شوكىرات زاكىر نەگىزگى ساتى ۋاكىلدەرى اڭگىمە ءماجىلىسىن باسقارىپ اشتى
اۆتونوميالى رايوننىڭ ”14 - بەسجىلدىق“ جوبا باعدارلاماسىن جاساۋ قاتارلىلار جونىندە پىكىر - ۇسىنىس تىڭدادى
2020.12.28 10:20 كەلۋ قاينارى : شينجياڭ گازەتى
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 12 - ايدىڭ 25 - كۇنى ۇرىمجىدەن حابارلايدى. 12 - ايدىڭ 23 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ءماجىلىستى باسقارىپ اشىپ، نەگىزگى ساتى ۋاكىلدەرىنىڭ «شينجياڭ ۇيعۇر اۆتونوميالى رايونىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى جانە 2035 - جىلعى بولاشاقتىق نىسانا باعدارلاماسى (پىكىر الۋ نۇسقاسى)» جانە «ۇكىمەت قىزمەتىنەن بايانداما (پىكىر الۋ نۇسقاسى) جونىندە پىكىر - ۇسىنىس تىڭدادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين اڭگىمە ماجىلىسكە قاتىناسى.
الەۋمەتتىك اۋماق، اۋىل - قىستاق، مەكتەپ، كاسىپورىن، جەكە ساۋدا - ونەركاسىپشىلەر سياقتى تۇرلىشە سالادان كەلگەن 14 نەگىزگى ساتى ۋاكىلى اشىق - جارقىن، ەمىن - ەركىن بەينەدە كوسىلە سويلەدى. ولار ءبىر اۋىزدان بىلاي دەپ قارادى: ”13 - بەسجىلدىق“ كەزىندە تۇتاس رايونىمىزدىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا بۇرىن بولماعان تاريحي سيپاتتى تابىستار قولعا كەلدى. ءسوز ساتىندە كوپشىلىك ىندەتتىڭ ىقپالىن جەڭۋ، ساۋدا كاسىبىنىڭ دامۋىن جەبەۋ، دارەتحانا توڭكەرىسى مەن ەكولوگيا، اۋىل شارۋاشىلىعىن ۇشتاستىرۋ، جاستاردىڭ شارۋاشىلىق قۇرۋى، جاڭالىق اشۋى، جەدەل جولداما كاسىبى مەن ەلەكتروندى ساۋدا كاسىپ سالاسىن جەدەل دامىتۋدى جەبەۋ سياقتى جاقتاردان اۆتونوميالى رايوننىڭ ”14 - بەسجىلدىق“ جوبا باعدارلاماسىن جاساۋىنا جانە ۇكىمەت قىزمەتىنەن باياندامانى ازىرلەۋىنە ۇسىنىس بەردى.
كوپشىلىكتىڭ پىكىر - ۇسىنىسىن مۇقيات تىڭداعاننان كەيىن، شوكىرات زاكىر بىلاي دەدى: ۇكىمەت قىزمەتىن ويداعىداي ىستەۋدە، ءسوزسىز، ءار جاقتىڭ پىكىرىن تولىق، دەن قويا تىڭداۋ، حالىقتىڭ ەرىك - جىگەرىن جاپپاي ايگىلەۋ قاجەت. كوپشىلىك ەكونوميكالىق، قوعامدىق تۇرمىسقا ەڭ تىكە ارالاسىپ وتىر، بۇقارامەن بايلانىسى ەڭ قويۋ، پارتيانىڭ لۋشيان، باعىت - ساياساتتارىنىڭ تياناقتانىپ، ءونىم بەرۋىن سەزىنۋى ەڭ شىنايى، ورتاعا قويعان پىكىر - ۇسىنىستارى نەگىزگى ساتىنىڭ ءىس جۇزىندىگىنە جاناسىمدى، بۇقارانىڭ جۇرەك ءسوزىن اڭعارتقان، بۇل جوبا باعدارلاماسى مەن ۇكىمەت قىزمەتىنەن باياندامانى كەمەلدەندىرۋ جونىنەن قۋاتتى وي سالۋ جانە جەتەكشىلىك ەتۋ سيپاتىنا يە بولۋمەن بىرگە، ونان دا ماڭىزدىسى، ۇكىمەتتىڭ ءتۇرلى قىزمەتتەردى اناعۇرلىم ويداعىداي ىستەۋىنە كۇشتى قۋزاۋشىلىق ىستەيدى جانە جەبەيدى. ءبىز مۇقيات تالداۋ جاساپ، تولىق قابىلداپ، وزگەرىس ەنگىزىپ كەمەلدەندىرىپ، جوبا باعدارلاماسى مەن ۇكىمەت قىزمەتىنەن باياندامانى شينجياڭنىڭ ءىس جۇزىندىگىنە اناعۇرلىم ۇيلەستىرەمىز، ءار ۇلت بۇقاراسىنىڭ وي - ارماندارىنا، كۇتكەن تىلەكتەرىنە اناعۇرلىم ۇيلەستىرەمىز.
شوكىرات زاكىر بىلاي دەپ اتاپ كورسەتتى: ”14 - بەسجىلدىق“ مەزگىلى شينجياڭنىڭ قوعام ورنىقتىلىعى تابىستارىن بەكەمدەيتىن، جوعارى ساپالى دامۋدى ىلگەرىلەتەتىن، باياندى تىنىشتىققا ارشىندى قادام تاستايتىن شەشۋشى 5 جىل. ءبىز پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ەكونوميكانىڭ ورنىقتى دا باياندى، قوعامنىڭ تىنىش تا جاراسىمدى بولۋىن جۇزەگە اسىرۋىمىز كەرەك. كوپشىلىكتىڭ اۆتونوميالى رايوندىق پارتكوم مەن ۇكىمەتتىڭ قىزمەتتەرىنە اۋەلگىدەي كوڭىل ءبولىپ، نازار اۋدارىپ، شينجياڭ رەفورماسىنا، دامۋىنا بەلسەنە قولداۋ كورسەتىپ جانە ات سالىسىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتتارى مەن كۇش - قۋاتتارىن ارناۋلارىن ءۇمىت ەتەمىن.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
