كورنەكتى بولىپ قايتالاپ وتىرادى، ءجۇرىسى باياۋلايدى، اقسايدى، تەڭسەلەدى، جاتا بەرەدى، جۇيكەسى قۇريدى، مويىن، ارقا بۇلشىق ەتتەرى اۋىرسىنادى، اياعى اۋىرىپ تىنىشسىزدانادى، جاتىپ الىپ ورنىنان تۇرا المايدى.(2) ەمدەۋ ءادىسى: الدىمەن ۆيتامين B1دى تولىقتىرۋ، نەرۆتەردىڭ قابىنۋىن باسەيتۋ نەگىز، جۇرەكتى قۋاتتاندىرىپ، نەسەپتى جۇرگىزۋ قوسىمشا ەتىلەدى. سونداي - اق اۋىرعان جىلقىلاردى عىلمي ازىقتاندىرىپ، باعىپ - كۇتىمدەۋگە دەن قويۋ كەرەك. سوندىقتان ءۇرتىس 5 كۇن كۇنىنە 500 ميلليگرام ۆيتامين B1دى ۆەنادان جىبەرىپ نەمەسە جالعاستى 10 كۇن كۇنىنە 50 ميلليگرام ۆيتامين B1دى تەرى استىنان ۋكول ەتىپ جىبەرىپ ەمدەسە، بارلىق كلەنيكالىق بەلگىلەرى جوعالىپ جازىلادى. سونىمەن بىرگە، كوففەين، ۇرۋتروپين قاتارلى دارىلەردى قوسىمشا پايدالانسا قالپىنا كەلۋى ءتىپتى دە تەزدەيدى. حالقىمىز اراسىندا ۋ ساسىردان ۋلانعان جىلقىلارعا ايران نەمەسە ءسۇت ىشكىزۋدەي جەرلىك ادىستەر دە قولدانىلادى. بۇلاردىڭ ەمدىك رولىندا ءبىرشاما كورنەكتى ەكەندىگىن تەرىستەۋگە كەلمەيدى. قايتا كلەنيكالىق اماليات بارىسىندا، جالعاستى سىناقتان وتكىزىپ تولىق تۇراقتاندىرۋ قاجەت. بۇل ءبىر ماڭىزدى بۋىن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
