دۇڭجياۋان قىستاعى اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىن ىلگەرىلەتتى −
قىستاق تۇرعىندارىنىڭ جىلدىق جان باسىندىق پايدا ءبولىسى 3 جىل ءۇرتىس ارتتى
□ شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن، ەرىكتى ءتىلشى ليۋ حۇي
2020.12.25 15:30 كەلۋ قاينارى : شينجياڭ گازەتى
قىستاق تۇرعىندارىنىڭ ادەمى سالىنعان تۇرعىن ءۇي عيماراتتارى، رەتتى تىزىلگەن دۇكەندەر، تاپ - تازا اسفالت جولدار، ساۋلەتتى دەنە تاربيە سارايى، قىستاق تۇرعىندارىنىڭ كۇلكى ەسكەن جۇزدەرى... بۇل جەمسارى اۋدانى ىرگۇڭ قالاشىعى دۇڭجياۋان قىستاعىنىڭ ادامدارعا بەرەتىن العاشقى اسەرى.
اۆتونوميالى رايوننىڭ اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسىنىڭ سىناق ءتۇيىنى رەتىندە، 2016 - جىلى دۇڭجياۋان قىستاعى اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى قىزمەتىن جۇرگىزدى، 2018 - جىلى جالپى بەتتىك ورىندادى ءارى قىستاق كوللەكتيۆ شارۋاشىلىق كووپەراتيۆىن قۇردى. وسى كووپەراتيۆتى سۇيەنىش ەتە وتىرىپ، بۇل قىستاق جەردى جارناعا قوسۋ، جارنانى بىرلەسىپ باسقارۋ سياقتى كوپتەگەن تاسىلدەر جونىندە ىزدەنىس جاساپ، اۋىل - قىستاق مال - مۇلىك بايلىعىن ىسكە قوستى، كوللەكتيۆ شارۋاشىلىقتى جاڭالىق اشا دامىتتى، قىستاق تۇرعىندارىن دامۋدىڭ پايداسىنان بىرگە يگىلىكتەندىردى. قازىرگە دەيىن دۇڭجياۋان قىستاعىنىڭ كوللەكتيۆ قور قارجىسى 17 ميلليون يۋان، قىستاق كوللەكتيۆ شارۋاشىلىق كووپەراتيۆىنىڭ بيىلعى مەجەلى كىرىسى 3 ميلليون يۋان بولدى، قىستاق تۇرعىندارىنا بيىل جان باسىنا مەجەمەن 1800 يۋان پايدا ءبولىنىپ، ”3 جىل ءۇرتىس ارتۋدى“ جۇزەگە اسىردى.
بيىل 37 جاستاعى ۋاڭ فىڭ بۇرىنعى جىلداردا سىرت جەردە جۇك كولىگىن جۇرگىزەتىن، قىستاقتا كوللەكتيۆ شارۋاشىلىق كووپەراتيۆى قۇرىلعاننان كەيىن، ول اۋىلعا قايتىپ جەردى كوتەرەگە الدى. ”تيجارات كىرىسىنەن سىرت، مەن ءار جىلى تاعى ’ۇلكەن ۇڭباۋ‘ الامىن. 2018 - جىلى مەن 1052 يۋان الدىم، 2019 - جىلى 1287 يۋان الدىم“، - دەدى ۋاڭ فىڭ.
قىستاقتىڭ كوللەكتيۆ بايلىعىن جارناعا سىندىرىپ ناقتىلاندىرعاننان كەيىن، قانداي ادامدارعا پايدا بولىنەدى؟ قالاي بولىنەدى؟
”ءبىز قىستاق تۇرعىندارىنىڭ وسى كوللەكتيۆ شارۋاشىلىق ۇيىمىنداعى ەڭبەك ۋاقىتى مەن ۇلەسىن جارناعا سىندىرامىز“. دۇڭجياۋان قىستاعى پارتيا باس ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى، قىستاق كوللەكتيۆ شارۋاشىلىق كووپەراتيۆىنىڭ القا باستىعى ۋ چاڭۋي تانىستىرىپ بىلاي دەدى: مال - مۇلىك ۇقىعى ءتۇزىمى رەفورماسى ارقىلى قىستاق كوللەكتيۆىنىڭ 10 ميلليون 780 مىڭ يۋان تيجارات سيپاتىنداعى مال - مۇلكىن ناقتىلاندىرىپ جارناعا اينالدىردىق، 1610 قىستاق تۇرعىنى كووپەراتيۆتىڭ جارناگەرىنە اينالدى.
