شياڭگاڭ، اۋمىن ەرەكشە اكىمشىلىك رايوندارىنداعى شەتەل ساياحات ۇيىرمەسى حاينانعا 144 ساعات ۆيزاسىز كەلۋىنە بولادى

مەملەكەتتىك قونىس اۋدارۋدى باسقارۋ مەكەمەسى 7 – ايدىڭ 30 - كۇنى حابارلاندىرۋ شىعارىپ، 2024 – جىلى 7 – ايدىڭ 30 - كۇنىنەن باستاپ شياڭگاڭ، اۋمىن ەرەكشە اكىمشىلىك رايوندارىنداعى شەتەل ساياحات ۇيىرمەلەرىنىڭ حاينانعا 144 ساعات ۆيزاسىز كىرۋ ساياساتىن اتقاراتىندىعىن جاريالادى. جۇڭگو مەن ديپلوماتتىق بايلانىس ورناتقان مەملەكەتتىڭ بۇقارالارىنىڭ ادەتتەگى پاسپورتپەن شياڭگاڭ، اۋمىنعا بارعاننان كەيىن، شياڭگاڭ، اۋمىندا زاڭ بويىنشا تىزىمگە الدىرعان ساياحات قوعامىنىڭ ۇيىرمەسىمەن (ادام سانى ەكى نەمەسە ودان كوپ بولۋى كەرەك) حاينانعا ساياحاتتاپ كەلسە، ۆيزاسىز 144 ساعات تۇرۋىنا بولادى (جۇڭگومەن ءوزارا ۆيزا كەشىرىم ەتۋ كەلىسىمىن جاساسقان نەمەسە جۇڭگو ۇكىمەتىنىڭ باسقا دا ۆيزا كەشىرىم ەتۋ ساياساتىنا ۇيلەسەتىندەرى بولسا سول ساياسات بويىنشا ىستەۋىنە بولادى). شەكارادان كىرۋ - شىعۋ وتكەلى — مەملەكەتتىڭ حاينان ولكەسىندە قۇرعان بارلىق سىرتقا اشىق ۇستالعان وتكەلى، مۇندا ءسوزسىز ۇيىرمە ارقىلى شەكارادان كىرىپ – شىعۋى كەرەك، قيمىل كولەمى حاينان ولكەسىنىڭ اكىمشىلىڭ ءوڭىرى بولادى، ايالداۋ ۋاقىتى شەكارادان كىرگەن كۇننىڭ كەلەسى كۇنى ساعات نولدەن باستاپ ەسەپتەلەدى.

مەملەكەتتىك قونىس اۋدارۋدى باسقارۋ مەكەمەسىنىڭ قاتىستى جاۋاپتىسىنىڭ تانىستىرۋىنا قاراعاندا، شياڭگاڭ، اۋمىن ەرەكشە اكىمشىلىك رايوندارىنداعى شەتەل ساياحات ۇيىرمەلەرىنىڭ حاينانعا 144 ساعات ۆيزاسىز كىرۋ ساياساتىن اتقارۋ — مەملەكەتتىك قونىس اۋدارۋدى باسقارۋ مەكەمەسىنىڭ حايناننىڭ جوعارى دەڭگەيدەگى ەسىك اشۋدى جاپپاي تەرەڭدەتۋىن اناعۇرلىم قولداپ، حاينان ەركىن ساۋدا پورتى قۇرىلىسىن قامتاماسىز ەتۋدەگى ەڭ جاڭا شاراسى، حايناننىڭ ەسىك اشۋ دەڭگەيى اناعۇرلىم جوعارى، تيجارات ـ ساۋدا ورتاسى اناعۇرلىم ساپالى، ىقپال رولى اناعۇرلىم كۇشتى ەسىك اشۋدىڭ جاڭا بيىگىن قالىپتاستىرۋىندا ماڭىزدى مانگە يە. سونىمەن بىرگە، ساياسات شياڭگاڭ، اۋمىن رايوندارىنىڭ ەكونوميكالىق دامۋىن جەبەۋگە دە ءتيىمدى بولىپ، شياڭگاڭ، اۋمىن ەرەكشە اكىمشىلىك رايوندارى مەن حاينان ەركىن ساۋدا پورتىنىڭ اۋىس - كۇيىسىن، بارىس - كەلىسىن ىلگەرىلەتىپ، مەملەكەتتىڭ دامۋ كەلەلى جاعدايىمەن اناعۇرلىم ويداعىداي توعىسادى.

كەلەسى قادامدا مەملەكەتتىك قونىس اۋدارۋدى باسقارۋ مەكەمەسى وڭىرلىك شەكارادان ۆيزاسىز كىرۋ ساياساتىن ۇزدىكسىز ساپالىلاندىرىپ، كەمەلدەندىرىپ، قونىس اۋدارۋدى باسقارۋ ءتۇزىمى تيپىندەگى ەسىك اشۋدى ۇزدىكسىز ىشكەرىلەي ىلگەرىلەتىپ، شەتەلدىكتەردىڭ جۇڭگوعا كەلۋىن اناعۇرلىم اشىق بەينەمەن قارسى الىپ، جوعارى دەڭگەيدەگى ەسىك اشۋدى، جوعارى ساپالى دامۋدى جەبەۋگە بار كۇشپەن قىزمەت وتەيدى.

كەلۋ قاينارى: حالىق تورابى