شينجياڭنىڭ سىرتقى ساۋداسى ءساتتى باستالدى
1 - ايداعى يمپورت - ەكسپورت ساۋدا سوماسى سايكەس مەزگىلدەگىدەن %11.7 ارتتى
2019.02.22 15:38 كەلۋ قاينارى : شينجياڭ گازەتى
ءتىلشىمىز چىن چياڭۋي 2 - ايدىڭ 20 - كۇنى ۇرىمجىدەن حابارلايدى. ءتىلشىنىڭ ءۇرىمجى كەدەنىنەن ۇعىسۋىنا قاراعاندا، 1 - ايدا شينجياڭنىڭ سىرتقى ساۋداسىنداعى يمپورت - ەكسپورت ساۋدا سوماسى 13 ميلليارد 940 ميلليون يۋانعا جەتىپ، سايكەس مەزگىلدەگىدەن ％11.7 ارتقان، مۇنىڭ ىشىندە، ەكسپورت سايكەس مەزگىلدەگىدەن ％10.2، يمپورت سايكەس مەزگىلدەگىدەن ％18.8 ارتقان.
1 - ايدا شينجياڭنىڭ سىرتقى ساۋداسىنىڭ بۇكىل ەلدەگى قاتارى 22 - ورىنعا كوتەرىلىپ، ەكى ورىن جوعارىلادى، يمپورت، ەكسپورت تۇگەلدەي ەكى ورىندى ارتۋدى جۇزەگە اسىردى، مۇنىڭ ىشىندە، يمپورتتىڭ ارتۋ جىلدامدىعى بۇكىل ەلدىڭ سايكەس مەرزىمىندەگى دەڭگەيىنەن 15.9 پايىز جوعارىلاپ، شينجياڭنىڭ سىرتقى ساۋداسىنىڭ ارتۋىن ىلگەرىلەتۋدەگى ءتيىمدى فاكتورعا اينالعان.
ءۇرىمجى كەدەنىنىڭ ساندى مالىمەتىندە كورسەتىلۋىنشە، 1 - ايدا شينجياڭنىڭ سىرتقى ساۋداسىندا شەكارالىق شاعىن سومالى ساۋدا تاسىلىندەگى يمپورت - ەكسپورت ساۋدا سوماسى 9 ميلليارد 250 ميلليون يۋان بولىپ، ％12 ارتقان؛ ادەتتەگى ساۋدا تاسىلىندەگى يمپورت - ەكسپورت سوماسى 4 ميلليارد 340 ميلليون يۋان بولىپ، ％20 ارتىپ، وتكەن جىلعى سايكەس مەرزىمدەگىدەن 2.2 پايىز كوبەيگەن.
1 - ايدا جۇڭگونىڭ شينجياڭىنىڭ قازاقستان، قىرعىزستان، رەسەي سياقتى نەگىزگى سىرتقى ساۋدا بازارىنا يمپورت - ەكسپورتى كورنەكتى ارتتى، قازاقستان جۇڭگو شينجياڭىنىڭ ءبىرىنشى ۇلكەن ساۋدا سەرىگى ورنىن جالعاستى ساقتادى. جۇڭگو شينجياڭىنىڭ قازاقستانمەن يمپورت - ەكسپورت ساۋدا سوماسى 5 ميلليارد 500 ميلليون يۋان بولىپ، ％7.8 ارتىپ، شينجياڭنىڭ سايكەس مەرزىمدەگى سىرتقى ساۋدا جالپى قۇنىنىڭ ％39.4ىن ۇستادى. قىرعىزستان، رەسەي جەكە - جەكە جۇڭگو شينجياڭىنىڭ 2 -، 3 - ءىرى ساۋدا سەرىگىنە اينالىپ، يمپورت - ەكسپورت ساۋدا سوماسى جەكە - جەكە ％2، ％41.2 ارتتى.
1 - ايدا شينجياڭ ەكسپورت ەتكەن توقىما ءجىپ بۇيىمدارى جانە زاتتارى، كيىم - كەشەك جانە كيىم - كەشەك قوسىمشا بۇيىمدارى، ءۇي جيھازدارى جانە ونىڭ ۇساق بولشەكتەرى، ساندىق، سومكە جانە سول تەكتەس بۇيىمدار، اياق كيىم، سۋلياۋ بۇيىمدار، ويىنشىق سياقتى 7 ۇلكەن تۇردەگى ءداستۇرلى ەڭبەككۇش شوعىرلانعان ونىمدەردىڭ قۇنى 6 ميلليارد 560 ميلليون يۋان بولىپ، ％7.9 ارتىپ، شينجياڭنىڭ ەكسپورت ساۋدا جالپى سوماسىنىڭ ％57.8ىن ۇستاپ، بىلتىرعى سايكەس مەرزىمدەگىدەن 1.3 پايىز ازايدى. شينجياڭنىڭ ەكسپورت ەتكەن اۋىل شارۋاشىلىق ونىمدەرىنىڭ قۇنى 590 ميلليون يۋان بولىپ، سايكەس مەرزىمدەگىدەن ％20 ارتىپ، ەكسپورت مولشەرى 78 مىڭ تونناعا جەتىپ، ％17.3 ارتىپ، جىلدام ارتۋ جاعدايى كورىندى.
ءۇرىمجى كەدەنىنىڭ تالداۋ جاساۋىنا نەگىزدەلگەندە، بيىل 1 - ايدا سىرتقى ساۋدانىڭ ءساتتى باستالۋىنداعى سەبەپ 2018 - جىلى شينجياڭنىڭ سىرتقى ساۋدانىڭ ءتيبىن وزگەرتىپ، دارەجەسىن كوتەرىپ، سىرتقى ساۋدا قۇرىلىمى اناعۇرلىم ساپالىلانعاندىعى. سونىمەن بىرگە، جاڭا جىل جانە كوكتەم مەرەكەسى كەزىندەگى دەمالىس فاكتورىنىڭ ىقپالىندا، سىرتقى ساۋدا كاسىپورىندارى يمپورت - ەكسپورتتى الدىعا ىلگەرىلەتىپ، قىزمەت كۇنگى ريتىمدى جەدەلدەتىپ، مەرەكە الدىنداعى ساۋدا بارىس - كەلىسىن جيىلەتكەن، كۇشەيتكەن. ەندى ءبىر جاعىنان، مەرەكە كەزىندە قوعامداعى ءار سالانىڭ ساتىپ الۋ، تۇتىنۋ تەبىنى كۇشەيىپ، يمپورت ونىمدەرىنە سۇرانىسى ارتىپ، جالپى جاقتان توسىندىق، شوعىرلىلىق، كولەمدىك تۇتىنۋدىڭ جارىققا شىعۋى جاڭا جىلدىق مەرەكە، دەمالىس كۇندەرىندەگى ساۋدانىڭ، تۇتىنۋدىڭ جوعارى ورلەۋگە كوتەرىلۋ مەزگىلىنىڭ قالىپتاسۋىنا تۇرتكى بولعان.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
