قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، زەرتتەۋ جۇرگىزدى، «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ءبىرقانشا بەلگىلەمەنى» قارادى

شينحۋا اگەنتتىگى، 7 – ايدىڭ 30 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى ءماجىلىس اشىپ، قازىرگى ەكونوميكالىق جاعداي مەن ەكونوميكالىق قىزمەتكە تالداۋ جاساپ، زەرتتەۋ جۇرگىزدى، «فورماشىلدىقتى وڭاپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى ءبىرقانشا بەلگىلەمەنى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ قارادى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار قيىندىقتان تايسالماي العا ۇمتىلىپ، بەلسەنە ناتيجە جاراتىپ، رەفورما جاساپ، ەسىك اشۋدى تەرەڭدەتىپ، ماكرولىق رەتتەۋدى كۇشەيتىپ، حاۋىپ - قاتەر مەن سىن - سايىسقا ءونىمدى توتەپ بەردى، ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەدى، ەكونوميكانىڭ ارتۋ جاعدايى جاقسارۋعا قارايعا جالعاستى بەتالدى، جاڭا قوزعاۋشى كۇش، جاڭا ابزالدىق جەدەل جەتىلدىرىلىپ، جوعارى ساپالى دامۋ تىڭعىلىقتى ىلگەرىلەتىلىپ، قوعامدىق جالپى جاعداي ورنىقتى بولدى.

ءماجىلىس بىلاي دەپ اتاپ كورسەتتى: قازىر سىرتقى ورتانىڭ وزگەرىسى الا كەلگەن ءتيىمسىز ىقپالدار كوبەيىپ، ەل ىشىندەگى ءونىمدى سۇرانىس جەتكىلىكسىز بولىپ، ەكونوميكالىق اينالىمدا جىكتەلۋ جاعدايى جارىققا شىعىپ، ءتۇيىندى سالالارداعى حاۋىپ - قاتەر مەن كومەسكى كىناراتتار ءالى دە ءبىرشاما كوپ بولۋدا، جاڭا، كونە قوزعاۋشى كۇشتەردىڭ اۋىسۋىندا قيىندىقتار ورىن تەۋىپ وتىر. بۇلار − دامۋ بارىسىنداعى، بۇرىلىس جاساۋ بارىسىنداعى ماسەلەلەر، ءبىز حاۋىپ - قاتەر تانىمى مەن تومەنگى شەكتە ويلاۋدى كۇشەيتىپ، بەلسەندى، ىرىقتى تۇردە توتەپ بەرۋىمىز ءارى ستراتەگيالىق تاباندىلىقتى ساقتاپ، دامۋ سەنىمىن بەكەمدەپ، جۇڭگو ەكونوميكاسىنىڭ بولاشاعى نۇرلى ايتىلىمىن اسقاقتاتۋىمىز كەرەك.

ءماجىلىس مىنالاردى باسا دارىپتەدى: سوڭعى جارىم جىلداعى رەفورما، دامۋ، ورنىقتىلىق مىندەتى وتە اۋىر، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتى تياناقتاندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان كوز جازباي، جاڭا دامۋ تانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، جوعارى ساپالى دامۋدى كۇش سالا ىلگەرىلەتىپ، جۇڭگو ۇلگىسىندەگى وسىزامانداندىرۋدى ىلگەرىلەتۋدى ارقاۋ ەتىپ، رەفورمانى ونان ارى جاپپاي تەرەڭدەتىپ، ماكرولىق رەتتەۋ تەبىنىن ارتتىرىپ، جاڭالىق اشۋ ارقىلى دامۋعا دەم بەرۋدى تەرەڭدەتىپ، ىشكى سۇرانىستىڭ كومەسكى كۇشىن ىشكەرىلەي اشىپ، جاڭا قوزعاۋشى كۇشتى، جاڭا ابزالدىقتى ۇزدىكسىز كۇشەيتىپ، تيجارات تۇلعالارىنىڭ ومىرشەڭدىك كۇشىن ارتتىرىپ، بازار مەجەسىن ورنىقتىرىپ، قوعامدىق سەنىمدى كۇشەيتىپ، ەكونوميكانىڭ ءۇرتىس قالپىنا كەلۋ جاعدايىن نىعايتىپ، حالىق تۇرمىسىن شىنايى قامتاماسىزداندىرىپ جانە جاقسارتىپ، قوعام ورنىقتىلىعىن ساقتاپ، تۇتاس جىلداعى ەكونوميكالىق، قوعامدىق دامۋدىڭ نىسانا مىندەتتەرىن تاباندىلىقپەن ورىنداۋ كەرەك.

