جازدىق دەمالىستاعى حاۋىپسىزدىك جونىندەگى شاعىن ەسكەرتپە 

شىجىعان جاز كەلىپ، جازدىق دەمالىس تا تاياپ قالدى! الايدا، مىنانى ۇمىتپاڭىزدار، حاۋىپسىزدىك — ءبىزدىڭ جازدىق دەمالىستى كوڭىلدى وتكىزۋىمىزدىڭ كەپىلى. ساباقتاستار، جازدىق دەمالىستاعى حاۋىپسىزدىك تۋرالى مىنا شاعىن ەسكەرتپەنى بىرگە ۇيرەنەيىك!

ىستىقتان ساقتانۋ

تەرلەگەننەن كەيىن سۋدى كوبىرەك ءىشىپ، سالقىن ورىنعا بارعان ءجون. سىرتقا شىققان كەزدە، ىستىقتان ساقتاناتىن ءۇش ”اسىلدى“ — كۇندىك، كۇنقاعارلى شاپكى جانە قارا كوزىلدىرىكتى ۇمىتپاعان وڭ.

سۋعا تۇنشىعۋدان ساقتانۋ

سۋ بويىندا ويناعاندا، حاۋىپسىزدىكتى ءبىرىنشى ورىنعا قويۋ كەرەك. حاۋىپسىزدىك شاراسى قولدانىلماعان جەردە سۋعا جۇزبەۋ قاجەت، قاتەرگە جولىققاندا، قاتتى ايقايلاپ، ۇلكەندەردەن كومەك سۇراعان دۇرىس، كوزسىزدىكپەن ءوزىمدى – ءوزىم قۇتقارامىن دەپ ويلاماعان ءجون.

بيىكتەن قۇلاۋدان ساقتانۋ

تەرەزە جاقتاۋى، سامالدىق سياقتى بيىك جەرلەرگە بارعاندا، اباي بولعان ءجون.

قاتىناس حاۋىپسىزدىگى

قىزىل شىراق جانعاندا توقتاپ، جاسىل شىراق جانعاندا جۇرۋگە بولادى، قاتىناس قاعيداسىن ەستە بەرىك ساقتاعان ابزال. جول جۇرگەندە، ۆەلوسيپەتپەن جۇرگەندە تەلەفونعا قاراماۋ، جول ۇستىندە ويناماۋ كەرەك، اۆتوموبيلدىڭ اينالاسىندا ويناماعان ءجون.

توكتەن حاۋىپسىز پايدالانۋ

توك — كوزگە كورىنبەيتىن قاتەرلى نارسە، توكتىڭ جالپى باسقارۋ كنوپكاسىن پايدالانۋدى ۇيرەنىپ الىپ، شۇعىل جاعدايدا توكتى ۇزگەن ءجون. قول سۋ كەزدە ەلەكتر بۇيىمدارىن سيپاماعان ءجون.

ازىق – تۇلىك حاۋىپسىزدىگى

كوكونىستى شيكىدەي جەگەن نەمەسە جەمىس جەگەن كەزدە، قولدى جۋۋدى ۇمىتپاعان ءجون. اسقان تاماقتى ىسىتىپ جەۋ كەرەك، تازا ەكەنىنە كەپىلدىك ەتىلمەگەن تاماقتى جەمەۋ كەرەك.

ساباقتاستار، حاۋىپسىزدىككە قاتىستى بۇل بىلىمدەردى تۇگەل ۇيرەنىپ الدىڭدار ما؟

كەلۋ قاينارى: حالىق تورابى