شي جينپيڭ ا ق ش جاستارى مەن ورەندەرىنىڭ ”جاستىق ورال ساپارلاستارى“ اۋىس - كۇيىس ۇيىرمەسىنە سالەم جولدادى

شينحۋا اگەنتتىگى، 7 - ايدىڭ 2 – كۇنى، بەيجيڭ. 7 - ايدىڭ 1 - كۇنى مەملەكەت ءتوراعاسى شي جينپيڭ ا ق ش جاستارى مەن ورەندەرىنىڭ ”جاستىق ورال ساپارلاستارى“ اۋىس - كۇيىس ۇيىرمەسىنە سالەم جولدادى.

شي جينپيڭ بىلاي دەپ اتاپ كورسەتتى: جۇڭگو - ا ق ش قارىم - قاتىناسىنىڭ ءۇمىتى حالىقتا، نەگىزى حالىقتا، بولاشاعى جاستاردا، ومىرشەڭدىگى جەرگىلىكتى ورىنداردا. سىزدەردىڭ وسى رەتكى ساپار ارقىلى جۇڭگونى تانۋلارىڭىزدى، جۇڭگونى تۇسىنۋلەرىڭىزدى، جۇڭگونى سەزىنۋلەرىڭىزدى، جۇڭگونىڭ جاستار - ورەندەرىمەن اۋىس - كۇيىس، بارىس - كەلىس جاساپ، جاقسى سەرىكتەرگە، جاقسى دوستارعا اينالۋلارىڭىزدى، ەكى ەل حالىقتارى اراسىندا اناعۇرلىم كوپ ءوزارا ءتۇسىنىسۋ، جاقىنداسۋ كوپىرىن سالىپ، جۇڭگو - ا ق ش حالىقتارىنىڭ دوستىعىن كۇشەيتۋگە ۇلەس قوسۋلارىڭىزدى ءۇمىت ەتەمىن.

ا ق ش جاستارى مەن ورەندەرىنىڭ ”جاستىق ورال ساپارلاستارى“ تاجىريبە الماستىرۋ ۇيىرمەسى ا ق ش - نىڭ 7 شتاتىنداعى 14 ورتا مەكتەپتەگى وقىتۋشى – وقۋشىلاردىڭ 190 ۋاكىلىنەن ۇيىمداسقان، جۇڭگو حالىق شەتەلدەرمەن دوستىق بايلانىس قوعامى ۇسىنىس جولداعان ءارى قابىلداعان.

  كەلۋ قاينارى: حالىق تورابى