ءماجىلىس مىنالاردى باسا دارىپتەدى: رەفورمانى قوزعاۋشى كۇش ەتىپ، ورنىقتى ارتۋدى جەبەپ، قۇرىلىمدى رەتتەپ، حاۋىپ - قاتەردەن ساقتانىپ، ەكونوميكالىق ءتۇزىلىس رەفورماسىنىڭ جەتەكشىلىك رولىن تولىق ساۋلەلەندىرىپ، شارت - جاعدايى پىسىپ - جەتىلگەن، اڭعارۋعا بولاتىن ءبىر توپ رەفورما شارالارىن دەر كەزىندە العا قويۋ كەرەك. ”ەكىدەن استە اۋىتقىماۋعا“ تاباندى بولىپ جانە ونى تياناقتاندىرىپ، ءتۇرلى مەنشىكتەگى شارۋاشىلىقتىڭ ابزالدىقتارى ارقىلى ءبىرىن - ءبىرى تولىقتاۋىن، بىرگە دامۋىن جەبەپ، مال - مۇلىك ۇقىعىن قورعاۋ، بازارعا كىرۋ رۇقساتى، كۇيرەگەنىن جاريالاپ كاسىپتەن شەگىنۋ سياقتى بازار شارۋاشىلىعىنىڭ نەگىزدىك تۇزىمدەرىن كەمەلدەندىرىپ، ءىشىنارا جەرلەردىڭ اكىمشىلىك، قىلمىستىق ىستەر تاسىلىنەن پايدالانىپ ەكونوميكالىق داۋ - شارعا كيلىگۋىنەن ساقتانۋ جانە ونى تۇزەتۋ كەرەك. كاسىپورىنشىلار رۋحىن ساۋلەلەندىرىپ، رەفورما جاساۋ، جاڭالىق اشۋ جانە ءادىل باسەكە بارىسىندا دۇنيە ءجۇزى بويىنشا ماڭداي الدى كاسىپورىنداردى جەدەل قۇرۋ كەرەك.

