الەمدىك باۋ - باقشا كورمەسى ارقىلى شينجياڭدى ”ىقىلاسپەن“ سەزىنۋ
ساياحات - مادەنيەت ارناۋلى تاقىرىپتىق تانىستىرۋ جينالىسى ”شينجياڭ كۇنى“نە تىڭ ءار ۇستەدى
2019.09.19 15:08 كەلۋ قاينارى : شينجياڭ گازەتى
تىلشىلەرىمىز جاڭ تيڭ، ليۋ دۇڭلاي 9 - ايدىڭ 17 - كۇنى بەيجيڭنەن حابارلايدى. 9 - ايدىڭ 17 - كۇنى تۇستەن بۇرىن 2019 - جىلى جۇڭگو بەيجيڭ الەمدىك باۋ - باقشا كورمەسى ”شينجياڭ كۇنى“ قيمىلىنىڭ ساياحات - مادەنيەت ارناۋلى تاقىرىپتىق تانىستىرۋ جينالىسى وتكىزىلىپ، ”شينجياڭ كۇنى“ قيمىلىنا تىڭ ءار ۇستەدى. ”شينجياڭ جاقسى جەر، قازىر شينجياڭنىڭ قوعامى جاراسىمدى دا ورنىقتى، ەكونوميكاسى دامىپ، حالىق تۇرمىسى جاقسارىپ، ساياحات كاسىبى باياندى دامۋعا قول جەتكىزىپ، ەل ءىشى - سىرتىنداعى ساياحاتشىلاردىڭ جاقسى كورەتىن ساياحات نىسانالى جەرىنە اينالدى“. اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار باستىعى گۇلي ابىليم تانىستىرۋ جينالىسىندا: ”بيىل 8 - ايدىڭ سوڭىنا دەيىن شينجياڭ ساياحاتشىلاردان 150 ميلليون ادام - رەتكە جۋىق قابىلدادى“، - دەدى.
شينجياڭنىڭ ءارقايسى ايماق، وبلىس، قالالارىنىڭ ساياحات تاراۋلارىنىڭ جاۋاپتىلارى جابال مىنبەگە شىعىپ، اتا مەكەنىنىڭ جارشىسى بولدى. ”دۇنيە جۇزىلىك دەڭگەيدەگى قىسقى ساياحات نىسانالى جەرىن جاراتۋ“، ”تيانشاننىڭ سولتۇستىك باۋرايىندا جەكە اۆتوكولىكپەن سەيىلدەۋ“، ەرەكشە ساياحات... جاڭا جۇڭگو قۇرىلعاندىعىنىڭ 70 جىلدىعى قارساڭىندا، باۋراۋ قۋاتىنا يە قىرۋار ساياحات ونىمدەرى الەمدىك باۋ - باقشا كورمەسى ارقىلى ادامداردىڭ كوز الدىندا مەن مۇندالادى. شينجياڭ شار تاراپتاعى قوناقتاردىڭ، دوستاردىڭ اڭسارى اۋاتىن جەرگە اينالۋدا.
”شينجياڭ − ساياحات بايلىعى مول ءارى شوعىرلانعان ءوڭىر، وسى رەتكى سالتاناتتى جينالىس شينجياڭنىڭ كەزەڭدىك مادەنيەت ساياحات قىزمەتىنىڭ قورىتىندىسى بولىپ قانا قالماستان، كۇزگى ساياحاتقا جانە قىسقى قار - مۇز ساياحاتىنا ءورىس اشۋدىڭ تاماشا ورايى سانالادى“. اۆتونوميالى رايوندىق مادەنيەت جانە ساياحات مەڭگەرمەسى ساياحاتتى جالپىلاستىرۋ جانە سىرتپەن بايلانىس جاساۋ باسقارماسىنىڭ ورىنباسار باستىعى جاڭ رۇيحۋا مىنانى ءبىلدىردى: تانىستىرۋ جينالىسى ارقىلى شينجياڭنىڭ بۇكىل ەلدىڭ جەر - جەرىنىڭ ساياحات سالاسىمەن اۋىس - كۇيىستى كۇشەيتىپ، كاسىپ سالاسى سەلبەستىگىنىڭ جاڭا تۇعىرىن ورناتۋدى ءۇمىت ەتەمىز.
