شي جينپيڭ بەيجيڭگە قايتىپ كەلدى

شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى. 7 ـ ايدىڭ 6 ـ كۇنى تۇستەن كەيىن مەملەكەت ءتوراعاسى شي جينپيڭ شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 24 ـ رەتكى ماجىلىسىنە قاتىناسىپ جانە قازاقستانداعى، تاجىكستانداعى مەملەكەتتىك ساپارىن اياقتاتقان سوڭ، ارناۋلى ۇشاقپەن بەيجيڭگە قايتىپ كەلدى.

ساي چي، ۋاڭ ي قاتارلى ساپارلاستارى سول ۇشاقپەن قايتىپ كەلدى.

شينحۋا اگەنتتىگىنىڭ 7 ـ ايدىڭ 6 ـ كۇنى دۋشانبەدەن بەرگەن حابارى (تىلشىلەر شاڭ ياڭ، پىڭ پەيگىن). جەرگىلىكتى ۋاقىت 7 ـ ايدىڭ 6 ـ كۇنى تۇستەن بۇرىن مەملەكەت ءتوراعاسى شي جينپيڭ تاجىكستانداعى مەملەكەتتىك ساپارىن اياقتاتقان سوڭ، ارناۋلى ۇشاقپەن دۋشانبەدەن اتتانىپ ەلگە قايتتى.

تاجىكستان زۇڭتۇڭى راحمون پارلامەنت جوعارى پالاتاسىنىڭ باستىعى، قوسىمشا دۋشانبە قالاسىنىڭ باستىعى رۇستەم، سىرتقى ىستەر مينيسترى مۇحريدديندى باستاپ اۋەجايعا بارىپ، قوشتاسىپ اتتاندىرىپ سالدى.

راحمون شي جينپيڭگە 2014 ـ جىلدان بەرى 3 رەت تاجىكستاندا ساپاردا بولعان قۇندى سۋرەتتەر البۋمىن ۇسىنىپ، ءتوراعا شي جينپيڭنىڭ تاجىكستاندا تابىستى تۇردە تاريحي سيپاتتى مەملەكەتتىك ساپاردا بولعانىن تاعى ءبىر مارتە قىزۋ قۇتتىقتادى. شي جينپيڭ بىلاي دەپ اتاپ كورسەتتى: مەن وسى رەت ساپاردا بولعان كەزىمدە، جۇڭگو _ تاجىكستان ەكى ەلدىڭ مەملەكەت باسشىلارى تاريحي سيپاتتى ديدارلاسۋ وتكىزدىك، بۇل بولاشاقتا وتە ۇزاق ۋاقىت جۇڭگو _ تاجىكستان جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قارىم ـ قاتىناسىن دامىتۋعا جەتەكشىلىك ەتەدى. مەن راحمون زۇڭتۇڭمەن بىرگە جۇڭگو _ تاجىكستان قارىم ـ قاتىناسىنىڭ اناعۇرلىم نۇرلى بولاشاعىن اشۋدى ۇزدىكسىز ىلگەرىلەتۋدى قالايمىن.

اۋەجايعا بارار جولدا جەرگىلىكتى ورىنداعى حۋارىندار، حۋاچياۋلار جانە جۇڭگو قارجىلاندىرعان قۇرىلىمداردىڭ ۋاكىلدەرى جولدىڭ ەكى جاعىندا جۇڭگو _ تاجىكستان ەكى ەلدىڭ مەملەكەت تۋىن بۇلعاپ، ءتوراعا شي جينپيڭنىڭ تاجىكستانداعى مەملەكەتتىك ساپارىنىڭ تولىق تابىستى بولعاندىعىن قۇتتىقتادى.

ساي چي، ۋاڭ ي قاتارلى ساپارلاستارى سول ۇشاقپەن بىرگە اتتاندى.

جەرگىلىكتى ۋاقىت 7 ـ ايدىڭ 5 ـ كۇنى كەشتە شي جينپيڭ تاعى ۇسىنىس بويىنشا تاجىكستان زۇڭتۇڭى راحمونمەن بىرگە دۋشانبە مەملەكەتتىك قوناق ۇيىندە شاي ىشە وتىرىپ ىستىق ىقىلاسپەن دوستىق اڭگىمە وتكىزدى.