ءماجىلىس بىلاي دەپ اتاپ كورسەتتى: ماكرولىق ساياساتقا جالعاستى كۇش سالۋ، ءتىپتى دە كۇش سالۋ كەرەك. كەرى پەريودتىق رەتتەۋدى كۇشەيتىپ، بەلسەندى قازىنا ساياساتى مەن ورنىقتى اقشا ساياساتىن ويداعىداي اتقارىپ، بەلگىلەنگەن ساياسات - شارالاردى جەدەل جاپپاي تياناقتاندىرىپ، ساندىق مولشەردى ارتتىراتىن ءبىر توپ ساياساتتىق شارالاردى ەرتەرەك دايىنداۋ ءارى دەر كەزىندە العا قويۋ كەرەك. ارناۋلى زايوم تاراتۋ، پايدالانۋ اياق الىسىن جەدەلدەتىپ، ۇزاق مەرزىمدى ەرەكشە مەملەكەت زايومىنان ويداعىداي پايدالانىپ، مەملەكەتتىڭ كەلەلى ستراتەگياسى مەن ءتۇيىندى سالالارىنىڭ حاۋىپسىزدىك قابىلەتى قۇرىلىسىنا قولداۋ كورسەتىپ، زور كولەمدى جابدىق جاڭالاۋدى جانە جالپىلىق، ءتوزىمدى تۇتىنۋ بۇيىمدارىنىڭ كونەسىن جاڭاسىنا اۋىستىرۋدى اناعۇرلىم زور تەبىنمەن ىلگەرىلەتۋ كەرەك. قازىنالىق شىعىس قۇرىلىمىن ساپالىلاندىرىپ، ”ءۇشتى قامتاماسىزداندىرۋدىڭ“ تومەنگى شەگىن مىقتى يگەرۋ قاجەت. كوپ ءتۇرلى اقشا ساياساتى قۇرالىنان جان - جاقتى پايدالانىپ، فينانستىڭ ناقتى ەكونوميكانى قولداۋ تەبىنىن ارتتىرىپ، قوعامدىق جالپىلىق قارجى قۇراۋدىڭ وزىندىك قۇنىنىڭ ورنىقتىلىق بارىسىندا تومەندەۋىن جەبەۋ كەرەك. حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. ماكرولىق ساياسات بەتالىسىنىڭ بىردەيلىگىن شىنايى كۇشەيتىپ، ءار جاق جوعارى ساپالى دامۋدى بىرگە ىلگەرىلەتەتىن قۇدىرەتتى بىرىككەن كۇش قالىپتاستىرۋ كەرەك. ەكونوميكالىق ءىرى ولكەلەردىڭ باستى مىندەتتەردى ارقالاۋ رولىن ۇزدىكسىز ويداعىداي ساۋلەلەندىرۋ قاجەت.

ءماجىلىس مىنالاردى باسا دارىپتەدى: تۇتىنۋدى سەرپىلتۋدى ءتۇيىن ەتىپ، ىشكى سۇرانىستى كەڭەيتىپ، ەكونوميكالىق ساياساتتىڭ كۇش سالۋ ءتۇيىنىن حالىق تۇرمىسىنا تيىمدىلىك جاساۋعا، تۇتىنۋدى جەبەۋگە اناعۇرلىم كوبىرەك ويىستىرىپ، تۇرعىنداردىڭ كىرىسىن ءتۇرلى جولدارمەن ارتتىرىپ، ورتا، تومەن كىرىستى قاۋىمنىڭ تۇتىنۋ قۋاتى مەن ىنتاسىن كۇشەيتىپ، قىزمەت وتەۋ تۇتىنۋىن تۇتىنۋدى كەڭەيتىپ، ساپالىلاندىرۋدىڭ ماڭىزدى تۇتقاسى ەتىپ، مادەنيەت، ساياحات، قارتتاردى كۇتىمدەۋ، بالالاردى تاربيەلەۋ، وتباسىلىق قىزمەت وتەۋ سياقتى تۇتىنۋلاردى قولداۋ كەرەك. حالىقتىق قارجى قوسۋدىڭ بەلسەندىلىگىن ونان ارى جۇمىلدىرىپ، ءونىمدى قارجى قوسۋدى كەڭەيتۋ كەرەك.

ءماجىلىس بىلاي دەپ اتاپ كورسەتتى: جاڭادان گۇلدەنگەن كاسىپ سالاسى مەن بولاشاق كاسىپ سالاسىن جەتىلدىرۋ، زورايتۋ كەرەك. جوعارى دەڭگەيدەگى عىلىم - تەحنيكادا ءوزىن الۋەتتەندىرۋ، ءوزىن قۇدىرەتتەندىرۋدى زور كۇشپەن ىلگەرىلەتىپ، شەشۋشى، وزەكتى تەحنيكالاردان قامال الۋدى كۇشەيتىپ، ءداستۇرلى كاسىپ سالالارىنىڭ بۇرىلىس جاساپ ساپالىلانۋىن ىلگەرىلەتۋ كەرەك. جوعارى دامۋ ساتىسىنا قادام تاستاعان كاسىپورىنداردى، جاڭالىق جاراتۋ قۋاتىنا يە كاسىپورىنداردى پارمەندى، ءونىمدى تۇردە قولداۋ كەرەك. كاسىپتىك تەجەمدىلىكتى كۇشەيتىپ، ”جاعدايدى كۇردەلىلەندىرەتىن“ ۇتىمسىز باسەكەدەن ساقتانۋ كەرەك. بازاردىڭ جارامدىسىن الىپ، جارامسىزىن قاتاردان قالدىرۋ مەحانيزمىن كۇشەيتىپ، مەشەۋ، ونىمدىلىگى تومەن ءوندىرىس قۋاتىن بازاردان شەگىندىرۋ ارناسىن ىركىلىسسىزدەندىرۋ كەرەك.