قيمىل مايدانىندا، كوپتەگەن ساياحاتشىنى ”شينجياڭدى جۇرەكتەن سەزىنۋ“ سۋرەتتى نەگىزگى تاقىرىپتىق كورمەسى باۋرادى. ولار رومانتيكا − كوكتەم، شۇعىلالى − جاز، التىن − كۇز، كىرشىكسىز − قىس سىندى 4 ۇلكەن نەگىزگى تاقىرپتىق كورمە سۋرەتى ارقىلى شينجياڭنىڭ ءتورت ماۋسىمىنىڭ ۇقساماعان كوركىن سەزىندى.
شينجياڭنىڭ كۇزگى، قىسقى ساياحاتى ادامداردىڭ نازار اۋدارعان تۇيىنىنە اينالدى. ”بۇرىن شينجياڭدى جازدا عانا بارۋعا ۇيلەسەدى دەپ قارايتىنمىن، كۇز ماۋسىمى مەن قىس ماۋسىمىنىڭ دا وسىنشاما كورىكتى ەكەنىن، وسىنشاما كوپ ساياحات جەلىسى مەن ونىمدەرىنىڭ بار ەكەندىگىن ويلاپ كورمەگەن ەكەنمىن“. الەمدىك باۋ - باقشا كورمەسىن ارالاپ جۇرگەن جىجياڭدىق جىگىت جاڭ حىياڭ: ”ءسوزسىز، شينجياڭعا بارىپ، ءتورت ماۋسىمنىڭ كوركىن تاماشالايمىن“ دەدى.
تانىستىرۋ جينالىسى مايدانىندا تاعى شينجياڭنىڭ ءارقايسى ايماقتارىنىڭ، وبلىستارىنىڭ، قالالارىنىڭ ساياحات ونىمدەرى جانە مادەنيەت جاسامپازدىق ونىمدەرى، بەيزاتتىق مادەنيەت مۇراعات بايلىقتارى جانە باسقا دا وزىندىك ەرەكشەلىككە يە ساياحات بايلىعى كورمە ورىندارى بار بولىپ، مادەنيەت ارقىلى ساياحاتتى جەبەدى، ساياحات ارقىلى مادەنيەتتى ايگىلەدى. ”ءبىز تانىستىرۋ جينالىسى ارقىلى اناعۇرلىم كوپ ادامنىڭ شينجياڭنىڭ الۋان ءتۇرلى مادەنيەتىن ۇعىنۋىنا، اناعۇرلىم كوپ ادامنىڭ شينجياڭ سىندى وسى تاماشا جەردى ’جۇرەكتەن‘ سەزىنۋىنە مۇمكىندىك جاساپ، وسى ارقىلى شينجياڭدى حالىقارالىق جوعارى دەڭگەيدەگى دەمالىس وتكىزەتىن، ساياحاتتايتىن نىسانالى جەر ەتىپ قۇرىپ شىعىپ، شينجياڭ ەكونوميكاسىنىڭ دامۋىن جەبەۋدى ءۇمىت ەتەمىز“، - دەدى جاڭ رۇيحۋا.
شينجياڭ ساياحات سەرىكتەستىگى قوعامىنىڭ باستىعى ۋ فىڭ بىلاي دەپ تانىستىردى: وسى رەت 70 ساياحات سەرىكتەستىگى تانىستىرۋ جينالىسىنا قاتىناستى، قوعامىمىز شينجياڭنىڭ ءارقايسى ايماق، وبلىس، قالاسىن قامتىعان 70 نەشە ساياحات جەلىسىن جانە ونىمدەرىن الا كەلدى. ”شينجياڭ اشقان ساياحات ونىمدەرى كوزدىڭ جاۋىن الادى، بەيجيڭ ساياحات سەرىكتەستىكتەرىنىڭ قىزۋ قارسى الۋىنا بولەندى. بۇل رەتكى تانىستىرۋ جينالىسىندا بەيجيڭ ساياحات سەرىكتەستىكتەرى العا قويعان سۇرانىسىنا مەڭزەس، ءبىز دە شينجياڭنىڭ جەر - جەرىندەگى ساياحات سەرىكتەستىكتەرىمەن بايلانىس جاساپ، سايكەستىرىپ، تەز ارادا تىڭعىلىقتى تياناقتاندىرۋعا قۇلشىنۋدامىز“، - دەدى ۋ فىڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
