وقۋ – اعارتۋ مينيسترلىگى: ورتا، باستاۋىش مەكتەپتەگى بارشا وقىتۋشىلاردىڭ اۋىرتپالىعى ونان ارى جەڭىلدەتىلەدى 

ورتالىق تەلەۆيزيا تورابىنىڭ حابارى. 8 – ايدىڭ 29 – كۇنى، مەملەكەتتىك كەڭەس «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اعارتۋشىلار رۋحىن ساۋلەلەندىرىپ، جاڭا داۋىردەگى جوعارى ساپالى كاسىپتىك وقىتۋشىلار قوسىنى قۇرىلىسىن كۇشەيتۋ جونىندەگى پىكىرى» تۋرالى اقپار جاريالاۋ ءماجىلىسىن اشتى.

ماجىلىستە، وقۋ – اعارتۋ مينيسترلىگى وقىتۋشىلار قىزمەتى مەڭگەرمەسىنىڭ باستىعى يۇي ۋەييۋە مىنانى ءبىلدىردى: جۋىرداعى جىلداردان بەرى، وقۋ – اعارتۋ جانە وقىتۋ قىزمەتىمەن قاتىسى جوق قوعامدىق ىستەر مەكتەپ اۋلاسىنا ءجيى قادام تاستاپ، وقىتۋشىلاردىڭ اۋىرتپالىعىن اۋىرلاتىپ، قالىپتى وقۋ – اعارتۋ جانە وقىتۋ تارتىبىنە ىقپال جەتكىزدى. پارتيا ورتالىق كوميتەتى مەن مەملەكەتتىك كەڭەس بۇل ىسكە وسكەلەڭ ءمان بەرىپ، قوعامدىق ىستەردىڭ مەكتەپ اۋلاسىنا كىرۋىن جۇيەگە ءتۇسىرىپ، نەگىزگى ساتىداعىلاردىڭ اۋىرتپالىعىن جەڭىلدەتۋ جونىندە ايقىن تالاپتى ورتاعا قويدى، وقۋ –ا عارتۋ مينيسترلىگى ورتالىق كوميتەتتىڭ شەشىمدەرى مەن ورنالاستىرۋلارىن باتىل دايەكتىلەندىرىپ، قوعامدىق ىستەردىڭ مەكتەپ اۋلاسىنا الباتى كىرۋىن تەجەۋ جونىندە ارناۋلى ارەكەت ورىستەتتى.

كەلەسى قادامدا، وقۋ – اعارتۋ مينيسترلىگى ونىمدىلىگىن وكشەلەي سۇراستىرۋدى كۇشەيتىپ، جونگە سالۋدى ۇزدىكسىز تەرەڭدەتىپ، ۇيلەسىمدى مەزگىلدە ”قايرىلا قاراۋدى“ ورىستەتىپ، قىزمەتتى پارمەندى تياناقتاندىرماعان جەرلەرگە جەتەكشىلىك ەتۋ جانە جونگە سالۋ – وزگەرتۋ تەبىنىن ارتتىرىپ، قىزمەت ونىمدىلىگى كورنەكتى بولعان وڭىرلەردە وقۋ – اعارتۋ مينيسترلىگى ۇگىت جۇرگىزۋ جانە جالپىلاستىرۋ تەبىنىن اناعۇرلىم كۇشەيتىپ، ۇلگى كورسەتۋ، جەتەكشىلىك ەتۋ اسەرىن قالىپتاستىرادى. باقىلاۋ – تەكسەرۋ، اشكەرەلەۋ، سالىستىرىپ تەكسەرۋ قاتارلى مەحانيزمدەردى ورناتىپ، قوعامدىق ىستەردىڭ مەكتەپ اۋلاسىنا كىرۋىنە قاتىستى قىزمەتتى ۇدايىلانعان فورمادا جۇيەگە ءتۇسىرىپ، باقىلاۋ، تەكسەرۋ، باعالاۋ، ساراپتاۋ ىستەرىن ىقشامداۋ، مۇعالىمدەردى باسقا جۇمىسقا ورنالاستىرۋدى جۇيەگە ءتۇسىرۋ قاتارلى قىزمەتتەردى ءبىرتۇتاس جوسپارلاپ ىلگەرىلەتىپ، ءارقايسى تاراۋلار اراسىندا بارلىعى بىردەي ءمان بەرەتىن اۋقىم قالىپتاستىرىپ، وقىتۋشىلاردىڭ اۋىرتپالىعىن جەڭىلدەتەتىن، وقىتۋمەن قاتىسسىز قوعامدىق ىستەردىڭ مەكتەپ اۋلاسىنا كىرۋىن جۇيەگە تۇسىرەتىن ۇزاق مەرزىمدىك ءونىمدى مەحانيزمدى ورناتىپ، ورتا، باستاۋىش مەكتەپتەردەگى بارشا وقىتۋشىلاردىڭ اۋىرتپالىعىن ونان ارى جەڭىلدەتىپ، وقىتۋشىلاردىڭ نەگىزگى جۇمىسىمەن اينالىسۋىنا تولىق كەپىلدىك ەتەدى.

كەلۋ قاينارى: حالىق تورابى