ءماجىلىس بىلاي دەپ اتاپ كورسەتتى: جوعارى دەڭگەيدە سىرتقا ەسىك اشۋدى ىلگەرىلەتىپ، بازارلانعان، زاڭمەن باسقارىلاتىن، حالىقارالانعان بىرەگەي تيجارات - ساۋدا ورتاسىن اناعۇرلىم قالىپتاستىرىپ، تۇزىمدىك ەسىك اشۋدى ورنىقتى قاداممەن كەڭەيتىپ، جاساۋ كاسىبى سالاسىنداعى شەتەل قارجىسىنىڭ بازارعا كىرۋىنە رۇقسات ەتۋدەگى شەكتەۋ شاراسىن كۇشىنەن قالدىرۋ تالابىن تياناقتاندىرىپ، جاڭا كەزەكتى قىزمەت وتەۋ كاسىبىنىڭ ەسىك اشۋدى كەڭەيتۋ سىناق ءتۇيىن شارالارىن العا قويىپ، شەتەل قارجىسىنان پايدالانۋدىڭ ورنىقتى ارتۋىن جەبەۋ كەرەك. سىرتقى ساۋدانى دامىتۋدىڭ جاڭا قوزعاۋشى قۋاتىن بەلسەنە جەتىلدىرىپ، ارالىق بۇيىمدار ساۋداسىن، جاسىل ونىمدەر ساۋداسىن كەڭەيتۋ كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى تىڭعىلىقتى ىلگەرىلەتۋ قاجەت.

ءماجىلىس مىنالاردى باسا دارىپتەدى: ءتۇيىندى سالالارداعى حاۋىپ - قاتەردەن ۇزدىكسىز ساقتانۋ جانە ونى جويۋ كەرەك. ءۇي - جاي بازارىنىڭ ورنىقتى، اقاۋسىز دامۋىن جەبەۋ جونىندەگى جاڭا ساياساتتاردى ويداعىداي تياناقتاندىرىپ، زاپاس قوردى ءسىڭىرۋ مەن ارتۋ مولشەرىن ساپالىلاندىرۋدى ءوزارا ۇشتاستىرۋعا تاباندى بولىپ، ىركىندى تاۋار ۇيلەردى ساتىپ الىپ قامتاماسىزداندىرۋ سيپاتتى تۇرعىن ءۇي ەتۋگە بەلسەنە قولداۋ كورسەتىپ، سالىنىپ بولعان تۇرعىن ۇيلەردى تاپسىرىپ بەرۋدى قامتاماسىزداندىرۋ قىزمەتىن اناعۇرلىم ويداعىداي ىستەپ، ءۇي - جاي كاسىبىن دامىتۋدىڭ جاڭا ۇلگىسىن جەدەل ورناتۋ كەرەك. جەرگىلىكتى ورىنداردىڭ قارىزدى امبەباپ ءبىر جاقتى ەتۋ جوباسىن كەمەلدەندىرىپ جانە تياناقتاندىرىپ، شارت - جاعداي ازىرلەپ، جەرگىلىكتى ورىنداردىڭ قارجى قۇراۋ تۇعىرلارىنىڭ قارىز حاۋىپ - قاتەرىن جەدەل شەشۋ كەرەك. حاۋىپ - قاتەردەن ساقتانۋدى ءبىر تۇتاس جوسپارلاپ، باقىلاۋ - باسقارۋدى كۇشەيتىپ، دامۋدى جەبەپ، قارجى قوسۋشىلاردىڭ سەنىمىن سەرپىلتىپ، كاپيتال بازارىنىڭ ىشكى ورنىقتىلىعىن بەكەمدەۋ كەرەك.

