شي جينپيڭ دۋشانبەگە جەتىپ، تاجىكستانداعى مەملەكەتتىك ساپارىن باستادى

جەرگىلىكتى ۋاقىت 7 ـ ايدىڭ 4 ـ كۇنى كەشتە مەملەكەت ءتوراعاسى شي جينپيڭ تاجىكستان رەسپۋبليكاسىنىڭ زۇڭتۇڭى راحموننىڭ ۇسىنىسىمەن تاجىكستاندا مەملەكەتتىك ساپاردا بولۋ ءۇشىن ارناۋلى ۇشاقپەن دۋشانبەگە جەتتى. راحمون اۋەجايدا شي جينپيڭگە ارناپ اسا سالتاناتتى قارسى الۋ سالتىن وتكىزدى.

□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

شينحۋا اگەنتتىگىنىڭ 7 ـ ايدىڭ 4 ـ كۇنى دۋشانبەدەن بەرگەن حابارى (تىلشىلەر ما جويان، گۋان جيان ـ ۋ). جەرگىلىكتى ۋاقىت 7 ـ ايدىڭ 4 ـ كۇنى كەشتە مەملەكەت ءتوراعاسى شي جينپيڭ تاجىكستان رەسپۋبليكاسىنىڭ زۇڭتۇڭى راحموننىڭ ۇسىنىسىمەن تاجىكستاندا مەملەكەتتىك ساپاردا بولۋ ءۇشىن ارناۋلى ۇشاقپەن دۋشانبەگە جەتتى.

ارناۋلى ۇشاق دۋشانبە حالىقارالىق اۋەجايىنا جەتكەن كەزدە، تاجىكستان زۇڭتۇڭى راحمون پارلامەنت جوعارى پالاتاسىنىڭ باستىعى، قوسىمشا دۋشانبە قالاسىنىڭ باستىعى رۇستەم، سىرتقى ىستەر مينيسترى مۇحريددين قاتارلى جوعارى دارەجەلى ءمانساپتىلاردى باستاپ ىستىق ىقىلاسپەن قارسى الدى. تاجىكستان بالدىرعاندارى شي جينپيڭگە گۇل سيلاپ، جۇڭگو تىلىندە، تاجىك تىلىندە شي جينپيڭنىڭ ساپارلاي كەلگەندىگىن قارسى الدى.

راحمون اۋەجايدا شي جينپيڭگە ارناپ اسا سالتاناتتى قارسى الۋ سالتىن وتكىزدى.

ۇلتتىق كيىم كيگەن 1500دەن استام تاجىكستاندىق جاس قويۋ ەرەكشەلىككە يە جۇڭگو _ تاجىكستان اندەرىن شىرقاپ، ءبي بيلەپ، جۇڭگو _ تاجىكستان ەكى ەلدىڭ مەملەكەت تۋىن بۇلعاپ، جۇڭگودان كەلگەن وسى ەڭ قۇرمەتتى قوناقتى قىزۋ قارسى الاتىندىقتارىن ءبىلدىردى.

شي جينپيڭ اۋەجايدا جازباشا ءسوز سويلەپ، تاجىكستان ۇكىمەتى مەن حالقىنا شىنايى سالەم جولدادى جانە ىزگى تىلەك ءبىلدىردى.

شي جينپيڭ بىلاي دەپ اتاپ كورسەتتى: جۇڭگو _ تاجىكستان ەكى ەل ءبىر ـ بىرىنە قارايلاساتىن جاقسى كورشىلەر، ءبىرىن ـ ءبىرى قولدايتىن جاقسى دوستار، ءوزارا پايدا جەتكىزىپ تەڭ يگىلىككە كەنەلەتىن جاقسى سەرىكتەر، ءبىر ـ بىرىنە شىن ادال جاقسى باۋىرلاستار. ديپلوماتيالىق قارىم ـ قاتىناس ورناتقان 32 جىلدان بەرى، جۇڭگو _ تاجىكستان قارىم ـ قاتىناسى ءۇرتىس، تەز قارقىنمەن، اقاۋسىز دامىپ، تاتۋ كورشىلىكتەن، دوستىقتان ستراتەگيالىق سەرىكتەستىك قارىم ـ قاتىناسقا دەيىنگى، ونان جالپى بەتتىك ستراتەگيالىق سەرىكتەستىك قارىم ـ قاتىناسقا دەيىنگى شارىقتاۋدى جۇزەگە اسىرىپ، كورشى ەلدەر ارا قارىم ـ قاتىناستىڭ ۇلگىسىنە اينالدى. ەكى ەلدىڭ ساياسي ءوزارا سەنىمدىلىگى بەكەمدەلدى، ءبىر ـ ءبىرىنىڭ وزەكتى مۇددەسىنە ساياتىن ماسەلەلەردە باستان ـ اياق ءبىرىن ـ ءبىرى تاباندىلىقپەن قولدادى. ەكى ەلدىڭ ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ ناتيجەسى سۇبەلى بولدى. مەن راحمون زۇڭتۇڭمەن جاڭا جاعدايداعى جۇڭگو _ تاجىكستان قارىم ـ قاتىناسىنىڭ دامۋى جونىندە جاڭا جوبا، جاڭا ورنالاستىرۋ جاساپ، جۇڭگو _ تاجىكستان جان ـ جاقتى سەلبەستىگىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى كۇتەمىن.

ساي چي، ۋاڭ ي قاتارلى ساپارلاستارى سول ۇشاقپەن بىرگە باردى.

جۇڭگونىڭ تاجىكستانداعى باس ەلشىسى جي شۋمين دە اۋەجايعا بارىپ قارسى الدى.

شي جينپيڭ اۆتوكولىكپەن اۋەجايدان ءوزى تۇسەتىن قوناقجايعا بارا جاتقان جولدا جۇڭگو _ تاجىكستان ەكى ەلدىڭ مەملەكەت تۋلارى جەلبىرەپ تۇردى، جەرگىلىكتى ورىنداعى حۋاچياۋلاردىڭ، حۋارىنداردىڭ جانە جۇڭگو قارجىلاندىرعان قۇرىلىمداردىڭ ۋاكىلدەرى ساپ تۇزەپ، جۇڭگو _ تاجىكستان ەكى ەلدىڭ مەملەكەت تۋىن بۇلعاپ، شي جينپيڭنىڭ تاجىكستانعا ساپارلاي كەلگەندىگىن قىزۋ قارسى الدى.

شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 24 ـ رەتكى ماجىلىسىنە قاتىناسقان ءارى قازاقستاندا مەملەكەتتىك ساپاردا بولعان سوڭ، دۋشانبەگە ساپارلاي باردى.

شي جينپيڭ استانادان اتتاناردا قازاقستان زۇڭليى بەكتەنوۆ، استانا قالاسىنىڭ باستىعى قاسىمبەك قاتارلى جوعارى دارەجەلى ءمانساپتىلار اۋەجايعا بارىپ اتتاندىرىپ سالدى.

شي جينپيڭنىڭ ارناۋلى ۇشاعى ۇشقاننان كەيىن، قازاقستان جاق اۋە ارمياسىنىڭ 3 سوعىس ۇشاعى اۋە كەڭىستىگىنە كوتەرىلىپ قورعادى.