شىنجوۋ 18 – ءنومىرلى عارىش اسپابىنداعى عارىشكەرلەر ەكىنشى رەت عارىش بولمەسىنەن شىعۋدى ورىندادى 

حالىق گازەتىنىڭ ءتىلشىسى ليۋ شىياۋ 7 – ايدىڭ 3 – كۇنى بەيجيڭنەن حابارلايدى. جۇڭگو عارىشكەرلى عارىش ينجەنەرياسى كەڭسەسىنەن ۇعىسۋعا قاراعاندا، شىنجوۋ 18 – ءنومىرلى عارىش اسپابىنداعى 3 عارىشكەر 2 – رەت عارىش بولمەسىنەن شىعىپ ارەكەتتەنۋدى تابىسپەن ورىندادى. سول كۇنى ساعات 22 دەن 51 مينۋت وتكەندە، عارىش بولمەسىنەن 6.5 ساعات شىعىپ ارەكەتتەنۋ ارقىلى شىنجوۋ 18 – ءنومىرلى عارىش اسپابىنداعى عارىشكەرلەر يە گۋاڭفۋ، لي سۇڭ، لي گۋاڭسۋ تىعىز سايكەسىپ، عارىش بەكەتىندەگى مەحانيكالى بىلەك پەن جەر بەتىندەگى زەرتتەرمەندەردىڭ سايكەسۋىندە جانە قولداۋىندا، عارىش بەكەتىندەگى بولمەنىڭ سىرتىندا قۇبىر جولدارىنا، كابەلدەرگە جانە ءتۇيىندى اسپاپتارعا عارىشتاعى جارىقشاقتاقتاردان قورعاۋ قۇرىلعىسىن ورناتتى ءارى عارىش بولمەسىنەن سىرتقا شىعىپ شارلاۋ مىندەتىن ورىندادى. عارىش بولمەسىنەن شىققان عارىشكەرلەر يە گۋاڭفۋ، لي سۇڭ ۋىنتيان تاجىريبە بولمەسىنە امان – ەسەن ورالدى، عارىش بولمەسىنەن شىعۋ ارەكەتى وتە ءساتتى بولدى.

قازىرگە دەيىن، شىنجوۋ 18 – ءنومىرلى عارىش اسپابىنداعى عارىشكەرلەردىڭ ”عارىشتاعى ءىسساپارىنىڭ“ ۇشتەن ءبىر بولىگى ورىندالدى، الدا وربيتادا كوپ مولشەردە عىلىمي تاجىريبەلەر مەن تەحنيكالىق سىناقتاردى ورىستەتەدى.

كەلۋ قاينارى: حالىق تورابى