2020 - جىلى دۇڭجياۋان قىستاعى كوللەكتيۆ شارۋاشىلىق كووپەراتيۆى باسقا 2 قىستاقتىڭ كوللەكتيۆ شارۋاشىلىق كووپەراتيۆىمەن بىرلەسىپ، اۋداندىق قامداۋ - ساتۋ كووپەراتيۆى مال - مۇلىك باسقارۋ ورتالىعىمەن جارنا قوسىپ، سەلبەستىك جاساپ، تيانتيڭيۋان قامداۋ - ساتۋ كووپەراتيۆى شەكتى جاۋاپكەرشىلىك سەرىكتەستىگىن قۇردى. جاڭادان قۇرىلعان تيانتيڭيۋان قامداۋ - ساتۋ كووپەراتيۆى شەكتى جاۋاپكەرشىلىك سەرىكتەستىگى دۇڭجياۋان قىستاعىنىڭ، باحۋ قىستاعىنىڭ جانە حايزىيان قىستاعىنىڭ 24 مىڭ مۋ جەرىنە ەگىس داقىلدارىن ماشينامەن ەگۋ - ورۋ، عىلىم - تەحنيكالىق جاقتان جەتەكشىلىك ەتۋ، دەرت - دەربەزدەن، زياندى جاندىكتەردەن ساقتانۋ سياقتى ”ءبىر تىزبەكتى“ قىزمەت كورسەتۋدى ازىرلەپ، ”جارناگەرلەر سەرىكتەستىكتىڭ قىزمەت كورسەتۋىن ساتىپ الاتىن، سەرىكتەستىك پايدانى جارنالى شارۋاشىلىق كووپەراتيۆىنە قايتارىپ بەرەتىن، جارنالى شارۋاشىلىق كووپەراتيۆى پايدانى جارناگەرلەرگە ءبولىپ بەرەتىن“ جابىق اينالىمدى كاسىپ سالاسى تىزبەگىن قالىپتاستىرىپ، قىستاق كوللەكتيۆىنىڭ جىلدىق كىرىسى ءبىر ميلليون 600 مىڭ يۋان بولىپ، قىستاق تۇرعىندارى دا ارادان اجەپتاۋىر يگىلىككە كەنەلدى.
ۋاڭ فىڭ بيىل 3400 مۋ جەردى كوتەرمەگە الىپ، قىزاناق، ءبيداي، جۇگەرى، ت. ب ەكتى. ول بىلاي دەدى: تيانتيڭيۋان قامداۋ - ساتۋ كووپەراتيۆى قۇرىلعاننان كەيىن، ءبىر تەلەفون شالىپ قانا اۋىل شارۋاشىلىق تيجاراتى قىزمەت كورسەتۋىنەن يگىلىكتەنۋگە بولادى، الاڭسىز دا جەڭىل، وزىندىك قۇن دا ۇنەمدەلەدى، ”ايتالىق، اۋىل شارۋاشىلىق ماشينالارىنىڭ توپىراقتى قوپسىتۋ جۇمىستارىندا ادەتتەگى اۋىل شارۋاشىلىعى ماشينالارى بار ادامداردى ىزدەسەك، باعاسى ءار مۋىنا 25 يۋاننان بولاتىن، ال كووپەراتيۆتىڭ قىزمەت كورسەتۋ باعاسى ءار مۋىنا 23 يۋاننان بولادى، تەك وسى ءبىر تۇردەن جىلىنا 7000 يۋانعا جۋىق اقشانى ۇنەمدەپ قالامىز“.
