عالىمدار باتىس – سولتۇستىكتەگى قۋاڭ رايونداعى مۇزدىقتاردىڭ ەرۋىنىڭ جەدەلدەگەنىن بايقاعان 

شينحۋا اگەنتتىگىنىڭ ءتىلشىسى جاڭ شياۋلۇڭ 8 – ايدىڭ 5 – كۇنى ۇرىمجىدەن حابارلايدى. جۇڭگو عىلىم اكادەمياسىنىڭ شينجياڭداعى تيانشان مۇزدىعىنداعى مەملەكەتتىك دالادا عىلىمي باقىلاۋ – تەكسەرۋ جۇرگىزۋ پۋنكتى جاريالاعان ەڭ جاڭا زەرتتەۋ ناتيجەسى، مەيلى، قانداي كليمات جاعدايىندا بولسىن، جاۋىن – شاشىن مولشەرى ارتسىن – ارتپاسىن، باتىس - سولتۇستىكتەگى قۋاڭ وڭىردەگى كولەمى 0.5 شارشى كيلومەتردەن كىشى مۇزدىقتار 21 – عاسىردىڭ ورتا شەنىندە ەرۋ سەبەبىنەن جوعالاتىنىن، ال، 21 – عاسىردىڭ اياق شەنىنە بارعاندا، كولەمى 2.0 شارشى كيلومەتردەن كىشى مۇزدىقتار دا جوعالاتىنىن، كولەمى 10 شارشى كيلومەتردەن اسپايتىن مۇزدىقتاردا قالعان مۇز مولشەرى %30 تەن تومەن بولۋى مۇمكىن ەكەنىن كورسەتكەن.

ءتىلشىنىڭ 8 – ايدىڭ 4 – كۇنى جۇڭگو عىلىم اكادەمياسىنىڭ شينجياڭداعى تيانشان مۇزدىعىنداعى مەملەكەتتىك دالادا عىلىمي باقىلاۋ – تەكسەرۋ جۇرگىزۋ پۋنكتىنەن ۇعىسۋىنشا، شينجياڭداعى 3 – رەتكى جان – جاقتى عىلىمي تەكسەرۋ جۇرگىزۋ نىسانى قاتارلى نىسانداردىڭ قولداۋ كورسەتۋىندە، عىلىمي زەرتتەۋ قىزمەتكەرلەرى باتىس -سولتۇستىكتەگى قۋاڭ وڭىردەگى مۇزدىقتارداعى سۋ بايلىعى مەن ونىڭ وزگەرىسى جونىندە تەكسەرۋ جۇرگىزگەن، قازىر ولار باتىس- سولتۇستىكتەگى قۋاڭ وڭىردەگى قار – مۇزدىڭ وتكەن 50 جىلدان بەرگى وزگەرىسىن تەكسەرىپ انىقتاپ، مۇزدىقتار مەن ولاردان ەرىگەن سۋ اعىنىنىڭ بولاشاقتاعى وزگەرىسى جونىندە بولجام جاساعان.

جۇڭگو عىلىم اكادەمياسى شينجياڭداعى تيانشان مۇزدىعىنداعى مەملەكەتتىك دالادا عىلىمي باقىلاۋ – تەكسەرۋ جۇرگىزۋ پۋنكتىنىڭ باستىعى ۋاڭ فەيتىڭ: ”دۇنيە ءجۇزى بويىنشا كليماتتىڭ جىلىنۋىنا بايلانىستى، باتىس -سولتۇستىكتەگى قۋاڭ وڭىرگە جاتاتىن شينجياڭداعى مۇزدىقتاردىڭ جالپى كولەمى %11.7 كىشىرەيەدى، ءتۇرلى وڭىرلەردەگى ازايۋ مولشەرى %8.8 تەن %34.2 كە دەيىن بولادى“ دەيدى. مۇزدىقتاردىڭ ەرۋىنىڭ جەدەلدەۋىنىڭ كومەسكى ىقپالى اعىن مولشەرىنە قوسقان ۇلەسى جانە رەتتەۋ رولى، كليماتتىڭ كەرى بايلانىس رولىنا بولعان ىقپالى، كورىنىس پەن ساياحات بايلىعىنا بولعان ىقپالى قاتارلى جاقتاردا بەينەلەنەدى.

مۇنان سىرت، عىلىمي زەرتتەۋ قىزمەتكەرلەرى زەرتتەۋ ارقىلى، مۇزدىقتاردىڭ ەرۋىنىڭ جەدەلدەۋىندەگى وزگەرىس، ەڭ باستىسى، اعىن مولشەرىن مولايتاتىنىن، ءىشىنارا ءىرى مۇزدىقتاردىڭ ىقپالىنا ۇشىرايتىن وڭىرلەردە مۇزدىق اپاتىن قالىپتاستىراتىنىن، وسىدان سوڭ، مۇزدىقتاردىڭ كولەمىنىڭ كىشىرەيۋىنە بايلانىستى مۇزدىقتاردىڭ ەرۋىنەن قالىپتاسقان ارنالاردىڭ اعىنىندا ”بۇرىلىس بولاتىنىن“ بايقاعان.

ۋاڭ فەيتىڭ ءسوزىن تولىقتاپ: ”مۇزدىقتاردىڭ جايىلۋ مولشەرى ءبىرشاما تومەن، شاعىن مۇزدىقتاردى نەگىز ەتكەن اعىس الاپتارىندا، مۇزدىق سۋىنىڭ اعىنىندا ’بۇرىلىس‘ بايقالدى“ دەدى.

مۇزدىق — باتىس - سولتۇستىكتەگى قۋاڭ وڭىردەگى ماڭىزدى سۋ قاينارى. جۇڭگونىڭ 2 – رەتكى مۇزدىقتاردى ەستەلىككە الۋ ساندى مالىمەتىنە قاراعاندا، شينجياڭدا قازىر 20695 مۇزدىق ساقتالعان، جۇڭگوداعى مۇزدىق سانىنىڭ %42.6 ىن ۇستايدى، جالپى كولەمى 22623 شارشى كيلومەتر، جۇڭگوداعى مۇزدىقتاردىڭ جالپى كولەمىنىڭ %43.7 ىن ۇستايدى.

كەلۋ قاينارى: حالىق تورابى