كەريا ۋانفاڭ اۋەجايى رەسمي ىسكە قوسىلدى
قۇربان اتايدىڭ اۋىلىنا ۇشاق قاتىنادى
2020.12.28 10:13 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى ما ينيڭ 12 - ايدىڭ 26 - كۇنى كەريادان حابارلايدى. 60 نەشە جىلدىڭ الدىنداعى قۇربان تۇلىمنىڭ ەسەگىنە ءمىنىپ بەيجيڭگە بارىپ ءتوراعا ماۋ زىدۇڭدى كورمەكشى بولعان اڭگىمەسى جۇرتقا ايان؛ قازىرگى تاڭدا قۇربان اتايدىڭ اۋىلى كەريا اۋدانىنا ۇشاق قاتىنادى. 2020 - جىلى 12 - ايدىڭ 26 - كۇنى ساعات 12 مولشەرىندە ءۇرىمجى اۆياتسياسىنىڭ UQ2573 كەزەكشى ۇشاعى كەريا ۋانفاڭ اۋەجايىنا كەلىپ قونىپ، شينجياڭنىڭ 22 - حالىقتىق اۋەجايى رەسمي ىسكە قوسىلدى.
كەريا اۋدانى شينجياڭنىڭ باتىس وڭتۇستىك بولىگىنە، تاكلاماكان ءشولىنىڭ وڭتۇستىك جيەگىنە ورنالاسقان، كەزىندە مەملەكەت دارەجەلى اۋىر كەدەي اۋدان، سونداي - اق قاتىناسى تۇيىق جەر بولاتىن. بىرنەشە جىلدان بەرى مەملەكەت وڭتۇستىك شينجياڭ ءوڭىرىنىڭ نەگىزدىك قۇرىلعى قۇرىلىسىنىڭ سەرپىنىن ۇزدىكسىز ارتتىرىپ، كەريانىڭ قاتىناس شارت - جاعدايى ۇزدىكسىز جاقساردى. ۋانفاڭ اۋەجايىنىڭ ىسكە قوسىلۋى كەريانىڭ بۇكىل ەلگە جالعاناتىن ”اۋە ءدالىزىن“ اشتى.
قۇربان اتايدىڭ جيەنشارى رۋحيام ءماتسايدى جۇرەك تەبىرەنىسىن باسا الماي: ”كەرياعا ۇشاق قاتىنادى، بەيجيڭگە بارۋ ءتىپتى دە قولايلى بولدى. ءبىز شەكارا ءوڭىر پەرزەنتى پارتيا ورتالىق كوميتەتىنىڭ قامقورلىعىنا العىس ايتامىز، ءبىز ماڭگى بەيجيڭمەن جۇرەكتەسپىز“، - دەدى.
1950 - جىلى جاڭا جۇڭگو قۇرىلعاندىعىنىڭ ءبىر جىلدىعى قارساڭىندا، ءتوراعا ماۋ زىدۇڭ «حۋانشيشا. ليۋيازى مىرزاعا» دەگەن ولەڭىندە قۋانىشپەن: شىرقاسىمەن اتەشتىڭ نۇرلاندى استى اسپاننىڭ، ءان - كۇيىنە بار ۇلتتىڭ يۇيتيان سازى قوسقان ءۇن“ دەپ قالام سىلتەگەن ەدى.
جەر رەفورماسى كەزىندە العاش رەت بولىستەن ءۇي جانە جەر تيگەن قۇربان اتايدا بەيجيڭگە بارىپ ءتوراعا ماۋ زىدۇڭعا امانداسىپ، العىس كوڭىلىن ءبىلدىرۋ ويى تۋادى. 1955 - جىلى كۇزگى جيىن - تەرىننەن كەيىن، ول جاڭا پىسىرعان نانىن بوكتەرىپ، ەسەگىنە ءمىنىپ بەيجيڭگە بارماق بولعانىمەن، ويى ورىندالماي قالادى. 1958 - جىلى 6 - ايدا، ول ەڭبەك ەرى رەتىندە بەيجيڭگە كەلىپ، اقىرى ارمانداعان ءتوراعا ماۋ زىدۇڭعا كەزىگەدى.
