بار كۇشپەن قاتەردەن اراشالاپ، قۇتقارىپ ـ كومەكتەسىپ، شارلاپ تەكسەرۋدى، قاتەردى الاستاۋدى كۇشەيتىپ، حالىق بۇقاراسىنىڭ ءومىرىنىڭ، مال ـ مۇلكىنىڭ حاۋىپسىزدىگىن شىنايى قامتاماسىزداندىرۋدى تالاپ ەتتى

شينحۋا اگەنتتىگى، 7 ـ ايدىڭ 20 ـ كۇنى، بەيجيڭ. 7 ـ ايدىڭ 19 ـ كۇنى 20 ساعات 40 مينۋت مولشەرىندە شانشي شاڭلو قالاسى جاشۇي اۋدانىنداعى ءبىر جوعارى قارقىندىق تاس جول كوپىرى سەل ءجۇرۋ سەبەبىنەن قۇلاپ، ءبىرقانشا اۆتوكولىك وزەنگە ءتۇسىپ كەتتى. 7 ـ ايدىڭ 20 ـ كۇنى ساعات 10 عا دەيىن اپات سەبەبىنەن 11 ادام قازا بولدى، مۇنان تىس، 30 نەشە ادام ءىز ـ دەرەكسىز كەتتى.

اپات تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ باسا ءمان بەردى ءارى بىلاي دەپ ماڭىزدى نۇسقاۋ بەردى: شانشي شاڭلو قالاسى جاشۇي اۋدانىنداعى ءبىر جوعارى قارقىندىق تاس جول كوپىرى سەل ءجۇرۋ سەبەبىنەن قۇلاپ، كوپ ادام ءىز ـ دەرەكسىز كەتتى، قازىرگى شۇعىل مىندەت − بار كۇشپەن قاتەردەن اراشالاپ، قۇتقارىپ ـ كومەكتەسىپ، ءىز ـ دەرەكسىز كەتكەندەردى مۇمكىندىگىنشە ىزدەپ ـ قۇتقارىپ، ادامداردىڭ ءولىم ـ ءجىتىمىن بارىنشا ازايتۋ ءارى وتباسىنداعىلارىن جۇباتۋ سياقتى سوڭعى جۇمىستاردى ۇيلەسىمدى ويداعىداي ىستەۋ. عىلمي قۇتقارۋعا ءمان بەرىپ، توڭىرەكتەگى حاۋىپسىزدىك كومەسكى كىناراتتارىن ىجداعاتتىلىقپەن ءبىر ـ بىرلەپ تەكسەرىپ، قوسالقى اپاتتاردان قاتاڭ ساقتانۋ كەرەك. شي جينپيڭ بىلاي دەپ باسا دارىپتەدى: قازىرگى ۋاقىت ءدال 7 ـ ايدىڭ سوڭى مەن 8 ـ ايدىڭ باسىنداعى تاسقىننان ساقتانۋدىڭ شەشۋشى مەزگىلىنە تۋرا كەلىپ وتىر، وڭىرلەر جانە قاتىستى تاراۋلار باسا ءمان بەرىپ، جاۋاپكەرشىلىكتى ناقتىلاندىرىپ، باقىلاۋ ـ تەكسەرۋدى، ساقتاندىرۋدى كۇشەيتىپ، شارلاپ تەكسەرۋدى، قاتەردى الاستاۋدى كۇشەيتىپ، ءتۇرلى شارالاردى ناقتى تياناقتاندىرىپ، ەگجەي ـ تەگجەيلى تياناقتاندىرىپ، حالىق بۇقاراسىنىڭ ءومىرىنىڭ، مال ـ مۇلكىنىڭ حاۋىپسىزدىگىن شىنايى قامتاماسىزداندىرۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بىلاي دەپ بەكىتۋ جازدى: بارلىق قۇلشىنىسپەن ءىز ـ دەرەكسىز كەتكەندەردى ىزدەپ ـ قۇتقارىپ، سەبەبىن تەز ارادا تەكسەرىپ انىقتاپ، سوڭعى جۇمىستاردى ۇيلەسىمدى ويداعىداي ىستەۋ، سونداي ـ اق قاتەرلى جاعدايلاردى ءبىر ـ بىرلەپ تەكسەرۋدى، ءبىر جاقتى ەتۋدى مىقتى يگەرىپ، قوسالقى اپاتتىڭ تۋىلۋىنان قاتاڭ ساقتانۋ كەرەك. بىرەۋى ارقىلى وزگەسىن تۇسپالداپ، ءار جاقتىڭ جاۋاپكەرشىلىگىن ونان ارى ناقتىلاندىرىپ، ءتۇرلى حاۋىپ ـ قاتەردى، كومەسكى كىناراتتاردى جالپى بەتتىك ءبىر ـ بىرلەپ تەكسەرىپ، اپات، شىرعالاڭ سياقتىلاردان ساقتانۋدى ويداعىداي ىستەۋ كەرەك.

شي جينپيڭنىڭ نۇسقاۋىنا جانە لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قاتىستى تاراۋلارداعى جاۋاپتى جولداستاردى باستاپ سول جەرگە بارىپ، قۇتقارۋ ـ كومەكتەسۋ، ءبىر جاقتى ەتۋ قىزمەتىنە جەتەكشىلىك ەتتى. شانشي ولكەسى، شاڭلو قالاسى كۇش ۇيىمداستىرىپ، قۇتقارۋ ـ كومەكتەسۋ، ءبىر جاقتى ەتۋ قىزمەتىن ورىستەتتى. قازىر سول جەردە قۇتقارۋ ـ كومەكتەسۋ، سوڭعى جۇمىستاردى ءبىر جاقتى ەتۋ سياقتى قىزمەتتەر جۇرگىزىلۋدە.

كەلۋ قاينارى: حالىق تورابى