ءماجىلىس بىلاي دەپ اتاپ كورسەتتى: اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، كەدەيلىكتەن ارىلتۋدان قامال الۋ تابىستارىن بەكەمدەپ، كەڭەيتىپ، اۋىل - قىستاق حالىق ساننىڭ كولەمدى قايتا كەدەيلەسپەۋىنە شىنايى كەپىلدىك ەتۋ كەرەك. ەگىستىك جەردى قورعاۋدى جانە ساپاسىن جوعارىلاتۋدى كۇشەيتىپ، اۋىل شارۋاشىلىق ءوندىرىسىن ويداعىداي يگەرىپ، تۇتاس جىلدا استىقتان مول ءونىم الۋعا قۇلشىنۋ كەرەك.

ءماجىلىس مىنالاردى باسا دارىپتەدى: حالىق تۇرمىسىن قامتاماسىز ەتۋ جانە جاقسارتۋ سەرپىنىن ارتتىرۋ كەرەك. جۇمىستاندىرۋدى الدىمەن ويلاستىرۋ ساياساتىن كۇشەيتىپ، جوعارى مەكتەپ بىتىرگەن وقۋشىلار سياقتى ءتۇيىندى قاۋىمنىڭ جۇمىستانۋىن ويداعىداي ىستەۋ كەرەك. تومەن كىرىستى حالىققا كومەكتەسۋدى، سۇيەمەلدەۋدى كۇشەيتىپ، قوعامدىق قامتاماسىزداندىرۋ تورىن بەرىك توقۋ كەرەك. تاسقىننان ساقتانۋ، تاسقىنعا قارسى اتتانۋ، اپاتتان قۇتقارۋ قىزمەتىن بار كۇشپەن جاقسى ىستەپ، ەلەكتر كوپ جۇمسالاتىن جاز مەزگىلىندەگى ەنەرگيامەن، ەلەكترمەن قامداۋدى ويداعىداي ىستەپ، ءوندىرىس حاۋىپسىزدىگىن ويداعىداي يگەرىپ، ازىق - تۇلىك حاۋىپسىزدىگى، قوعام اماندىعى سياقتى ماسەلەلەردى مۇقيات شەشۋ كەرەك. لاستانۋدان ساقتانۋ جانە وڭاۋدان قامال الۋ شايقاسىن ىشكەرىلەي ويداعىداي جۇرگىزىپ، كومىر قىشقىل گازىن ەڭ جوعارى مانگە جەتكىزۋدى، كومىر قىشقى گازىن بەيتاراپتاندىرۋدى تىڭعىلىقتى ىلگەرىلەتۋ كەرەك. ”15 - بەسجىلدىق“ جوبانىڭ الدىڭعى مەرزىمدىك زەرتتەۋ، جوسپارلاۋ قىزمەتىن جاقسى ىستەۋ قاجەت.

ءماجىلىس بىلاي دەپ اتاپ كورسەتتى: فورماشىلدىق، تورەشىلدىك − قاساڭ دەرت، ونى، ءسوز جوق، كۇش سالا باتىل تۇزەتۋ كەرەك. نەگىزگى ساتى − پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ سوڭعى ءبىر شاقىرىمى“، فورماشىلدىق جانە تورەشىلدىكپەن نەگىزگى ساتىنى تۇساماۋ كەرەك. ورتالىق كوميتەت شۋجيچۋى تاباندىلىقپەن مىقتى يگەرىپ، فورماشىلدىقتى ورتالىق دەڭگەيىندە وڭاپ نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمىن مەرزىم بويىنشا باقىلاپ جانە تەكسەرۋ كەرەك. ورتالىق پەن مەملەكەت ورگاندارىنىڭ ءارقايسى تاراۋلارى، ولكە دارەجەلى پارتكومدار مەن ۇكىمەتتەر قىزمەتتەردى ورنالاستىرعاندا شىندىقتى ءىس جۇزىنەن ىزدەۋى قاجەت. ولكەدەن تومەنگى ءار دارەجەلى پارتكومدار تۇلعالىق جاۋاپكەرشىلىكتى ويداعىداي اتقارۋى، ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى باقىلاۋدى، اتقارۋدى كۇشەيتۋى كەرەك.