ۋ چاڭۋي تانىستىرىپ بىلاي دەدى: دۇڭجياۋان قىستاعى تاعى اشىق جالعا بەرۋ، تيجاراتتى كوتەرمەگە بەرۋ سياقتى ادىستەر ارقىلى قىستاقتاعى ”ءتورت يەن جەر“ بايلىعىن اشىپ، قىستاق تۇرعىندارىن ۇيلەرىنىڭ ماڭىنان شارۋالار شاتتىعى ساياجايىن اشۋعا شابىتتاندىردى ءارى اراق اشىتۋ زاۆودى، دايىن كەسپە زاۆودى سياقتى 3 كاسىپورىندى قارجى قوسىپ زاۆود سالۋعا ەنگىزىپ، قىستاق كوللەكتيۆىنىڭ كىرىسىن ارتتىرۋمەن بىرگە، تاعى 40تان استام قىستاق تۇرعىنىن ۇيلەرىنىڭ ماڭىنان جۇمىستانۋعا جەتەكتەدى. بۇدان سىرت، قىستاق كوللەكتيۆ شارۋاشىلىق كووپەراتيۆى تاعى جەمسارى اۋدانى گوتوۋ سەرىكتەستىگىنىڭ قۇرىلىس نىسانىنا جارنا قوسۋ، ت. ب ءتاسىلى ارقىلى كوپ ءتۇرلى فورماداعى اۋىل - قىستاق جارنا سەلبەستىگىن قانات جايدىرىپ، كوللەكتيۆ شارۋاشىلىعىن زورايتىپ، جەرگىلىكتى جاعدايعا قاراي كوپ ءتۇرلى جولمەن كىرىستى ارتتىرۋدىڭ باياندى مەحانيزمىن ورناتىپ، قىستاقتىڭ كوللەكتيۆ شارۋاشىلىعى ورنىقتى ارتىپ، قىستاق تۇرعىندارى جىل سايىن پايدا بولىسە الاتىن بولدى.
بۇقارانىڭ ءوندىرىس، تۇرمىس شارت - جاعدايىن جاقسارتۋ ءۇشىن، دۇڭجياۋان قىستاعىنىڭ كوللەكتيۆ شارۋاشىلىق كووپەراتيۆى جەردى جارناعا قوسۋ ءادىسىن قولدانىپ، تيانحى جيايۋان شاعىن اۋماعىن سالدى، وندا 20 عيمارات 720 تۇرعىن ءۇي بار. قىستاق تۇرعىندارى شارت - جاعدايى ناشار جاتاعان ۇيلەردەن نەگىزدىك قۇرىلعىلارى كەمەلدى عيمارات ۇيلەرگە كوشىپ كىردى، قىستاق كوللەكتيۆىنىڭ كىرىسى 3 ميلليون 200 مىڭ يۋان ارتتى.
”اۋىل - قىستاق كوللەكتيۆ مال - مۇلىك ۇقىعى ءتۇزىمى رەفورماسى قىستاق پارتيا ۇيىمىنىڭ ۇيىسۋ قۋاتى مەن قىستاق كوللەكتيۆ شارۋاشىلىعىنىڭ ناقتى قۋاتىن ارتتىردى، ونان دا ماڭىزدىسى، قىستاق تۇرعىندارىن ناقتىلى تيىمدىلىككە كەنەلتتى“. ۋ چاڭۋي مىنانى ءبىلدىردى: قىستاق جاڭاشا اۋىل - قىستاق كوللەكتيۆ شارۋاشىلىعىن دامىتۋعا بەلسەنە ىزدەنىس جاساپ، قىستاق تۇرعىندارىنىڭ رەفورمانىڭ، دامۋدىڭ پايداسىنان يگىلىكتەنۋ بارىسىندا اناعۇرلىم كوپ تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولۋىنا مۇمكىندىك جاسايدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
