ساۋدا مينيسترلىگى: كونە زاتتى جاڭاسىنا اۋىستىرۋعا قوسىمشا قاراجات الۋعا ءوتىنىش بەرگەندە كۋالاندىرۋ قاراجاتى الىنبايدى

ساۋدا مينيسترلىگى تورابىنىڭ حابارلاۋىنشا، ساۋدا مينيسترلىگىنىڭ تۇتىنۋدى ىلگەرىلەتۋ مەڭگەرمەسى 9 – ايدىڭ 2 – كۇنى «قاتاڭ مالىمدەمە» جاريالاعان.

جۋىردا جۇرتشىلىقتىڭ مالىمدەۋىن تاپسىرىپ الدىق، ءىشىنارا زاڭسىز ەلەمەنتتەر ”ساۋدا مينيسترلىگى كەڭسە مەڭگەرمەسىنىڭ «كونە زاتتى جاڭاسىنا اۋىستىرۋ بارىسىندا حالىققا قوسىمشا قاراجات تاراتۋ ارقىلى تيىمدىلىك جاساۋعا قاتىستى كۋالاندىرۋ قىزمەتى تۋرالى ۇقتىرۋ» اتتى قۇجاتىن“ جالعاننان جاساپ جاريالاعان ءارى ساۋدا مينيسترلىگى مەن ونىڭ قاراماعىنداعى قۇرىلىمداردىڭ اتىندا ”كونە زاتتى جاڭاسىنا اۋىستىرۋ، جۇڭگو ارمانىنا بىرگە تالپىنۋ“ اتتى تىكە تاراتىلىم ارقىلى ۇگىتتەۋ قاتارلى قيمىلداردى ۇيىمداستىرىپ، كۋالاندىرۋ قاراجاتىن العان. وسىعان بايلانىستى قاتاڭ مالىمدەمە جاريالايمىز:

ساۋدا مينيسترلىگى مەن ونىڭ قاراماعىنداعى قۇرىلىمدار ەشقاشان «كونە زاتتى جاڭاسىنا اۋىستىرۋ بارىسىندا حالىققا قوسىمشا قاراجات تاراتۋ ارقىلى تيىمدىلىك جاساۋعا قاتىستى كۋالاندىرۋ قىزمەتى تۋرالى ۇقتىرۋ» جاريالاماعان، ”كونە زاتتى جاڭاسىنا اۋىستىرۋ، جۇڭگو ارمانىنا بىرگە تالپىنۋ“ اتتى تىكە تاراتىلىم ارقىلى ۇگىتتەۋ قاتارلى قيمىلداردى ۇيىمداستىرماعان، كونە زاتتى جاڭاسىنا اۋىستىرۋعا قاتىستى قوسىمشا قاراجات الۋعا ءوتىنىش بەرگەندەردەن كۋالاندىرۋ قاراجاتىن تاپسىرۋدى تالاپ ەتپەگەن. ساۋدا مينيسترلىگى وسى جاعداي جونىندە قوعام حاۋىپسىزدىگى ورگاندارىنا دەلو مالىمدەدى، بارشا تۇتىنۋشىلاردىڭ الدانىپ قالۋدان ساق بولۋىن ءۇمىت ەتەمىز.

وسىعان بايلانىستى وسى مالىمدەمەنى شىعاردىق.

كەلۋ قاينارى: حالىق تورابى