ءماجىلىس مىنالاردى باسا دارىپتەدى: ءتۇزىم قۇرىلىسى مەن اتقارۋدى كۇشەيتىپ، نەگىزگى ساتىنىڭ اۋىرتپالىعىن جەڭىلدەتۋ مەن قابىلەتىن ارتتىرۋدى ءبىر تۇتاس جوسپارلاپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن اناعۇرلىم قاتاڭ تياناقتاندىرىپ، قۇجاتتاردى، ماجىلىستەردى جالعاستى ىقشامداپ، باقىلاۋ - تەكسەرۋ، باعالاۋدى ءبىر تۇتاس جوسپارلاپ ارناعا ءتۇسىرىپ، تىم ءجيى بولۋ، تىم كۇردەلى بولۋ ماسەلەلەرىن شىنايى شەشىپ، نەگىزگى ساتىدان ۋاقىتشا اۋىستىرىپ ىستەتىپ جاتقان كادرلاردى باسقارۋدى قاتاڭ ارناعا ءتۇسىرىپ، اكىمشىلىك ىستەردى جىلجىمالى ينتەرنەتتە ءبىر جاقتى ەتۋ قولدانىس ءتارتىبىن جۇيەلىلەندىرىپ باسقارۋدى كۇشەيتىپ، ”ساۋساق ۇشىنداعى فورماشىلدىقتى“ جونگە سالىپ، نەگىزگى ساتىنىڭ ۇقىق - جاۋاپكەرشىلىگىن اناعۇرلىم تارتىپكە ءتۇسىرىپ، بايلىقتى، قىزمەت وتەۋدى، باسقارۋدى نەگىزگى ساتىعا ويىستىرۋدى ىلگەرىلەتىپ، وركەنيەتتى ورىن قۇرۋدان ۇلگى كورسەتۋ جانە ولشەمگە جەتكىزۋ قيمىلدارىن ىقشامداپ، وركەنيەتتى ورىن قۇرۋدىڭ، ۇلگى كورسەتۋدىڭ ناقتى ونىمدىلىگىنە ءمان بەرۋ كەرەك. پارتيالى كادرلارعا ساياتىن، اسىرەسە، نەگىزگى ساتىداعى بۇقارانىڭ پىكىرى كۇشتى بولعان كورنەكتى ماسەلەلەر بايقالىسىمەن دەرەۋ تۇزەتىپ وڭاۋ كەرەك؛ تيپتىك، جالپىلىق سيپاتقا يە ماسەلەلەردى كۇشتى شوعىرلاندىرىپ ارناۋلى وڭاپ جانە ءبىر جاقتى ەتىپ، نەگىزگى ساتىنى فورماشىلدىق، تورەشىلدىكتىڭ بۇعاۋىنان شىن مانىندە ارىلتىپ، قالىڭ پارتيا مۇشەلەرىن، كادرلاردى دۇرىس ساياسي ناتيجە كوزقاراسىن ورناتۋعا جەتەكتەپ، جاۋاپكەرشىلىك ارقالاپ، ناتيجە جاراتۋعا شابىتتاندىرىپ، تياناقتاندىرۋدى يگەرۋگە اناعۇرلىم كوپ زەيىن - زەردەنى شوعىرلاندىرۋ كەرەك.

كەلۋ قاينارى: حالىق تورابى