ەلىمىز عالىمدارى وسپەنىڭ دارىگە ءتوزىمدى مەحانيزمىن زەرتتەۋدە ناتيجەگە قول جەتكىزدى 

شينحۋا اگەنتتىگىنىڭ ءتىلشىسى باي يۇي 7 – ايدىڭ 4 – كۇنى شىنجىننان حابارلايدى. «تابيعات» جۋرنالى ا ق ش ۋاقىتى بويىنشا 7 – ايدىڭ 3 – كۇنى جۇڭشان داشۋەسىنىڭ قاراماعىنداعى 7 – ەمحاناداعى حى يۇيلۇڭ، جاڭ چاڭحۋا پروفەسسورلاردىڭ ۇيىمىنداعىلار جەتەكشىلىك ەتكەن عىلىمي زەرتتەۋ جەتىستىگىن جاريالاپ، DNA دى قالپىنا كەلتىرەتىن ءبىر ءتۇرلى بەلوكتىڭ (NBS1) ءسۇت قىشقىلىمەن وڭدەلۋ بارىسى وسپەنىڭ حيميالىق جولمەن ەمدەۋدەگى دارىگە توزىمدىلىگىنە بولعان ماڭىزدى رەتتەۋ – تەجەۋ رولىن ايگىلەپ، دۇنيە جۇزىندەگى ەمدەۋ سالاسىن داعدارتقان ”عاسىرلىق جۇمباق“ — وسپەنىڭ قالايشا دارىگە ءتوزىمدى مەحانيزم قالىپتاستىراتىنىن زەرتتەۋدە ناتيجەگە قول جەتكىزگەن.

«NBS1 بەلوگىنىڭ ءسۇت قىشقىلىمەن وڭدەلۋ بارىسى زاقىمدالعان DNA دى قالپىنا كەلتىرۋدى ىلگەرىلەتىپ، وسپەنىڭ دارىگە توزىمدىلىعىن تۋىنداتادى» دەگەن ماقالادا وسپە كلەتكاسىنىڭ حيميالىق ەمدەۋگە قالاي قارسىلىق كورسەتىپ، دارىگە توزىمدىلىك قالىپتاستىراتىنىن ايگىلەپ، وسپەنى يممۋنيتەتتىك جولمەن ەمدەۋ، وسپەنى ساۋلەمەن ەمدەۋ، وسپەنىڭ قايتالاۋى قاتارلى ماسەلەلەردى زەرتتەۋدە جاڭا تۇرعىنى اشتى.

حى يۇيفىڭ، جاڭ چاڭحۋا پروفەسسورلاردىڭ ۇيىمىنىڭ كوپ مولشەردەگى تاجىريبەلەر ارقىلى بايقاۋىنشا، DNA دى قالپىنا كەلتىرۋ مەن حيميالىق ەمدەۋ بارىسىندا دارىگە توزىمدىلىك جاعىندا ”ءسۇت قىشقىلى“ شەشۋشى رول اتقارادى، وسپە كلەتكاسىنىڭ ”قالپىنا كەلتىرەتىن قابىرشاعى“ رولىن اتقارادى، سوندىقتان، وعان ونان ارى زەرتتەۋ جۇرگىزىپ، DNA دى قالپىنا كەلتىرەتىن بەلوكتىڭ (NBS1) ءسۇت قىشقىلىمەن وڭدەلۋ بارىسىنىڭ وسپەنىڭ دارىگە ءتوزىمدى مەحانيزمىنە جاسايتىن ىقپالىن ايقىن تۇراقتاندىرۋعا بولادى.

كەلۋ قاينارى:“ حالىق تورابى