ءجۇز كۇندە ون ميلليون ادامدى قىزمەتكە قابىلداۋ ارناۋلى قيمىلى بارىسىندا ارناۋلى سالا بويىنشا قىزمەتكەر قابىلداۋ قيمىلى وتكىزىلدى 

حالىق گازەتىنىڭ ءتىلشىسى چيۋ چاۋ – ي 7 – ايدىڭ 30 – كۇنى بەيجيڭنەن حابارلايدى. ءتىلشىنىڭ ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، 7 – ايدىڭ 29 – كۇنىنەن 8 – ايدىڭ 4 – كۇنىنە دەيىن، ءجۇز كۇندە ون ميلليون ادامدى قىزمەتكە قابىلداۋ قيمىلى بارىسىندا فينانس، ەمدەۋ – دەنساۋلىق ساقتاۋ، قۇرىلىس، ينفورماتسيا – حابارلاسۋ جانە ينتەرنەت سالاسى بويىنشا 4 رەت ينتەرنەت ارقىلى قىزمەتكەر قابىلداۋ ارناۋلى قيمىلى وتكىزىلىپ، جيىنى 6300 دەن استام ادام ىستەتۋشى ورىن قاتىناسىپ، قىزمەتكەر قابىلداۋ جاعىنداعى سۇرانىم 90 مىڭ ادام (رەت) بولدى.

ادام ىستەتۋشى ورىن مەن قىزمەت ىزدەۋشىلەردىڭ جۇڭگو الەۋمەتتىك قىزمەتكەر قابىلداۋ تورابى، جۇڭگو مەملەكەتتىك دارىندىلار تورابى، ينتەرنەت ارقىلى جۇمىستاندىرۋ ارناۋلى ارەكەتىنىڭ نەگىزگى قيمىل الاڭى پاراقشاسى ارقىلى سالالار بويىنشا قىزمەتكەر قابىلداۋ ارناۋلى قيمىلىنا قاتىناسۋىنا بولادى.

كەلۋ قاينارى: حالىق تورابى