«كاسىپتى قاستەرلەۋ باقىتى» وسىنداي جاندارعا بەرىلۋى كەرەك
لي ياڭ
2019.02.21 13:29 كەلۋ قاينارى : شينجياڭ گازەتى
وسىنىڭ الدىندا «كاسىپكە ادالدىق ءۇشىن كۇلىمسىرەۋ» دەگەن حابار قىزىپ كەتتى. 1 - ايدىڭ 25 - كۇنى گۇيجوۋدىڭ بيجيە قالاسىنداعى جوعارى جىلدامدىقتى تاس جولداعى اقى الۋشى ايەل قىزمەتكەر جولدى تازالاپ، بۇزىلعان اۆتوكولىكتى يتەرىپ جۇرگىزۋگە كومەكتەسىپ جاتقاندا، ارت جاقتا قاتاردا تۇرعان شوفەر نە جاعداي بولعانىن بىلمەگەندىكتەن، ونىڭ ارەكەتىنىڭ سىلبىرلىعىن ايتىپ ياناتتايدى. قىزمەتكە ەندى عانا قاتىناسقان اقى الۋشى قىزمەتكەر يانات ءسوز ەستىگەنى ءۇشىن جىلايدى، ءبىراق كوز جاسىن دەرەۋ ءسۇرتىپ، بىرنەشە سەكۋند ىشىندە كۇلىمسىرەپ، كەلەسى كولىك يەسىن قارسى الادى.
وسىنى كورگەن توراپكەرلەر ەرىكسىزدەن «<كاسىپتى قاستەرلەۋ باقىتى> وسى اقى الۋشى قىزمەتكەرگە بەرىلۋى كەرەك»، - دەپ ءسۇيىنىش ءبىلدىرى. نەبارى 19 جاستاعى وسى بويجەتكەننىڭ بويىنان ءبىز كاسىبىن قاستەرلەگەن ادامنىڭ قاشاندا قاراپايىم قىزمەت ورنىندا ەڭ شۇعىلالى ساۋلە شاشا الاتىنىن كورەمىز.
«كۇڭزى تاعىلىمىندا»: «جۇمىستا قاتاڭ، مۇقيات بول»، «جۇمىس ىستەگەندە قاتاڭ، بايسالدى بولدى ما، جوق پا، سونى ويلانۋ كەرەك»، «ءوزىڭدى ءوزىڭ قاتاڭ، مۇقيات جەتىلدىرە ءتۇس»، «ءوز مىندەتىڭدى بۇكىل نيەتىڭمەن ورىنداپ شىق، جالاقى الۋدى سوڭىنان ويلان» دەلىنگەن. جۇمىستا «قاستەرلەۋ» ەڭ الدىمەن پەيىلسىزدەنبەۋ، تاكاپپارسىماۋ، ءوزى ىستەپ وتىرعان كاسىبىن قاستەرلەۋ بولىپ بەينەلەنەدى. ونان سوڭ، «قاستەرلەۋ» قىزمەت وتەۋ وبيەكتىسىنە دەگەن قۇرمەت جانە كەشىرىم بولىپ بەينەلەنەدى، كىشى پەيىلدىلىكپەن، العىس ايتۋ پەيىلىمەن ادام بولىپ، ءىس ىستەگەندە عانا، دەن قويۋدى، بۇلجىماۋدى، كاسىبيلىكتى ىسكە اسىرۋعا بولادى.
كاسىبىن قاستەرلەۋشىلەر «كاسىپتى قادىرلەۋدى» اۋىزدا عانا ايتا بەرمەيدى، ويتكەنى ولاردىڭ نازارىندا قىزمەتتى مۇقياتتىلىقپەن ىستەۋ تۇرمىستىڭ ءبىر بولىگىنە اينالعان. جان قيارلىقپەن، مۇقيات جاۋاپتىلىقپەن قىزمەتتى تىڭعىلىقتى ىستەپ، جالعاستىرا بەرسەك، ىستەگەن ءىسىمىز اكەلگەن رازىلىق سەزىمى مەن تابىس سەزىمىن سەزىنىپ قانا قويماي، ونان دا ماڭىزدىسى، وزگەشە كىسىلىك قاسيەتىمىز ارتىپ، ىشكى جەتىلۋدى جۇزەگە اسىرىپ، ومىرىمىزگە ءتىپتى ايشىقتى ءار قوسامىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
