قوسىننان شەگىنگەن اسكەريلەردى ويداعىداي قابىلداۋ، ويداعىداي ورنالاستىرۋ، ويداعىداي قىزمەت وتەۋ، ويداعىداي قامتاماسىزداندىرۋ، ويداعىداي تاربيەلەۋ، رولىن ويداعىداي ساۋلەلەندىرۋ، ۇقىق ـ مۇددەسىن ويداعىداي قورعاۋ كەرەك

شينحۋا اگەنتتىگى، 7 - ايدىڭ 29 - كۇنى، بەيجيڭ. مەملەكەتتىك قوسىننان شەگىنگەن اسكەريلەر قىزمەتى ءماجىلىسى 7 - ايدىڭ 29 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قوسىننان شەگىنگەن اسكەريلەر قىزمەتى جونىندە ماڭىزدى نۇسقاۋ بەردى ءارى ماداقتالىپ ـ سيلانعان ۇلگىلى ورىندار مەن جەكەلەردى قىزۋ قۇتتىقتادى، قوسىننان شەگىنگەن اسكەريلەر قىزمەتىمەن شۇعىلداناتىن جولداستاردان شىنايى حال سۇرادى.

شي جينپيڭ بىلاي دەپ باسا دارىپتەدى: قوسىننان شەگىنگەن اسكەريلەر − پارتيا مەن مەملەكەتتىڭ باعالى بايلىعى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ماڭىزدى كۇش، قوسىننان شەگىنگەن اسكەريلەر قىزمەتى رەفورما، دامۋ، ورنىقتىلىق جانە ارميانى قۇدىرەتتەندىرۋ، گۇلدەندىرۋ ىستەرىنە سايادى. جاڭا ءداۋىر، جاڭا جورىقتا قوسىننان شەگىنگەن اسكەريلەر قىزمەتىندە جاڭا جاۋاپكەرشىلىك، جاڭا ىسكەرلىك بولۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايى مەن 20 - كەزەكتى ورتالىق كوميتەت ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرىپ، ەكونوميكالىق، قوعامدىق دامۋعا قىزمەت وتەۋ، مەملەكەت قورعانىسى مەن ارميا قۇرىلىسىنا قىزمەت وتەۋ باعىتىن دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدىڭ قاجەتىن، قوسىننان شەگىنگەن اسكەريلەردىڭ ءۇمىتىن كوزدە ۇستاپ، رەفورمانى ونان ارى جاپپاي تەرەڭدەتىپ، ۇيىمدىق باسقارۋ جۇيەسىن، قىزمەت اينالىمى جۇيەسىن، ساياسات، ءتۇزىم جۇيەسىن ۇزدىكسىز كەمەلدەندىرىپ، قوسىننان شەگىنگەن اسكەريلەردى شىن مانىندە ويداعىداي قابىلداپ، ويداعىداي ورنالاستىرىپ، ويداعىداي قىزمەت وتەپ، ويداعىداي قامتاماسىزداندىرىپ، ويداعىداي تاربيەلەپ، رولىن ويداعىداي ساۋلەلەندىرىپ، ۇقىق ـ مۇددەسىن ويداعىداي قورعاپ، اسكەرلىكتى تۇتاس قوعام قۇرمەتتەيتىن كاسىپكە، قوسىننان شەگىنگەن اسكەريلەردى تۇتاس قوعام قۇرمەتتەيتىن جاندارعا اينالدىرۋ كەرەك. قوسىننان شەگىنگەن قالىڭ اسكەريلەردىڭ توڭكەرىستىك اسكەريلەردىڭ قاسيەتىن ماڭگى ساقتاپ، سەنىمدى بەكەمدەپ، وتاندى ءسۇيىپ، ۇلەس قوسىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋىن ءۇمىت ەتەمىن.

مەملەكەتتىك كەڭەستىڭ مۇشەسى چىن ي ـ چين ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى. ول مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋى قوسىننان شەگىنگەن اسكەريلەر قىزمەتىنە ايرىقشا ءمان بەرگەندىگىن جانە قوسىننان شەگىنگەن قالىڭ اسكەريلەرگە دەگەن شىنايى قامقورلىعىن تولىق ايگىلەدى. باس شۋجي شي جينپيڭنىڭ ماڭىزدى نۇسقاۋىن مۇقيات تياناقتاندىرىپ، نازاردى جۇڭگو ۇلگىسىندەگى وسىزامانداندىرۋ قۇرىلىسىنا شوعىرلاندىرىپ، رەفورمانى اناعۇرلىم جاپپاي تەرەڭدەتىپ، مەملەكەتتى قۇدىرەتتەندىرۋگە، ارميانى قۇدىرەتتەندىرۋگە قىزمەت وتاۋ، قىزمەت وتەۋ - قامتاماسىز ەتۋ دەڭگەيىن جوعارىلاتۋ، حاۋىپ ـ قاتەردەن ساقتانۋ جانە ونى جويۋ جاعىندا تىڭ جاۋاپكەرشىلىك ارقالاپ، تىڭ ىسكەرلىك كورسەتىپ، قالىڭ قوسىننان شەگىنگەن اسكەريلەردى وسىزامانداندىرۋ قۇرىلىسىنىڭ ءامالياتىنا بەلسەنە ات سالىسۋعا جەتەكتەپ، قوسىننان شەگىنگەن اسكەريلەر قىزمەتىنىڭ جوعارى ساپالى دامۋىنىڭ جاڭا جاعدايىن ۇزدىكسىز اشۋ كەرەك.

ءماجىلىس مەملەكەت بويىنشا قوسىننان شەگىنگەن 397 ۇلگىلى اسكەردى جانە مەملەكەت بويىنشا قوسىننان شەگىنگەن اسكەريلەر قىزمەتىندەگى 100 ۇلگىلى ورىندى، 80 ۇلگىلى جەكەنى ماداقتاپ ـ سيلادى.

ورتالىق اسكەري ىستەر كوميتەتىنىڭ مۇشەسى مياۋ حۋا ماجىلىسكە قاتىناستى.

كەلۋ قاينارى: حالىق تورابى