پارتيا 18 - قۇرىلتايىنان بەرى كەريا اۋدانىنىڭ دامۋى جەدەل ارناعا ءتۇستى. اۋىلىنداعى كۇن سايىن جاڭالانىپ، اي سايىن تۇلەجىگەن وزگەرىستى كورگەن قۇربان اتايدىڭ ۇلكەن قىزى توحتىحان قۇربان باس شۋجي شي جينپيڭگە نەمەرە قىزى رۋحيام ارقىلى حات جازدىرىپ، پارتيا مەن ۇكىمەتتىڭ قامقورلىعىنا العىس ايتىپ، وتاندى قىزۋ سۇيەتىن، شينجياڭدى قىزۋ سۇيەتىن، مەكەندى قىزۋ سۇيەتىن تىلەگىن بەينەلەدى.
2017 - جىلى 1 - ايدىڭ 11 - كۇنى باس شۋجي شي جينپيڭ توحتىحانعا جاۋاپ حات قايتارىپ، قۇربان اتايدىڭ ۇرپاقتارىن پارتيانى قىزۋ سۇيەتىن، وتاندى قىزۋ سۇيەتىن، جۇڭحۋا ۇلتى ۇلى شاڭىراعىن قىزۋ سۇيەتىن ۇلگىلەردەن بولىپ، ءار ۇلت بۇقاراسىنىڭ اناردىڭ دانىندەي تىعىز ۇيىسۋىن جەبەپ، پارتيانىڭ باسشىلىعىندا شينجياڭنىڭ اناعۇرلىم جارقىن بولاشاعىنا جول اشۋعا ىنتالاندىردى.
”ۇشا الۋ، ۇشقاندا جاقسى ۇشۋ كەرەك“. حالىقتىق اۆياتسيا شينجياڭ باسقارۋ مەكەمەسىنىڭ باستىعى جاڭ جۇنپيڭ بىلاي دەدى: كەريا ۋانفاڭ اۋەجايى اۆتونوميالى رايوننىڭ ”13 - بەسجىلدىق“ جوباسىنداعى ءتۇيىندى قۇرىلىس نىسانى ءارى ”مەملەكەتتىڭ 30 ماڭىزدى اۋەجاي نىسانىنىڭ“ ءبىرى. 2019 - جىلى 10 - ايدىڭ 25 - كۇنى باستالعان اۋەجاي قۇرىلىسى بيىل 11 - ايدىڭ 30 - كۇنى اياقتاپ، تەكسەرىپ وتكىزىپ الىنىپ، ناقتى ءونىمدى قۇرىلىس مەرزىمى 338 كۇن بولىپ، حالىقتىق اۆياتسيا تاريحىنداعى تارماق اۋەجاي قۇرىلىسىنىڭ ”كەريا جىلدامدىعىن“ جاراتتى.
كەريا اۋدانىنىڭ اكىمى عايرات يۇنۇس بىلاي دەدى: اۋەجايعا ۇشاق قاتىناۋ حوتان ايماعىنىڭ جالپىلىق قاتىناس جۇيەسىن كەمەلدەندىرىپ قويماي، جەرگىلىكتى ەكونوميكانىڭ دامۋىنداعى بوگەتتى دە تالقانداپ، ساياحات كاسىبى مەن زات اينالىمى كاسىبىنىڭ دامۋىن جەبەپ، كەدەيلىكتەن ارىلتۋ جەتىستىكتەرىن بەكەمدەۋدە، وڭىرلىك ەكونوميكانى اناعۇرلىم جاقسى، اناعۇرلىم شاپشاڭ دامۋعا جەتەكتەۋدە ماڭىزدى رول اتقارادى.
”اجەمنىڭ كوزى تىرىسىندەگى ەڭ ۇلكەن ارمانى بەيجيڭگە بارىپ تيان - انمىندى كورۋ ەدى. قازىر اۋەجايعا ۇشاق قاتىنادى، مەن وتباسىمداعىلارمەن بىرگە ونىڭ وسى ارمانىن جۇزەگە اسىرۋعا بارامىن“، - دەيدى رۋحيام.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
