شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ قايتىس بولعاندىعىنا ازا ءبىلدىردى

شي جينپيڭ بىلاي دەپ باسا دارىپتەدى: جۇڭگو پارتياسى مەن ۇكىمەتى ۆيەتنام كوممۋنيستىك پارتياسىنىڭ ۆيەتنام حالقىن ىنتىماقتاستىرىپ جانە باستاپ، ءوز ەلىنىڭ مەملەكەت جاعدايىنا ۇيلەسەتىن سوتسياليزم داڭعىل جولىمەن ءجۇرۋىن باتىل قولدايدى. مەن ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ۆيەتنام حالقىنىڭ، ءسوزسىز، قايعىنى قايراتقا جەڭدىرىپ، جاڭالىق اشۋ، ەسىك اشۋ جانە سوتسياليستىك قۇرىلىس ىستەرىندە تىڭ دا اناعۇرلىم زور تابىستارعا ۇزدىكسىز قول جەتكىزەتىندىگىنە سەنەمىن. مەن جۇڭگو − ۆيەتنام ەكى جاقتىڭ، ءسوزسىز، ۇزدىكسىز بىرگە قۇلشىنىپ، جۇڭگو − ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتەتىندىگىنە كامىل سەنەمىن

7 ـ ايدىڭ 20 ـ كۇنى تۇستەن كەيىن ساعات 4 مولشەرىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنامنىڭ جۇڭگودا تۇراتىن ەلشىحاناسىنا بارىپ، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ قايتىس بولعاندىعىنا ازا ءبىلدىردى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

«حالىق گازەتى»، 7 ـ ايدىڭ 20 ـ كۇنى، بەيجيڭ (ءتىلشى لي شين - ي). 7 ـ ايدىڭ 20 ـ كۇنى تۇستەن كەيىن ساعات 4 مولشەرىندە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنامنىڭ جۇڭگوداعى ەلشىحاناسىنا بارىپ، ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭنىڭ قايتىس بولعاندىعىنا ازا ءبىلدىردى.

شي جينپيڭ ۆيەتنامنىڭ جۇڭگوداعى ەلشىحاناسىنىڭ ازا ءبىلدىرۋ زالىنا كەلدى. زالعا رۋان فۋجۇڭنىڭ سۋرەتى قويىلعان. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي ۇسىنعان گۇل شەڭبەرلەر، جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى، سونداي ـ اق جۇڭگو كوممۋنيستىك پارتياسى ورتالىق كوميتەتى سىرتپەن بايلانىس جاساۋ ءبولىمى، سىرتقى ىستەر مينيسترلىگى، مەملەكەت قورعانىس مينيسترلىگى، بەيجيڭ قالالىق پارتكوم مەن قالالىق ۇكىمەت، قاتىستى حالىقتىق ۇيىمدار ۇسىنعان گۇل شەڭبەرلەر سۋرەتتىڭ الدىنا قويىلىپتى.

شي جينپيڭ رۋان فۋجۇڭنىڭ سۋرەتى الدىندا ايالداپ ءۇنسىز ازا ءبىلدىردى، سۋرەتكە ءۇش رەت تاعزىم ەتتى، ازا ءبىلدىرۋ داپتەرىنە لەبىز قالدىردى ءارى قول قويدى.

شي جينپيڭ بىلاي دەپ اتاپ كورسەتتى: رۋان فۋجۇڭ جولداس − تاباندى ماركسيزمشى، ۆيەتنام كوممۋنيستىك پارتياسى مەن ۆيەتنام حالقىنىڭ ۇلى باسشىسى، ول ومىرلىك قاجىر ـ قايراتىن ۆيەتنامنىڭ پارتيا مەن مەملەكەت ىستەرىنە ارناپ، ۆيەتنام حالقىنا ارناپ، ۆيەتنامنىڭ سوتسياليزم ىستەرىنە ارناپ، ۆيەتنامنىڭ بۇكىل پارتياسىنىڭ، بۇكىل ارمياسىنىڭ، بۇكىل ەل حالقىنىڭ ەرەكشە قولداۋىنا جانە قۇرمەتىنە بولەندى. 10 نەشە جىلدان بەرى مەن رۋان فۋجۇڭ جولداسپەن ءجيى بارىس ـ كەلىس جاساپ، قويۋ جولداستىق سۇيىسپەنشىلىك ورناتتىم. بەلەستىك مانگە يە بولعانى، بىلتىر ءبىز ستراتەگيالىق مانگە يە جۇڭگو − ۆيەتنام تاعدىرلاس ورتاق تۇلعاسىن قۇرۋدى بىرگە جاريالادىق. رۋان فۋجۇڭ جولداستىڭ قايتىس بولۋىمەن ءبىز جۇڭگو − ۆيەتنام قارىم ـ قاتىناسىنىڭ ىلگەرىلەتۋشىسىنەن جانە سوتسياليزم ىستەرىندەگى ساپارلاسىمىزدان ايرىلدىق، ءبىز بۇعان قاتتى قايعىرامىز. ءبىز رۋان فۋجۇڭ جولداستىڭ ەكى پارتيا، ەكى ەل قارىم ـ قاتىناسى جانە دۇنيە ءجۇزى سوتسياليزم قوزعالىسى ىستەرى ءۇشىن قوسقان ەرەن ۇلەسىن ماڭگى ەستە ساقتايمىز.

