شي جينپيڭ يراننىڭ سايلانعان زۇڭتۇڭى پەزەشكيانعا قۇتتىقتاۋ تەلەگرامماسىن جولدادى

شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى. 7 ـ ايدىڭ 6 ـ كۇنى مەملەكەت ءتوراعاسى شي جينپيڭ ماسۋد پەزەشكيانعا قۇتتىقتاۋ تەلەگرامماسىن جولداپ، ونىڭ يران ءىسلام رەسپۋبليكاسىنىڭ زۇڭتۇڭدىعىنا سايلانعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن يراننىڭ دوستىق قارىم ـ قاتىناسى ارىدان باستالعان، ديپلوماتيالىق قارىم ـ قاتىناس ورناتقان جارتى عاسىردان استام ۋاقىتتان بەرى، ەكى جاقتى قارىم ـ قاتىناس اقاۋسىز، ورنىقتى دامۋدى ساقتادى. قىم ـ قۋىت، كۇردەلى وڭىرلىك جانە حالىقارالىق جاعدايعا ءدوپ كەلگەندە، جۇڭگو مەن يران باستان ـ اياق ءوزارا قولداۋ كورسەتىپ، تار جول، تايعاق كەشۋلەردى بىرگە وتكەرىپ، ستراتەگيالىق ءوزارا سەنىمدىلىكتى ۇزدىكسىز بەكەمدەپ، ءارقايسى سالاداعى اۋىس ـ كۇيىستى، سەلبەستىكتى ورنىقتى ىلگەرىلەتتى ءارى وڭىرلىك جانە حالىقارالىق ىستەردە تاماشا بايلانىستى جانە سايكەسۋدى ساقتاپ، جۇڭگو مەن يران حالقىنا باقىت جاراتىپ قانا قويماي، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن جەبەۋگە دە بەلسەندى ۇلەس قوستى. مەن جۇڭگو _ يران قارىم ـ قاتىناسىنىڭ دامۋىنا وسكەلەڭ ءمان بەرەمىن، زۇڭتۇڭ مىرزامەن بىرگە قۇلشىنىپ، جۇڭگو _ يران جالپى بەتتىك ستراتەگيالىق سەرىكتەستىك قارىم ـ قاتىناسىن ىشكەرىلەي ىلگەرىلەتۋگە جەتەكشىلىك ەتۋدى قالايمىن.