شي جينپيڭ تەلەگرامما جولداپ، عازۋانيدىڭ ماۆريتانيا زۇڭتۇڭدىعىنا تاعى دا سايلانعاندىعىن قۇتتىقتادى

شينحۋا اگەنتتىگىنىڭ 7 ـ ايدىڭ 5 ـ كۇنى بەيجيڭنەن بەرگەن حابارى. 7 ـ ايدىڭ 5 ـ كۇنى مەملەكەت ءتوراعاسى شي جينپيڭ مۇحاممەد وۋلد شەيح عازۋانيعا تەلەگرامما جولداپ، ونىڭ ماۆريتانيا ءىسلام رەسپۋبليكاسىنىڭ زۇڭتۇڭدىعىنا تاعى دا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن ماۆريتانيا ءداستۇرلى دوس. سوڭعى جىلدارى ءبىزدىڭ بىرگە جەتەكشىلىك ەتۋىمىزدە ەكى ەلدىڭ قارىم ـ قاتىناسى ورنىقتى دامىپ، ءار سالاداعى اۋىس ـ كۇيىستە، سەلبەستىكتە مول جەتىستىككە قول جەتتى. مەن جۇڭگو _ ماۆريتانيا قارىم ـ قاتىناسىنىڭ دامۋىنا ايرىقشا ءمان بەرەمىن، زۇڭتۇڭ مىرزامەن بىرگە قۇلشىنىپ، جۇڭگو _ ماۆريتانيا دوستىق سەلبەستىك قارىم ـ قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.