شي جينپيڭ بىلاي دەپ باسا دارىپتەدى: جۇڭگو پارتياسى مەن ۇكىمەتى ۆيەتنام كوممۋنيستىك پارتياسىنىڭ ۆيەتنام حالقىن ىنتىماقتاستىرىپ جانە باستاپ، ءوز ەلىنىڭ مەملەكەت جاعدايىنا ۇيلەسەتىن سوتسياليزم داڭعىل جولىمەن ءجۇرۋىن باتىل قولدايدى. مەن ۆيەتنام كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا ۆيەتنام حالقىنىڭ، ءسوزسىز، قايعىنى قايراتقا جەڭدىرىپ، جاڭالىق اشۋ، ەسىك اشۋ جانە سوتسياليستىك قۇرىلىس ىستەرىندە تىڭ دا اناعۇرلىم زور تابىستارعا ۇزدىكسىز قول جەتكىزەتىندىگىنە سەنەمىن. مەن جۇڭگو − ۆيەتنام ەكى جاقتىڭ، ءسوزسىز، ۇزدىكسىز بىرگە قۇلشىنىپ، جۇڭگو − ۆيەتنام تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتەتىندىگىنە كامىل سەنەمىن.

ۆيەتنامنىڭ جۇڭگودا تۇراتىن باس ەلشىسى فان شيڭمەي مىنانى ءبىلدىردى: باس شۋجي شي جينپيڭنىڭ كەلىپ ازا ءبىلدىرۋى، جۇڭگو كوممۋنيستىك پارتياسى ورتالىق كوميتەتىنىڭ ەڭ الدىمەن ۆيەتنام كوممۋنيستىك پارتياسى ورتالىق كوميتەتىنە كوڭىل ايتۋ تەلەگرامماسىن جولداۋى جۇڭگو پارتياسىنىڭ، ۇكىمەتىنىڭ ۆيەتنام، جۇڭگو ەكى پارتيا، ەكى ەل قارىم ـ قاتىناسىنا ايرىقشا ءمان بەرەتىندىگىن ايگىلەدى، باس شۋجي شي جينپيڭنىڭ رۋان فۋجۇڭ جولداسقا دەگەن ەرەكشە سۇيىسپەنشىلىگىن ايگىلەدى، ۆيەتنام جاق بۇعان قاتتى اسەرلەندى، ەرەكشە العىس ايتادى. رۋان فۋجۇڭ جولداس كوزى تىرىسىندە جۇڭگومەن قارىم ـ قاتىناسقا بارىنشا ءمان بەرىپ، ۆيەتنام − جۇڭگو دوستىعىن دامىتۋ ءۇشىن قىرۋار زەيىن ـ زەردەسىن جۇمساپ، وراسان زور ۇلەس قوستى. ۆيەتنام جاق رۋان فۋجۇڭ جولداستىڭ مۇراتىنا مۇراگەرلىك ەتىپ، ۆيەتنام، جۇڭگو ەكى پارتيانىڭ، ەكى ەلدىڭ ەڭ جوعارى باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، جۇڭگومەن دوستىق سەلبەستىكتى دامىتۋدى ۆيەتنامنىڭ سىرتقى ساياساتىنىڭ ستراتەگيالىق تاڭداۋى جانە ماڭداي الدى ماڭىزدى ءىسى ەتۋگە تاباندى بولىپ، ستراتەگيالىق مانگە يە ۆيەتنام − جۇڭگو تاعدىرلاس ورتاق تۇلعاسى قۇرىلىسىنىڭ ۇزدىكسىز العا قاراي دامۋىن ىلگەرىلەتەدى.

ساي چي، ۋاڭ ي قاتارلىلار ازا ءبىلدىرۋ قيمىلىنا قاتىناستى.

كەلۋ قاينارى: حالىق تورابى